10/23/2020
Today from Hiiraan Online:  _
Wararka Maanta- Jimco, Sept 25, 2020
Banaan-bax looga soo horjeedo ciidamada Kenya oo ka dhacay Ceelwaaq


 

Jimco, September 25, 2020 (HOL) - Dibad-bax xooggan oo looga soo horjeedo ciidamada Kenya oo uu ka dhacay degmada Ceel-waaq ee Gobolka Gedo.

Dad fara badan oo isugu jira odoyaal, dhalin-yaro, haween iyo aqoonyahan ayaa isugu soo baxay gudaha magaaladaas , iyagoo ka cabanaya dilal la sheegay in ciidamada Kenya ay ka geysanaysteen gudaha Gobolka Gedo, gaar ahaan degmada Ceel-waaq.

Ciidamada militiriga Kenya ee loo yaqaanno KDF ayaa tuulada lagu magacaabo Yadoo , oo 25KM jiho waqooyi ka xigta Ceelwaaq ku dilay qof rayid ah , halka seddex kalana ay ka kaxeysteen guri ay dadkaas ku wada sugnaayeen, meydka mid kamid ah saddexdii qof ay wateen ayaa dib loo helay, sida ilo deegaanka ah ay HOL u sheegeen.

Ciidamada Kenya ee ku sugan Soomaaliya ayaa dhowr jeer lagusoo eedeeyay tacaddi xooggan oo ka dhan ah dadka ku nool Gobolka Gedo, waxayna horay u sameeyeen duqeymo diyaaradeed oo lagu dilay dad rayid ah iyo xoolo badan.

Dhinaca kale, waxaa shalay magaalada Muqdisho shir ku qabtay mudanayaal ka tirsan aqalka hoose ee Baarlamanka Soomaaliya, kuwaas oo ka hadlay falkii lagu dilay , laguna qafaashay qaar kamid ah shacabka tuulada Yadoo.

Illaa iyo hadda ma jiraan war kasoo baxay dowladda Kenya oo ku aaddan dilka iyo qafaalka ciidamadooda lagusoo eedeeyay, sidoo kalena illaa iyo hadda falkaas waxaan ka hadlin taliska ciidamada AMISOM.

Abdiaziz Ahmed Barrow, Hiiraan Online
[email protected]












Click here
9/25/2020 7:36 AM EST
Jimco, September 25, 2020 (HOL) - Warbixin ay soo saartay hay’adda lacagta Adduunka ee IMF ayaa waxaa looga hadlay kulamo looga hadlayay arrimaha deyn cafinta iyo dadaallada Soomaaliya ay ugu jirto sidii qorshooyinka horyaalla ay u fulin laheyd.

9/25/2020 7:31 AM EST
Jimco, September 25, 2020 (HOL) - Waxaa magaalada Muqdisho kulan ku yeeshay madaxweynaha maamulka Jubaland Axmed Maxamed Islaam iyo Guddoomiyaha aqalka hoose ee Baarlamanka Soomaaliya Maxamed Mursal Shiikh Cabdiraxmaan, kulanka oo ahaa mid ay albaabbada u xernaayeen ayaa waxaa la sheegay iney uga hadleen xaaladda siyaasada dalka.

9/25/2020 5:25 AM EST
Jimco, September 25, 2020 (HOL) - Madaxweynaha Soomaaliya Maxamed Cabdullaahi Farmaajo oo Khudbad ka jeediyey Meertada 75-aad ee Golaha Guud ee Qaramada Midoobay ayaa ka warbixiyey horumarrada dowladdu ay ka xaqiijisay amniga iyo siyaasadda, saameynta cudurka safmarka ah ee Karoona iyo caqabadaha dhaqaale ee uu sababay.