1/26/2021
Today from Hiiraan Online:  _
Wararka Maanta- Axad, Oct 25, 2020
Danjire James Swan oo ugu baaqay hoggaamiyaasha Soomaaliya inay hadda sii qorsheeyaan doorasho qof iyo cod ah


 

Axad, October, 25, 2020 (HOL) -  Wakiilka Qaramada Midoobay ee Soomaaliya James Swan ayaa ugu yeeray hoggaamiyayaasha Soomaaliya inay hadda bilaabaan ka baaraan dagidda tallaabooyinka loo baahan yahay in la qaado si loogu diyaar garoobo doorasho Qof iyo Cod, 2024 ama 2025.

Danjire James Swan ayaa sheegay tallaabooyinkaas inay u baahan yihiin in hadda la sii calaamadiyo oo lagu daro jadwal sanadeedka, aragti ahaanna ay ka heshiiyaan daneeyeyaasha siyaasadeed ee Soomaaliya.

 “Shaqo in la qabto u baahan ayaa jirta. Waxaan u baahannahay in aan si deg deg ah uga fakarno doorashada dambe iyo in aan kacaawinno Soomaalida imkaaniyaadka loo baahan yahay in la helo si loo xaqiijiyo“Qof iyo Cod” afarta sano ee dambe” ayuu yiri Swan.

Wakiilka gaarka ah waxa uu  xusay in Qaramada Midoobay iyo saxiibada caalamiga ahay u ololeenayeen doorasho qof iyo cod ah, Hase yeeshee, shirarkii ugu dambeeyay ee ay madaxda Soomaalida ku yeesheen Dhuusamareeb iyo Muqdisho lagu saxiixay heshiisku saabsan doorasho qaab kale ah.

Waxa uu muujiyey in uu ku rejo weyn yahay in la xushmeyn doono meelaha laga toostoosiyey nidaamka doorasho ee dhawaan lagu heshiiyey, taas oo ay ku jirto qoondada 30% ee Haweenka ku metelaya barlamaanka Federalka ah.

Abdiweli M. Sheikh, Hiiraan Online
[email protected]












Click here
10/25/2020 11:20 AM EST
Axad, October, 25, 2020 (HOL) - Madaxweynaha Puntland Siciid Deni ayaa shaaciyay inay xal-waara ka gaarayaan shirkadda DP world oo gacanta ku haysa dekeda Bosaso, taasoo aan weli si buuxda u fulin heshiiskii ay kula wareegtay dekeda.

10/25/2020 10:06 AM EST
Axad, October, 25, 2020 (HOL) - Maxkamada ciidamada qalabka sida ayaa xukuntay 11-Eedeysane oo isugu jiro Ciidamada Asluubta, Xunkusanayaal iyo Garsugayaal lala xariiryay inay kaalin ku lahaayeen weerarkii xabsiga dhexe ee Xamar.

10/25/2020 8:23 AM EST
Axad, October, 25, 2020 (HOL)- Ra’iisal Wasaare ku-xigeenkii hore ee Soomaaliya Maxamed Cumar Carte ayaa lagu waramayaa in uu gaaray magaalada Hargeysa kaddib markii uu cafis ka helay madaxweynaha Somaliland Muuse Biixi Cabdi.

10/25/2020 7:08 AM EST
Axad, October, 25, 2020 (HOL)-Dowladda Soomaaliya ayaa isku diyaarineysa doorashada 2020-21 oo kol hore ay ku heshiiyeen madaxtooyada Soomaaliya iyo madaxda dowlad gobolleedyada in ay waqtigeeda ku dhacdo.

10/25/2020 4:54 AM EST
Axad, October, 25, 2020 (HOL) - Dagaalmayaal katirsan ururka Al-Shabaab ayaa qabsaday dhowr tuulo oo ka tirsan gobolka Sanaag ee waqooyiga Soomaaliya, oo ay sheegtaan maamulka Somaliland.

10/25/2020 3:55 AM EST
Axad, October, 25, 2020 (HOL) – Guddoomiyaha Guddiga Madaxa Banaan ee Doorashooyinka Qaranka Xaliimo Ismaaciil Ibraahim (Xaliimo Yareey) ayaa ku eedeysay Dowlad Gobolleedyada in aysan ilaalin qoondad haweenka ee Guddiyada Doorashada heer Federaal.

10/25/2020 2:13 AM EST
Axad, October, 25, 2020 (HOL) - Wasiirka hore ee warfaafinta Soomaaliya Maxamed Cabdi Xayir Maareeye ahna xildhibaan katirsan barlamaanka aqalka hoose, ayaa ku eedeeyay wasiirro katirsan xukuumada raysal wasaare Rooble iyo xog-hayntiisa in ay faro galin ku billaabeen xulista guddiyada doorashooyinka wakiiladda Somaliland.

10/25/2020 1:31 AM EST
Axad, October, 25, 2020 (HOL)- Madaxweynaha dalka Turkiga Recep Tayyip Erdogan ayaa weerar Afka ah ku qaaday dhaggiisa dalka Faransiiska Emmanuel Macron isaga oo sheegay in uu ku khafiifay naceybka dadka muslimiinta ah.

10/25/2020 1:09 AM EST
Axad, October, 25, 2020 (HOL)- Madaxweynaha Dowlad Gobolleedka Hirshabeelle Mudane Maxamed Cabdi Waare ayaa wareegto uu soo saaray ku magacaabay xubnaha maamulkiisa ku matalaya Guddiyada Doorashada heer Federaal.