1/26/2021
Today from Hiiraan Online:  _
Wararka Maanta- Sabti, Oct 24, 2020
Al-shabaab oo todobaadkii lasoo dhaafay 19 weerar ka geysatay Soomaaliya iyo qeybo kamid ah Kenya


 

Sabti, October, 24, 2020 (HOL) - Ururka Al-shabaab ayaa kordhiyay weerarada joogtada ee uu ka geysanayo gudaha Soomaaliya iyo qeybo kamid ah dalka Kenya, sida lagu sheegay warbixin xog ururin ah oo lagu daabacay bog ka faallooda kooxaha mintidiinta.

Toddobaadkii la soo dhaafay, Al-Shabaab waxay qaadeen ugu yaraan 19 weerar oo ka dhacay Soomaaliya iyo dalka deriska la ah ee Kenya, sida lagu xusay warbixinta.

Weeraradan ayaa iskugu jira qaraxyo, weeraro toos ah iyo dilal qorshaysan oo Al-shabaab ka fuliyeen Soomaaliya gudaheeda iyo gobolka waqooyi bari Kenya.

Al-Shabaab ayaa hadafkooda ah inay muujiyaan awoodda ay u leeyihiin inay weeraro ka fuliyaan Bariga Afrika.

Warbixinta ayaa lagu sheegay in Al-Shabaab weeraradan u geysanayaan inay xoojiyaan awoodda ay ku leeyihiin koonfurta iyo bartamaha Soomaaliya halkaas oo ay ku leeyihiin il dhaqaale oo weyn oo dhinaca canshuuraha ah.

Abdiweli M. Sheikh, Hiiraan Online
[email protected]












Click here
10/24/2020 2:55 PM EST
Sabti, October, 24, 2020 (HOL)-Ra'iisal Wasaare Maxamed Xusseen Rooble oo shir guddoomiyay kulankii ugu horreeyay ee Golaha Xukuumadda ayaa Wasiirrada cusub faray in ay degdeg xilalkooda ula wareegaan si loo guda-galo howlaha shaqo ee hor yaala.

10/24/2020 10:47 AM EST
Sabti, October, 24, 2020 (HOL)-Madaxweynaha dowladda Soomaaliya Maxamed Cabdullaahi Farmaajo ayaa wareegto uu saaray waxaa uu isbadal ku sameeyay qaar ka mid ah taliyayaasha ciidamada xoogga dalka Soomaaliyeed.

10/24/2020 7:51 AM EST
Sabti, October, 24, 2020 (HOL)-Ra’iisal Wasaaraha Xukuumadda Soomaaliya Maxamed Xusseen Rooble oo khudbad ka hor jeediyay maanta xildhibaannada Golaha Shacabka ayaa ka hadlay howlaha hor yaala xukuumadda uu horkacayo ee codka kalsoonida heshay.

10/24/2020 7:18 AM EST
Sabti, October, 24, 2020 (HOL) - Puntland ayaa sharuud ku xirtay sii daynta shakhisyaad horey uga tirsanaan jiray Al-shabaab, kuwaas oo qeyb ka ahaa eedeesanayaal u xiran dilka gudoomiyihii hore ee gobolka Nugaal, Cabdisalaan Gujir, oo la dilay taariikhdu markay ahayd 29 march 2020.

10/24/2020 5:39 AM EST
Sabti, October, 24, 2020 (HOL)- Xildhibaannada Golaha Shacabka ayaa goor dhaw cod aqlabiyad ah ku ogolaaday Golaha Xukuumadda cusub ee uu dhawaan soo magacaabay Ra’iisal Wasaare Maxamed Xusseen Rooble.

10/24/2020 4:08 AM EST
Sabti, October, 24, 2020 (HOL) –Saraakiisha ciidamada dowladda Soomaaliya gaar ahaan xoogagga DANAB ayaa sheegay in howlgal ku dileen dagaalamayaal ka tirsan Al-shabaab oo uu ka mid yahay sarkaal sare oo u qaabilsanaa dhinaca maaliyada.

10/24/2020 1:11 AM EST
Sabti, October, 24, 2020 (HOL)-Wasaarradda Waxbarashada Dowlad gobolleedka Galmudug ayaa shaacisay magacyada Afar Ardey ah oo ku geeriyootay walxaha Qarxa deegaan lagu magacaabo Bangeelle oo ka tirsan gobolka Galguduud

10/24/2020 12:49 AM EST
Sabti, October, 24, 2020 (HOL)-Ajandaha Kulanka Golaha Shacabka Soomaaliya ee maanta oo Sabti ah ayaa noqonaya meelmarinta xukuumadda cusub ee Isniintii toddobaadkii hore uu soo dhisay Ra'iisal Wasaare Maxamed Xusseen Rooble.

10/24/2020 12:17 AM EST
Sabti, October, 24, 2020 (HOL) - Wasiirka Arimaha Dibada Hindia, Jaishankar ayaa sheegay in India ay ka shaqeyneyso sidii ay gargaar iyo dib ugu celin ugu sameyn laheyd 33 muwaadin oo Hindi ah oo ku xanniban Soomaaliya.