1/23/2021
Today from Hiiraan Online:  _
Wararka Maanta- Khamiis, Oct 22, 2020
Ciidamada Militariga iyo Booliska Soomaaliya oo hor istaagay banaanbaxii magaalada Baledweyne


 

Khamiis, October 22, 2020 (HOL) - Ciidamada Booliska iyo militariga dowladda Soomaaliya ayaa si cad u hor istaagay banaanbax maanta ka dhaci rabay magaalada Baledweyne ee xarunta gobolka Hiiraan.

Boqolaal shacab ah oo saaka isugu soo baxay wadada dheer ee laamiga ee dhexmarta bartamaha magaalada Baledweyne oo doonayay inay sameyaan banaanbax nabadeed oo ay ku doonayeen iney ku muujiyaan dareenkooda ku aadan diidamada dhismaha maamulka cusub ee Hirshabelle ayaa waxa ka hor istaagay banaanbaxaasi ciidamo ka tirsan Militiriga iyo Booliiska dowladda Soomaaliya.

Banaanbaxan oo ay shalay ku dhawaaqeen Odayaal iyo waxgarad ka tirsan beesha Xawaadle ayaa u jeedkiisu ahaa mid nabadeed oo ay kaga soo horjeedaan hab dhismeedka Hirshabelle.

Taliska Booliiska Baledweyne oo Saaxafadda la hadlay ayaa sheegay in sababta ay u joojiyeen banaanbaxa maanta ay tahay inaan lasoo wargelin laamaha amaanka degmada Baledweyne sidaas darteedna ay u joojiyeen, inkasto warar kale oo ay heshay Shabakadda HOL ay sheegayaan in amarka joojinta iyo hor istaaga banaanbaxa laga soo bixiyay magaalada Muqdisho ee caasimadda Soomaaliya.

Jamaal Cali Cabdi, Hiiraan Online
[email protected]












Click here
10/22/2020 8:49 AM EST
Khamiis, October 22, 2020 (HOL) - Puntland ayaa maanta sii daysay todobo qof oo qeyb ka ahaa dad loo xiray dilka gudoomiyihii gobolka Nugaal, Cabdisalaan Xirsi Xasan Gujir, oo 29 bishii maarso ee sanadkan lagu dilay qarax ismiidaamin ah oo ka dhacay Garowe.

10/22/2020 8:37 AM EST
Khamiis, October, 22, 2020 (HOL) –Madax-tooyada Dowlad Gobolleedka Puntland ayaa lagu waramayaa in ay si rasmi ah u soo gudbisay magacyada xubnaha ku matalaya guddiyada la filayo in dhawaan loo saaro Doorashada iyo xalinta khilaafaadka ee sida lagu heshiiyay ilaa daba-yaaqada sanadkan ka shaqeyn doona soo xulista xildhibaannada Baarlamaanka cusub.

10/22/2020 5:59 AM EST
Khamiis, October 22, 2020 (HOL) - Hay’adda Iskaashiga Horumarinta Jarmalka ee GIZ ayaa ku deeqday 7.2m oo Yuuro ah oo loogu talo galay ka jawaabida adeegyada caafimaadka iyo xoojinta la dagaalanka COVID19 ee degaaanada Puntland.

10/22/2020 1:10 AM EST
Khamiis, October 22, 2020 (HOL) - Bankiga dhexe ee Soomaaliya ayaa soo saaray warsaxaafadeed uu ku beeninayo jiritaanka in dacwad laga gudbiyay bankiyada gaarka loo leeyahay ee kuyaala Soomaaliya.