10/21/2020
Today from Hiiraan Online:  _
Wararka Maanta- Khamiis, Oct 15, 2020
Raysal wasaaraha Soomaaliya oo dhagax dhigay dhismaha hay'adda gurmadka Qaranka


 

Khamiis, October 15, 2020 (HOL) - Ra’iisul Wasaaraha Soomaaliya Maxamed Xuseen Rooble ayaa dhagax-dhigay dhismaha hay'adda gurmadka qaranka oo loogu talagalay in ay daboosho Xaaladaha deg degga ah ee ay keenaan noocyada kala duwan ee masiibooyinka.

Warsaxafadeed kasoo baxay xafiiska raysal wasaaraha ayaa lagu sheegay in xarunta ay noqon doonta mid isku xirta dhamaan hay’adaha gurmadka dalka oo dhan, waxayna aruurin doontaa macluumaaadka halista soo socota, lana wadaagi doontaa dhinacyada ay khuseyso.

Ra’iisul Wasaaraha ayaa sheegay iyadoo laga duulay casharadii laga bartay qaraxii ka dhacay Isgoyska Zoobe iyo dhacdooyin kale oo dalka soo maray ay lagama maarmaan noqotay dardargelinta dhismaha xarunta, oo laamo ku yeelanaysa caasimadaha dowlad gobolleedyada.

Maxamed Xuseen Rooble ayaa u mahadceliyay dowladda Sweden iyo Bangiga Adduunka oo maalingalinaya dhismaha Xarunta, oo lagu soo gabagabeyn doono muddo gaaban.

Abdiweli M. Sheikh, Hiiraan Online
[email protected]












Click here
10/15/2020 2:30 PM EST
Khamiis, October 15, 2020 (HOL) - Madaxweyne ku xigeenka maamulka Hirshabelle Cali Cabdullahi Xuseen Guudlaawe ayaa maanta dib ugu laabtay magaalada Jowhar ee caasimadda dowlad goboleedka Hirshabelle.

10/15/2020 12:07 PM EST
Khamiis, October 15, 2020 (HOL) - Shirka nabadaynta Adhicadeeye ayaa haatan maraya meel gabagabo ah, kaas oo inta badan lagu dhameeyey dhacdooyin qaarkood ku dhowaad 30 sano taagnaa.

10/15/2020 8:12 AM EST
Khamiis, October 15, 2020 (HOL) - Dowladda Federaalka Soomaaliya iyo Qaramada Midoobay ayaa maanta wada saxiixday heshiis iskaashi oo cusub, kaas oo hagi doona sida dalka iyo Qaramada Midoobay ay u wada shaqayn doonaan shanta sano ee soo socota si dhammaan dadka Soomaaliyeed ay u gaaraan nabad, xasillooni iyo barwaaqo.

10/15/2020 2:20 AM EST
Khamiis, October 15, 2020 (HOL) - Hay'adda Batroolka Soomaaliya (SPA) ayaa magacowday lix agaasimeyaal madax-bannaan oo ka mid noqon doona boodhka hay’adda.

10/15/2020 2:16 AM EST
Khamiis, October 15, 2020 (HOL) - Taliska ciidanka Mareykanka ee Afrika ayaa si deg deg ah uga digay halista ka bixitaanka Soomaaliya kadib markii ay soo baxeen warar sheegaya in Trump uu raadinayo dhimista ciidamada Mareykanka ee ku sugan Soomaaliya.