1/23/2021
Today from Hiiraan Online:  _
Wararka Maanta- Jimco, Nov 27, 2020
Wasiir Shiddo'' dagaalka gobolka Tigrayga waa mid shacabka looga badbaadinayo gaboodfallada TPLF


 

Jimco, November, 27, 2020 (HOL) - Isaga oo wareysi siinayay France 24 ayuu sheegay Wasiirka Maaliyada Itoobiya Axmed Shiddo in dagaalka ka socda gobolka Tigrayga uu yahay mid lagu soo celinayo'' Amarka iyo Kala danbeynta gobolka''

Wuxuu sheegay in ciidamada difaaca Qaranka ay la wareegeen maalmihii ugu danbeeyay deegaanno dhowr ah dhawaanna la soo afjari doono dagaalka.

Wuxuu sheegay in howlgalkani yahay mid shacabka looga badbaadinayo sida uu hadalka u dhigay jabhadda TPLF oo uu ku eedeeyay in ay geysteen gaboodfallo kala duwan.

Wasiirka maaliyaddu wuxuu soo qaatay xasuuq la sheegay in 9-kii  bishan November ka dhacay magaalada Mai-Kadre ee gobolka, halkaas oo guddiga Xuquuqda Aadanaha ee Itoobiya (EHRC) uu sheegay in koox dhallinyaro maxalli ah  ay gacan ka geysteen dilka boqolaal rayid ah, eedeymaha oo daba socday warbixintii Amnesty International. tiro, oo ay u badan tahay boqolaal "ayaa la dilay.

Ra'iisal Wasaaraha dalka Itoobiya Abiy Ahmed oo dhawaan hadlay ayaa sheegay in dagaalka gobolka Tigrayga uu gallay qeybihiisii ugu danbeyay.

Cabdiraxmaan Diini, Hiiraan Online
[email protected]    















Click here
11/27/2020 2:55 PM EST
Jimco, November, 27, 2020 (HOL) - Wasaaradda warfaafinta Soomaaliya ayaa warbixin horudhac ah kasoo saartay weerar ismiidaamin ah oo qof naftii hallige ah uu ka geystay maqaayad lagu caweeyo oo kuyaala wadada garoonka Aadan Cadde ee Muqdisho.

11/27/2020 2:44 PM EST
Jimco, November, 27, 2020 (HOL) - Odayaasha iyo waxgaradka Beelweynta Xawaadle ayaa galinkii dambe ee maanta kulan xasaasi ah kula qaatay deegaanka Ceelgaal oo qiyaastii Baledweyne kaga beegan dhinaca Waqooyi Bari ilaa 13 KM Hogaamiyaha Golaha Samata Bixinta Hiiraan Janaraal Abuukar Warsame Xuud.

11/27/2020 12:16 PM EST
Jimco, November, 27, 2020 (HOL) -Qof isku soo xiray Walxaha Qarxa ayaa isku qarxiyay maqaayadda jalaato Devino oo ku taal wadadda laga galo Garoonka diyaaradaha Ee Adan Cade ,maqaayada ayaa ah mid inta badan dadku isugu yimaadaan.

11/27/2020 10:11 AM EST
Jimco, November, 27, 2020 (HOL) - Ku simaha xoghayaha gaashaandhiga Maraykanka Christopher Miller ayaa jimcihii maanta usoo safray Soomaaliya si uu ula kulmo ciidamada mareykanka ee halkaas ku sugan.

11/27/2020 8:31 AM EST
Jimco, November, 27, 2020 (HOL) -Qoraal ka soo baxay midowga musharixiinta ayaa looga hadlay hanjabaadii uga timid guddoomiyaha gobolka Banaadir Cumar Maxamed Maxamuud Filish fariin uu soo diray madaxweyne Maxamed Cabdullaahi Farmaajo.

11/27/2020 12:42 AM EST
Jimco, November, 27, 2020 (HOL) - Maxkamad ku taal dalka Canada ayaa xukun ka khafiifisay nin sanadkii 2017 weerar ka fuliyay masaajid ku yaal magaalada Quebec.