12/3/2020
Today from Hiiraan Online:  _
Wararka Maanta- Jimco, Nov 20, 2020
Shir Muqdisho uga furmaya musharixiinta xilka madaxweynaha Soomaaliya


 

Jicmo, November, 20, 2020 (HOL) -  Maalinta Axad ah toddobaadka danbe oo ay taarkhiidu ku beegan tahay 21 bishan November, ayaa lagu wadaa in magaalada Muqdisho uu shir uga furmo midowga musharixiinta xilka madaxweynaha Soomaaliya.

Musharixiintan ayaa intooda badan maanta dib ugu soo laabtay magaalada Muqdisho iyaga oo khudbado ay siyaabo kala duwan u jeediyeen ku weerarray dowladda Soomaaliya kana digay doorasho aan wadar ogol ku imaan in ay dhacdo.

Kulanka ayaa la filayaa in  ay uga wadahadlaan nooca doorashada dalka iyo  sida ay ka rabaan in ay u dhacdo.

Dowladda Soomaaliya ayaa dhinaceeda wali ku adkeysaneysa in hannaanka doorashada loo waddo tahay mid sax ah oo ku socta qaabkii lagu heshiiyay, waxaana ay dowladdu difaacday guddiyada ay doorashada u saartay.

Shirkan musharixiinta iyo siyaasiyiinta mucaaradka ah u furmaya ayaa qaadan doona muddo saddex cisho waxaana la filayaa in ugu danbeyntii laga soo saaro bayaan wadajir ah.

Cabdiraxmaan Diini, Hiiraan Online
[email protected]    













Click here
11/20/2020 12:55 PM EST
Jimco, November, 20, 2020 (HOL)- Ciidamo katirsan Puntland ayaa caawa maqribkii lala beegsaday qarax miino iyagoo marayay waqooyiga magaalada Gaalkacyo, sida ay HOL, u sheegeen dad goob joogayaal ah.

11/20/2020 6:54 AM EST
Jimco, November, 20, 2020 (HOL)- Saacadihii ugu danbeeyay Garoonka diyaaradaha magaalada Muqdisho waxaa ka soo taggay qaar ka mid ah musharixiinta xilka madaxweynaha Soomaaliya doorashada 2020-21, dhinaca kalana ah siyaasiyiin siweyn uga biyo diidan hannaanka ay dowladdu u maamuleyso doorashada.

11/20/2020 4:35 AM EST
Jimco, November, 20, 2020 (HOL)- Madaxa hay'adda Caafimaadka Aduunka WHO Dr Tedros Adhanom Ghebreyesus ayaa waxba kama jiraan ku tilmaamay eedeyn uga timid dhinaca dowladda Itoobiya oo ka dhan ah dagaallada ka socda gobolka Tigrayga.

11/20/2020 3:09 AM EST
Jimco,November,20,2020 (HOL)- Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax oo socdaal shaqo ku jooga degmada Galdogob ee gobolka Mudug ayaa kulan la qaatay Odayaasha dhaqanka iyo Wax-garadka.

11/20/2020 12:03 AM EST
Jicmo, November, 20, 2020 (HOL) -Wasiirkii hore ee Wasaarradda Arrimaha Dibadda Axmed Ciise Cawad oo wareegto ka soo baxay xafiiska Ra''iisal Wasaaraha Xukuumadda Soomaaliya xilka looga qaaday ayaa ka hadlay sida uu u arko xil ka qaadistiisa iyo in la tashi lagala sameeyay.