1/23/2021
Today from Hiiraan Online:  _
Wararka Maanta- Khamiis, Nov 26, 2020
Cumar Filish oo fariin hanjabaad ah u diray Midowga musharixiinta


 

Khamiis, November, 26, 2020 (HOL) - Guddoomiyaha Gobolka Banaadir Cumar Maxamed Maxamuud Filish oo ka hadlayay qoddobadii ku jiray War-murtiyeedkii maanta ka soo baxay midowga musharixiinta ayaa ku tilmaamay wax aan soconeynin.

Cumar Filish ayaa sheegay in musharixiinta war-murtiyeedka soo saaray marnaba diyaar u aheyn in dalkan doorasho ka dhacdo, isaga oo intaa ku daray in horrey ay uga biyo diideen sharci uu baarlamaanka meelmariyay madaxweynuhu-na saxiixay oo ahaa in dalkan ay ka dhacdo doorasho qof iyo cod ah, iyaga oo ka doorbiday in dib loogu laabto doorasho dadban.

Hasse ahaatee markii loo yeelay rabitaankoodii ahaa in dib loogu noqdo doorasho dadban haddana la soo baxeen siyaasaddo kale oo doorashada lagu carqaladeynayo.

''Maamul gobolleedyada guddiyadii laga rabay wey soo magacaabeen marka laga reebo Labo maamul gobolleed oo shisheeyuhu yiri ha magacaabina, guddiyada ayeey dood ka keeneen oo ay leeyihiin hala-badallo'' ayuu yiri Cumar Filish.

Sidoo kale wuxuu sheegay in war-murtiyeedka maanta ka soo baxay musharixiinta uu ka mid ahaa qoddob dhigaya sida uu hadalka u yiri habel ha is casilo, isaga oo ula jeeday ''Fahad Yaasiin' isaga oo yiri' '' Qofka la magacaabayna waxaa xilka ka qaadi kara qofkii magacaabay, qofka la doortayna wuxuu sugayaa inta uu ka dhameysto waqtigiisa'' .

Cumar Filish ayaa sheegay in hadallada ka soo yeeray musharixiinta ee ah doorasho lama qaban karo yihiin kuwo waxba kama jiraan ah oo afka uun ku eg '' Waad ogtihiin waxey soo alifeen Cumar Filish xilka waa laga qaaday, waayo waxey ka wadaan Nin aan fowddo yeeleynin waaye, waa run Anniga fowdo ma yeelayo Gobolkan Anniga ayaa wax leyga weydiinayaa bootada ay akhrinayaan car afka ha soo dhaafto,hadii ay soo dhaafto maxaa dhacayo meeshii laga soo diray ayeey u carari doonaan warkaa ha i loobina" ayuu hadalkiisa sii raaciyay.

Wuxuu sheegay in dalkan ay ka dhici doonto sida uu hadalka u dhigay doorasho xalaal ah oo ka hufan kuwii horay dalka uga soo dhacay.

Hadalka Cumar Filish ayaa imanaya xili maanta midowga musharixiinta dalka ay soo saareen war--murtiyeed ka koobnaa 18 qoddob oo dhamaantoo la xiriira arrimaha doorashooyinka dalka.

Cabdiraxmaan Diini, Hiiraan Online
[email protected]    














Click here
11/26/2020 11:23 AM EST
Khamiis, November, 26, 2020 (HOL)-Dowladda Faransiiska ayaa ka cafisay lacag dhan $306-Million sida uu sheegay Wasiirka Wasaarradda Maaliyada Xukuumadda Soomaaliya Cabdiraxmaan Ducaale Beyle.

11/26/2020 6:21 AM EST
Khamiis, November, 26, 2020 (HOL) -Madaxweynaha Jabuuti Ismaaciil Cumar Geelle ayaa sheegay in uu ka cabsi qabo in doorashada soo socta ee Soomaaliya la soo doorto sida uu hadalka u dhigay Baarlamaan ay si dadban u maamulaan Al-shabaab.

11/26/2020 5:34 AM EST
Khamiis, November, 26, 2020 (HOL) - Madaxweynihii hore ee Soomaaliya, Sheikh Shariif kana mid ah murashixiinta u sharraxan xilka madaxweynaha Soomaaliya ayaa maanta isagoo ka hadlayay shirka murashixiinta, wuxuu madaxweyne Farmaajo ugu baaqay inuu doorashada ka dhigo mid dhexda u taala murashixiinta oo idil.

11/26/2020 5:27 AM EST
Khamiis, November, 26, 2020 (HOL) - Ra'iisul wasaarihii ugu dambeeyay ee Sudan ee si dimoqraadi ah loo soo doorto, Ka hor afgambihii milatari 1989, Saadiq al-Mahdi, ayaa u geeriyooday cudurka coronavirus, sida uu sheegay xisbigiisa Khamiistii maanta.

11/26/2020 3:48 AM EST
Khamiis, November, 26, 2020 (HOL) -Midowga musharixiinta doorashada Soomaaliya oo shantii maalmood ee la soo dhaafay ku shirsanaa magaalada Muqdisho ayaa ugu danbeyntii soo saaray war-murtiyeed ka kooban 18 qodob.

11/26/2020 3:13 AM EST
Khamiis, November, 26, 2020 (HOL) - Xukuumada Somaliland ayaa dil toogasho ku filsay Lix ruux oo loo heysatay in ay horey dilal u geysteen.

11/26/2020 3:02 AM EST
Khamiis, November, 26, 2020 (HOL) - Ciidamo aad u hubeysan oo ka careysan hanaankii loo maray dhismaha dowlad goboleedka Hirshabeelle ayaa saaka la wareegay baro koontarool oo ku yaala afaafka hore ee garoonka diyaaradaha Ugaas Khaliif ee magaalada Baledweyne.

11/26/2020 12:07 AM EST
Khamiis, Novmeber, 26, 2020 (HOL) -Wararka ka imanaya magaalada Idmanton Gobolka Alperto ee dalka Canada ayaa sheegay in rag hubeysan ay toogasho ku dileen muwaadin Soomaaliyeed mid kalana dhaawacay

11/26/2020 12:04 AM EST
Khamiis, November, 26, 2020 (HOL) - Sida laga soo xigtay Wargeyska New York Times Sarkaal ka tirsan ciidamada Mareykanka ayaa toddobaadyadii taggay lagu dilay gudaha dalka Soomaaliya.