10/23/2020
Today from Hiiraan Online:  _
Wararka Maanta- Khamiis, Sept 24, 2020
Al-shabaab oo xukun dil ah ku fulisay nin lagu eedeeyay inuu ahaa Sixiroole


 

Khamiis, September 24, 2020 (HOL) - Maxkamad kutaala magaalada Jilib ee gobolka Jubbada dhexe oo ay maamusho Al-Shabaab ayaa xukun dil ah ku fulisay nin lagu eedeeyay inuu sixiroole ahaa.

Qaadiga maxkamada ayaa ninkan oo lagu magacaabo Axmed Kusane Xasan ku eedeeyay inuu sixir u dhigay lamaane is qaba oo degan deegaanka Joorraha si uu u burburiyo guurkooda.

Garsooraha wuxuu sheegay sixirka in uu yahay riddo.

Maamulka Jilib waxay sheegeen inuu ninkaan dhib ku hayay dadka ku dhaqan tuulooyinka.

Al-shabaab ayaa horey dilal nuucaan oo kale ah ugu fulisay dad lagu eedeeyay inay ahaayeen sixiroolayaal iyo jaajuusiin.

Todobaad kahor waxaa degaanada Al-shabaab maamulaan lagu toogtay dhowr qof oo lagu eedeeyay inay basaasiin u ahaayaeen dowladda Soomaaliya iyo wadamada shisheeye.

Abdiweli M. Sheikh, Hiiraan Online
[email protected]












Click here
10/8/2020 9:46 AM EST
Hab Dhaqanka Wiishka

9/24/2020 6:16 AM EST
Khamiis, September 24, 2020 (HOL) - Taliyaha cusub ee ciidamada AMISOM ee Soomaaliya ka howl-gala Diomede Ndegeya ayaa waxa uu booqday fadhiga Ciidamada midowga Afrika ay ku leeyihiin magaalada Baydhaba, waxa uuna ku amaanayay howsha ay ka hayaan deegannadaas.

9/24/2020 6:12 AM EST
Khamiis, September 24, 2020 (HOL) - Ra’iisul wasaarahii hore ee Soomaaliya Cabdiweli Maxamed Cali Gaas ayaa waxa uu usoo jeediyay ra’iisul wasaaraha cusub ee Soomaaliya Maxamed Xuseen Rooble in uusan soo magacaabin gole wasiirro oo cusub, taas bedelkdeeda uu lasii shaqeeyo wasiirrada sida gaarsiinta ah hadda ku shaqeeya.

9/24/2020 6:08 AM EST
Khamiis, September 24, 2020 (HOL) - Guddoomiyaha Guddiga madaxa bannaan ee doorashooyinka Qaranka Soomaaliya Xaliimo Ismaaciil ayaa waxay magaalada Muqdisho kulan kula yeelatay safiirka dalka Sweden u jooga Soomaaliya danjire Staffan Tillander, waxa ayna ka wada hadleen xaaladda dalka Soomaaliya iyo doorashooyinka.

9/24/2020 6:05 AM EST
Khamiis, September 24, 2020 (HOL) - Waxaa goor u dhow uu kulan usoo dhammaaday ra’iisul wasaaraha Soomaaliya Maxamed Xuseen Rooble iyo siyaasiga mucaaradka Cabdiraxmaan Cabdishakuur Warame, kulanka ayaa ka dhacay madaxtooyada Soomaaliya, iyagoo ka wada-hadlay xaaladda siyaasadda Soomaaliya iyo sidii doorashadu ay wakhtigeeda ugu dhici laheyd.

9/24/2020 6:01 AM EST
Khamiis, September 24, 2020 (HOL) - Qaramada Midoobay (UN) iyo beesha caalamka ayaa ku amaanay baarlamaanka federaalka ansixinta ra'iisal wasaaraha cusub ee Soomaaliya ee dhowaan la magacaabay.

9/24/2020 12:56 AM EST
Khamiis, September 24, 2020 (HOL) - Qaramada Midoobay ayaa bilowday ololaha tallaalka cudurka dabaysha oo lagu bartilmaameedsanayo 1.65 milyan oo caruur ah oo da'doodu ka yar tahay shan sano.