3/28/2024
Today from Hiiraan Online:  _
Wararka Maanta- Sabti, Aug 1 , 2020
Tanzania oo dalkeeda ka mamnuucday diyaaradda Kenya Airways
 

Sabti, Agoosto 1, 2020 (HOL) - Hay’adda duulista rayidka ah ee waddanka Tanzania (TCAA), ayaa war qoraal ah oo ay soo saartay waxay dalkeeda uga mamnuucday duullimaadyadii diyaaradda Kenya Airways ay dib uga billaabi laheyd.

Go’aanka Tanzania ayaa sal u ah heshiiska faa’ido is-dhaafisaga duullimaadyada, waxaana qoraalka lagu sheegay in hakinta ay sii socon doonto illaa iyo inta ogeysiin kale oo lagu fasaxayo diyaaraddaasi la soo saari doono.

“Waxay dowladda idinku war-gelineysaa, iyadoo heshiiska faa’ido is-dhaafsiga duullimaadyada la eegayo, in Tanzania ay go’aansatay in la laalay dhammaan oggolaashiyahii duullimaadyada diyaaradda Kenya Airways ee ahaa Nairobi/Dar es salaam /Kilimanjaro/Zanzibar, ee billaaban lahaa 1-da, bisha August ee sanadkan, illaa iyo inta uu ammar dembe kasoo baxayo’ ayaa lagu yiri warka uu soo saaray maareeyaha hay’adda duullimaadyada waddankaas Hamza S.Johari.

Ammarkaan ka yimid Tanzania ayaa daba socda markii dhowr dal oo loo oggolaaday, in duullimaadyadoodii Kenya lasoo celiyay, waddamadaas kuma jirto Tanzania .

Billowgii Isbuucaan wasiirka gaadiidka Kenya James Macharia ayaa sheegay in keliya Kenya ay u fasaxday dalkeeda, duullimaadyada uga imaan kara dalalka Uganda, Rwanda, Namibia, Switzerland, Morocco, dalka Mareykanka gaar ahaa Gobollada “California, Florida, iyo Texas”,

Waxaana sharuudaha kale ee Kenya ay bixisay kamid ahaa in rakaabka diyaaradahaas ay la soo galaan dalkeeda warqadaha caddeynaya in aysan qabin xanuunka Covid-19, waxaana loo oggolaan doonaa in gelitaanka waddankaasi dadka heer kulka jirkooda uu ka hooseeyo 37.5 degree.

Abdiaziz Ahmed Barrow, Hiiraan Online
[email protected]












Click here
8/1/2020 4:26 PM EST
Sabti, Agoosto 1, 2020 (HOL) - Madaxweynaha maamulka Koonfur galbeed ee Soomaaliya Cabdicasiis Xasan Maxamed “Lafta-gareen” ayaa waxa uu maanta xil ka qaadis ku sameeyay qaar kamid ah xubnaha Golaha wasiirradiisa, isagoo kuwa kalana magacaabay.

8/1/2020 11:14 AM EST
Sabti, Agoosto 1, 2020 (HOL) - Duqa cusub ee degmad Baledweyne ayaa maanta booqatay xaafada howlwadaag gaar ahaan laanta baacadaha waxayna agabka biyaha la isaga xiro ay ku wareejisay qoysas ku nool xaafadaasi si ay ula talacaan fatahaad si hordhac ah u saameysay qeybo ma mid ah xaafadasi.

8/1/2020 6:36 AM EST
Sabti, Agoosto 1, 2020 (HOL) - Madaxweynaha maamulka Galmudug Axmed Cabdi Kaariye Qoor qoor ayaa magacaabay xubnaha Galmudug ay ku leedahay guddiga ka shaqeyn doono arrimaha farsamada doorashada dalka ka dhici doonta.

8/1/2020 6:20 AM EST
Sabti, Agoosto 1, 2020 (HOL) - Wareegto kasoo baxday xafiiska wasiirka arrimaha gadaha iyo dowladaha hoose ee maamulka Hirshabeelle ayaa waxaa xilkii looga qaaday duqii degmada Beledweyne Safiyo Xasan Shiikh Cali Jimcaale, waxaana xilkaasi loo magacaaby Nadar Tabaax maalin .

8/1/2020 6:07 AM EST
Sabti, Agoosto 1, 2020 (HOL) - Dowlad goboleedka Puntland ayaa maanta ka digay in dowladda federalku sameysato muddo kororsi xilligan kala guurka ah oo dalku isku diyaarinayo sidii doorashooyin qaran loo qaban qaabin lahaa.

8/1/2020 5:43 AM EST
Sabti, Agoosto 1, 2020 (HOL) - Xisbiga wadajir ayaa sharci darro ku tilmaamay xubnaha golaha adeegga garsoorka Soomaaliya oo ay anixisyeen golaha wasiiradda ee xukuumadii raysal wasaare Kheyre ee uu barlamaanka riday.

8/1/2020 1:51 AM EST
Sabti, Agoosto 1, 2020 (HOL) - Madaxweynihii hore ee Puntland Cabdiweli Gaas ayaa ku eedeeyay nabaddoonada gobolka Mudug inay diideen inay ka qeyb qaataan kulan ku saabsanaa xoojinta amniga Gaalkacyo oo uu ku casuumay madaxweynaha Puntland.