1/23/2021
Today from Hiiraan Online:  _
Wararka Maanta- Isniin, Oct 26, 2020
Somaliland oo shaacisay inay hakisay shaqooyinkii hay'adda UN-ka ka hayeen degaanadeeda


 

Isniin, October, 26, 2020 (HOL) - Xukuumada Somaliland ayaa shaacisay inay hakisay dhammaan barnaamijyadii iyo qorshayaashii shaqo ee hay’addaha Qaramada Midoobay ka wadeen degaanadeeda.

Wasaaradda Qorshaynta & Horumarinta Somaliland, ayaa soo saartay bayaan ay ku shaacisay inay hakisay wada shaqeyntii ka dhaxeysay UN-ka iyo Somaliland.

Maalintii shalay oo ku beegnayd 25-ka bisha Octobar ayuu go’aankaan si rasmi ah uga dhaqan galay Somaliland, sida bayaanka lagu sheegay.

Somaliland ma sheegin sababta ay go’aankaan u qaadatay.

Todobaadyo ka hor ayay ahayd markii Qaramada Midoobay ay heshiis cusub ah la saxiixatay dowladda federalka Soomaaliya, heshiiskaas oo baddali doona heshiiskii hore oo waqtigiisu ku eg yahay dabayaaqada sanadkan.

Heshiiska wuxuu tilmaamayaa sida Dowladda Federaalka Soomaaliya iyo Qaramada Midoobay ay uga wada go'an tahay inay wada shaqeeyaan si loo taageero Hiigsiga 2030.

Waxaa kaloo heshiiska qeyb ka ah, balse aan saxaafada laga sheegin, in dowlada federalka Soomaaliya lasoo marsiinayo dhammaan barnaamijyada Qaramada Midoobay ka fulinayso Soomaaliya, oo ay ku jirto Somaliland.


Abdiweli M. Sheikh, Hiiraan Online
[email protected]












Click here
10/26/2020 11:13 AM EST
Isniin, October, 26, 2020 (HOL) - Koooxda Daacish ayaa sheegatay mas'uuliyadda weerar ka dhacay isgoyska Xoosh ee magaalada Muqdisho, maalintii Axadda ee shalay.

10/26/2020 9:33 AM EST
Isniin, October, 26, 2020 (HOL) - Gudiga wadajirka ah ee shirka nabadaynta Adhicadeeye ayaa 29 bishan sheegay in uu soo gabagaboobayo, iyadoo la xaliyey dhamaan wixii kiis ahaa ee halkaasi la keenay marka laga reebo wax yar.

10/26/2020 8:05 AM EST
Isniin, October, 26, 2020 (HOL)-Wararka naga soo gaaraya magaalada Kismaayo ee xarunta gobolka Jubbada hoose ayaa sheegay in rag hubeysan toogasho ku dileen maamulihii shirkadda Amal ee magaalada Kismaayo Cabdullaahi Cabdisalaan Shigshigow.

10/26/2020 4:46 AM EST
Isniin, October, 26, 2020 (HOL)- Xukuumadda Somaliland ayaa ka jawaabtay hadal heyn ka dhalatay cafiskii madaxweynaha Muuse Biixi Cabdi uu u fidiyay Ra’iisal Wasaare ku-xigeenkii hore ee Soomaaliya Maxamed Cumar Carte.

10/26/2020 1:45 AM EST
Isniin, October, 26, 2020 (HOL) - Bukaannada cusub ee COVID-19 ayaa weli si aad ah u sii kordhaaya, sida ku cad tirooyinka ay soo saartay Jimcihii Waaxda Caafimaadka ee Minnesota (MDH).

10/26/2020 12:23 AM EST
Isniin, October, 26, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa kormeeray Jidka Tarabuunka oo halboowle u ah isu socodka Caasimadda, si uu u hubiyo fulinta amarkii ku aaddanaa isu socodka bulshada iyo gaadiidka ee uu faray Laamaha Ammaanka.