1/26/2021
Today from Hiiraan Online:  _
Wararka Maanta- Isniin, Oct 26, 2020
Kiisaska cusub ee COVID-19 ayaa sii kordhay sida ay sheegtay waaxda caafimaadka ee Minnesota




Isniin, October, 26, 2020 (HOL) - Bukaannada cusub ee COVID-19 ayaa weli si aad ah u sii kordhaaya, sida ku cad tirooyinka ay soo saartay Jimcihii Waaxda Caafimaadka ee Minnesota (MDH).

Saraakiisha caafimaadka ayaa shalay sheegay in 1,721 bukaan oo cusub oo fayraska dilaaga ah la soo wariyay, taasoo ka dhigeysa wadarta guud ee gobolka tan iyo markii ay bilaabatay faafida cudurkan safmareenka ah 129,863 bukaan. Kiisaskan cusub waxaa lagu xaqiijiyey natiijooyinka ka soo baxay baaritaanno cusub (oo isugu jira PCR iyo Antigen) oo ay sameeyeen shaybaarro gaar loo leeyahay iyo kuwa gobolka oo lagu sameeyay 26,742 qofood.

13 qofood oo kale ayaa naftooda ku waayey fayraska loo yaqaan Karonafayrus (coronavirus), taas oo wadarta dhimashada gobolka Minnesota ka dhigeysa 2,314 qofood. 1,623, ama 70%, qofood oo ka mid ah dadkaasi dhintay ayaa degannaa xarumaha dadka lagu gargaaro muddada dheer ama ay ku sugaan geeridooda.

Wadarta tirada dadka isbitaal loo seexiyay xanuunkan ee reer Minnesota ayaa hadda gaaray 9,338 qofood tan iyo markii uu bilaabmay faafida cudurkan, iyadoo 2,510 bukaankaasi ka mid ah u baahdeen daryeelka deg-dega ah (ICU). Waaxda Caafimaadka ee Minnesota (MDH) ayaa tiri 114,679 qofood oo uu ku dhacay cudurka COVID-19 ayaa ka bogsaday oo aan u baahnayn in la karantiimeeyo markale.













Click here
10/26/2020 11:13 AM EST
Isniin, October, 26, 2020 (HOL) - Koooxda Daacish ayaa sheegatay mas'uuliyadda weerar ka dhacay isgoyska Xoosh ee magaalada Muqdisho, maalintii Axadda ee shalay.

10/26/2020 9:33 AM EST
Isniin, October, 26, 2020 (HOL) - Gudiga wadajirka ah ee shirka nabadaynta Adhicadeeye ayaa 29 bishan sheegay in uu soo gabagaboobayo, iyadoo la xaliyey dhamaan wixii kiis ahaa ee halkaasi la keenay marka laga reebo wax yar.

10/26/2020 8:05 AM EST
Isniin, October, 26, 2020 (HOL)-Wararka naga soo gaaraya magaalada Kismaayo ee xarunta gobolka Jubbada hoose ayaa sheegay in rag hubeysan toogasho ku dileen maamulihii shirkadda Amal ee magaalada Kismaayo Cabdullaahi Cabdisalaan Shigshigow.

10/26/2020 4:46 AM EST
Isniin, October, 26, 2020 (HOL)- Xukuumadda Somaliland ayaa ka jawaabtay hadal heyn ka dhalatay cafiskii madaxweynaha Muuse Biixi Cabdi uu u fidiyay Ra’iisal Wasaare ku-xigeenkii hore ee Soomaaliya Maxamed Cumar Carte.

10/26/2020 12:30 AM EST
Isniin, October, 26, 2020 (HOL) - Xukuumada Somaliland ayaa shaacisay inay hakisay dhammaan barnaamijyadii iyo qorshayaashii shaqo ee hay’addaha Qaramada Midoobay ka wadeen degaanadeeda.

10/26/2020 12:23 AM EST
Isniin, October, 26, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa kormeeray Jidka Tarabuunka oo halboowle u ah isu socodka Caasimadda, si uu u hubiyo fulinta amarkii ku aaddanaa isu socodka bulshada iyo gaadiidka ee uu faray Laamaha Ammaanka.