1/16/2021
Today from Hiiraan Online:  _
Wararka Maanta- Jimco, Oct 23, 2020
Guddoomiyaha Xisbiga Mucaaradka ah ee WADDANI oo laga helay caabuqa Covid-19


 

Jimco, October, 23, 2020 (HOL)- Guddoomiyaha Xisbiga WADDANI  Cabdiraxmaan Maxamed Cabdullaahi Cirro ayaa lagu waramayaa in laga helay Caabuqa Coronavirus kaddib tijaabo caafimaad oo lagu sameeyay.

Guddoomiye Cirro ayaa bartiisa Facebook ku shaaciyay in uu gali doono muddo dhowr cisho ah xaalad Karantiil ah ( Isgooni-yeel)  sida ay kula taliyeen dhaqaatiirta caafimaadka.

Cudurkan oo ah mid dhibaato ba'an ku haya guud ahaan marka la eego caalamka ayaa waxaa horay ugu geeriyooday mas'uuliyiin Soomaaliyeed oo ay ka mid ahaayeen Ra'iisal Wasaarihii hore ee Soomaaliya Nuur Xassan Xusseen (Nuur Cadde) Wasiir hore oo ka tirsanaa Dowlad gobolleedka Hirshabeelle Khaliif Muumin Tooxoow iyo waliba Prof Cali Khaliif Galeyr oo dhawaan ku geeriyooday magaalada JIgjiga.

Cabdiraxmaan Diini, Hiiraan Online
[email protected]
 

 

 

 

 

 

 













Click here
10/23/2020 1:18 PM EST
Jimco, October, 23, 2020 (HOL)-Madaxweynaha Dowladda Mareykanka Donald Trump ayaa laga soo xigtay in labada dowladood Sudan iyo Israel ogolaadeen in ay caadi ka dhigaan xiriirkooda Dibulmaasiyadeed

10/23/2020 10:42 AM EST
Jimco, October, 23, 2020 (HOL) - Ayax la sheegay in uu ka soo duulay dhinaca gobolka Sanaag ayaa soo gaadhey degmada Xuddun ee gobolka Sool, kaas oo beegsanaya dhulka uu helay roobka Dayrta oo haatan aad u yar.

10/23/2020 10:36 AM EST
Jimco, October, 23, 2020 (HOL) - Ergeyga Gaarka ah ee Xoghayaha Guud ee Qaramada Midoobay ee Soomaaliya, James Swan ayaa maanta ku baaqay in la ilaaliyo xorriyadda hadalka, ra'yiga, iyo isu imaatinka, xilli ay Soomaaliya isku diyaarinayso doorashooyin guud.

10/23/2020 7:53 AM EST
Jimco, October, 23, 2020 (HOL)- Dowladda Mareykanka ayaa meel marisay islamarkaana ogolaatay in bukaannada la siiyo dawo la sheegay in lagu dabiibayo dadka qaba cudurka Covid-19, inkastoo haddana marka dhinaca kale la eego hay’adda caafimaadka dunida ay dhaliishay waxtarka dawadan.

10/23/2020 5:32 AM EST
Jimco, October, 23, 2020 (HOL)-Maalinta Berri ah ayaa lagu waddaa in Baarlamaanka Soomaaliya la horgeeyo xukuumadda uu dhawaantay soo dhisay Ra’iisal Wasaare Maxamed Xusseen Rooble sida ay HOL u xaqiijiyeen ilo xog ogaal ah.

10/23/2020 3:54 AM EST
Jimco, October, 23, 2020 (HOL)- Madaxweyne Donald Trump iyo Ninka la filayo in ay 3- bisha November ku tartamaan doorashada madaxweynaha dalka Mareykanka ayaa yeeshay dooddoodii ugu danbeysay.

10/23/2020 3:35 AM EST
Jimco, October, 23, 2020 (HOL)- Wararka naga soo gaaraya gobolka Galguduud ee bartamaha Soomaaliya ayaa sheegay in dagaal culus deegaanno hoostaga gobolka uu ku dhaxmaray ciidamo ka tirsan dowladda Soomaaliya iyo kuwa xoogagga Ururka Al-shabaab.

10/23/2020 2:09 AM EST
Jimco, October, 23, 2020 (HOL)- Dowlad Gobolleedka Galmudug ayaa dhankeeda soo gubisay xubnaha Dowlad Gobolleedyada uga mid noqonaya Guddiyada Doorashada heer Federaal.

10/23/2020 1:43 AM EST
Jimco, October, 23, 2020 (HOL) – Inta la xaqiijinayo 12 qof oo rayid ah ayaa lagu dilay duqeyn dhanka cirka ah oo lala beegsaday dugsi lagu barto diinta dalka Afghanistan.