1/26/2021
Today from Hiiraan Online:  _
Wararka Maanta- Khamiis, Nov 26, 2020
Ciidamo aad u hubeysan oo la wareegay Baro-koontarool oo kuyaala afaafka hore ee garoonka diyaaradaha Baledweyne




Khamiis, November, 26, 2020 (HOL) - Ciidamo aad u hubeysan oo ka careysan hanaankii loo maray dhismaha dowlad goboleedka Hirshabeelle ayaa saaka la wareegay baro koontarool oo ku yaala afaafka hore ee garoonka diyaaradaha Ugaas Khaliif ee magaalada Baledweyne.

Barta koontarool oo ay ciidamadan la wareegeen ayaa aheyd goob ay canshuurta ugu qaadi jireen ciidamada Booliska Baledweyne gadiidka ka baxaya gudaha magaalada iyo kuwa soo galayaba waxaana si nabad ah saaka koontaroolkaasi ula wareegay ciidamada la baxay Samata Bixinta Hiiraan.

Afhayeen u hadlay ciidamada oo lagu magacaabo Shaafici Maxamed Yuusuf ayaa sheegay iney si nabad galyo ah saaka ula wareegeen gacan ku heynta barta Koontarool ee canshuuraha, sidoo kalana ay ciidamadoodu ku hareersan yihiin garoonka diyaaradaha Ugaas Khaliif ee magaalada Baledweyne.

Waxa uu intaasi ku daray Afhayeenka ciidamada maanta soo galay gudaha magaalada Baledweyne lana wareegay goobo muhiim ah in aay ka dambeyso warar sheegaya in lagu wado inuu maanta soo gaaro Baledweyne madaxweynaha Hirshabeelle Cali Guudlaawe oo ay kasoo horjeedaan imaashahiisa Baledweyne.

Dadka ku dhaqan magaalada Baledweyne ayaa walwal xoogan ka qaba in lagu dul dagaalamo maadama ciidamadan aad u hubeysan oo sheegaya iney diyaar u yihiin la dagaalanka madaxda Hirshabeelle.

Dhanka maamulka gobolka ma jirto wax war ah oo kasoo baxay oo ku saabsan ciidamadan hubeysan ee saaka la wareegay fariisimo muhiim ah oo ku yaala afaafka hore ee garoonka diyaarahada Baledweyne.

Jamaal Cali Cabdi, Hiiraan Online
[email protected]












Click here
11/26/2020 11:23 AM EST
Khamiis, November, 26, 2020 (HOL)-Dowladda Faransiiska ayaa ka cafisay lacag dhan $306-Million sida uu sheegay Wasiirka Wasaarradda Maaliyada Xukuumadda Soomaaliya Cabdiraxmaan Ducaale Beyle.

11/26/2020 10:57 AM EST
Khamiis, November, 26, 2020 (HOL) - Guddoomiyaha Gobolka Banaadir Cumar Maxamed Maxamuud Filish oo ka hadlayay qoddobadii ku jiray War-murtiyeedkii maanta ka soo baxay midowga musharixiinta ayaa ku tilmaamay wax aan soconeynin.

11/26/2020 6:21 AM EST
Khamiis, November, 26, 2020 (HOL) -Madaxweynaha Jabuuti Ismaaciil Cumar Geelle ayaa sheegay in uu ka cabsi qabo in doorashada soo socta ee Soomaaliya la soo doorto sida uu hadalka u dhigay Baarlamaan ay si dadban u maamulaan Al-shabaab.

11/26/2020 5:34 AM EST
Khamiis, November, 26, 2020 (HOL) - Madaxweynihii hore ee Soomaaliya, Sheikh Shariif kana mid ah murashixiinta u sharraxan xilka madaxweynaha Soomaaliya ayaa maanta isagoo ka hadlayay shirka murashixiinta, wuxuu madaxweyne Farmaajo ugu baaqay inuu doorashada ka dhigo mid dhexda u taala murashixiinta oo idil.

11/26/2020 5:27 AM EST
Khamiis, November, 26, 2020 (HOL) - Ra'iisul wasaarihii ugu dambeeyay ee Sudan ee si dimoqraadi ah loo soo doorto, Ka hor afgambihii milatari 1989, Saadiq al-Mahdi, ayaa u geeriyooday cudurka coronavirus, sida uu sheegay xisbigiisa Khamiistii maanta.

11/26/2020 3:48 AM EST
Khamiis, November, 26, 2020 (HOL) -Midowga musharixiinta doorashada Soomaaliya oo shantii maalmood ee la soo dhaafay ku shirsanaa magaalada Muqdisho ayaa ugu danbeyntii soo saaray war-murtiyeed ka kooban 18 qodob.

11/26/2020 3:13 AM EST
Khamiis, November, 26, 2020 (HOL) - Xukuumada Somaliland ayaa dil toogasho ku filsay Lix ruux oo loo heysatay in ay horey dilal u geysteen.

11/26/2020 12:07 AM EST
Khamiis, Novmeber, 26, 2020 (HOL) -Wararka ka imanaya magaalada Idmanton Gobolka Alperto ee dalka Canada ayaa sheegay in rag hubeysan ay toogasho ku dileen muwaadin Soomaaliyeed mid kalana dhaawacay

11/26/2020 12:04 AM EST
Khamiis, November, 26, 2020 (HOL) - Sida laga soo xigtay Wargeyska New York Times Sarkaal ka tirsan ciidamada Mareykanka ayaa toddobaadyadii taggay lagu dilay gudaha dalka Soomaaliya.