10/27/2020
Today from Hiiraan Online:  _
Wararka Maanta- Axad, Oct 11, 2020
Hooyo haysta saddex carruur ah oo lagu kufsaday laguna dilay magaalada Burco


 

Axad, October 11, 2020 (HOL) - Ugbaad Cali Cabdullaahi oo ahayd hooyo haystay saddex carruur ah sidoo kalena ahayd arday jaamacaddeed, ayaa xalay lagu kufsaday laguna dilay magaalada Burco, sida ay warbaahinta u sheegeen qoyskeeda.

Marxuumada oo la weysanaa ayaa maydkeeda laga helay meel katirsan Burco, kadib markii uu booliiska sidaas u sheegay nin falkaas lagu eedeeyay.

Ninkan oo hadda ay baaris ku socoto, ayaa la sheegay inuu wax ka degenaa guriga marxuumada ay ku noolayd, waxaana gabadha reerkeedu saxaafadda u cadeeyeen inuu qirtay inuu isagu gabadha kufsaday kadibna uu dilay.

Waa dhacdadii ugu horeeysay oo nuucaan oo ah ka dhacda Burco. Dadka deegaanka ayaa aad uga xumaaday falkaan waxayna maamulka ugu baaqeen in shareecadda islaamka lagu qaado qofka falkaan ka dambeeyay.

Laamaha booliisku weli warbixin rasmi ah kamasoo saarin falkaan dhacay, hase yeeshee waxa weli socda baaritaanka maydka marxuumada, si loo xaqiijiyo sida falku u dhacay iyo inuu dilku ka horeeyay kufsi.

Kufsiga la socda dilka, ayaa Soomaaliya kusoo badanaya sanadihii ugu dambeeayy, Kiiskaan ayaa noqonaya kiiskii shanaad oo nuuciisa ah oo laga diiwaan galiyo Soomaaliya muddo labo sano gudaheed ah.

Horey kiisas nuucaan ah ayaa uga dhacay, magaalooyinka Garowe, Gaalkacyo, Muqdisho iyo Lughaye.

Abdiweli M. Sheikh, Hiiraan Online
[email protected]












Click here
10/11/2020 6:19 PM EST
Axad, October 11, 2020 (HOL) - Maxkamada ciidamada qalabka sida ee dowlad goboleedka Puntland ayaa xukuntay saddex nin oo dhalinyaro oo katirsan ururka Alshabab, kuwaas oo lagu qabtay dhulka buuralayda ah ee gobolka Bari.

10/11/2020 5:57 AM EST
Axad, October 11, 2020 (HOL) - Banaanbaxan looga soo horjeedo hab dhismeedka cusub ee maamulka Hirshabelle ayaa ka dhacay magaalada Baledweyne ee xarunta gobolka Hiiraan.

10/11/2020 5:54 AM EST
Axad, October 11, 2020 (HOL) - Warar dheerad ah ayaa kasoo baxaya dagaal culus oo xalay saqdii dhexe ku dhexmaray magaalada Jalalaqsi ciidamada dowladda Soomaaliya iyo kuwa Al-shabaab.

10/11/2020 3:24 AM EST
Axad, October 11, 2020 (HOL) - Qaar kamid ah waddooyinka magaalada Muqdisho ayaa xiran, waxayna dadka isticmaalayaan socod, ma jiraan gawaarida dadweynaha iyo bajaajta oo isticmaalaya waddooyinka xiran.

10/11/2020 2:57 AM EST
Axad, October 11, 2020 (HOL) - Golaha Dimuqraadiga ee Suuriya ayaa ku dhawaaqay in ay 25,000 oo muwaadiniin reer Suuriya ah oo katirsan Daacish oo ku jira xerada caanka ah ee Al Hol lagu sii deyn doono qorshe guud oo cafis ah.

10/11/2020 2:38 AM EST
Axad, October 11, 2020 (HOL) - Dawladda Soomaliya ayaa ciidamo kale geysey xad beenaadka Soomaliya iyo Kenya, halkaas oo dhawaan ay ka dhaceen isku dhacyo u dhexeeyay ciidamada Soomaaliya iyo kuwa Kenya.

10/11/2020 2:06 AM EST
Axad, October 11, 2020 (HOL) - Wararka ka imaanaya degmada Baraawe ee Gobolka Shabeellaha hoose ayaa sheegaya in uu halkaas dagaal ku dhex maray ciidamada AMISOM iyo Alshabaab, labada dhinac ayaa isku adeegsaday hub cul culus, waxaana la maqlayay madaafiic xooggan oo ay isweydaarsadeen.

10/11/2020 1:55 AM EST
Axad, October 11, 2020 (HOL) - Gudduumiyaha Baarlamanka Maamulka Hirshabeelle Shiikh Cismaan Barre Maxamed ayaa waxa uu sheegay in doorashada maamulka ay ku dhaceyso wakhtigeeda, islamarkaana cid walba oo Dowlad Goboleedkaas kasoo jeeddo ay u tartami karto kuraasta ugu sarreysa.