11/29/2020
Today from Hiiraan Online:  _
Wararka Maanta- Jimco, Nov 20, 2020
Axmed Ciise Cawad'' Waan u sheegay madaxweynaha in aan diyaar u aheyn xiligan xil kale oo aan qabto


 

Jicmo, November, 20, 2020 (HOL) -Wasiirkii hore ee Wasaarradda Arrimaha Dibadda Axmed Ciise Cawad oo wareegto ka soo baxay xafiiska Ra''iisal Wasaaraha Xukuumadda Soomaaliya xilka looga qaaday ayaa ka hadlay sida uu u arko xil ka qaadistiisa iyo in la tashi lagala sameeyay.

Cawad ayaa sheegay in madaxweyne Maxamed Cabdullaahi Farmaajo iska arkeen arinkan ka hor inta aan xilka laga qaadin'' Madaxweynaha waan iska aragnay wuuna ii sheegay in xilka leyga qaadayo Annigana waan aqbalay''

Wuxuu meesha ka saaray in xil ka qaadistiisa lala xiriirinayo warqadii ka soo baxday Wasaarradda ee ka dhanka aheyn  qalalaasaha Itoobiya oo markii danbe dib looga noqday..

Cawad ayaa dhinaca kale sheegay in madaxweyne Farmaajo uu u soo bandhigay xil kale oo ah safiir, laakiin wuxuu yiri'' Anniga ayaa arinkaa ka cudur daartay, maxaa yeelay waqtigan diyaar uma ihi in aan qabto xil kale, waayo muddo dheer ayaan soo shaqeeyay daal ayaa jira waxaan rabaa in aan qoyska waqti la qaato, madaxweyaha-na waan uga mahad celinayaa in uu fursad kale ii soo bandhigay oo dadka iyo dalka aan ugu adeegi karo''

Ra''iisal Wasaare Rooble ayaa xilka Wasiirka Arrimaha Dibadda u magacaabay Maxamed Cabdirisaaq Maxamuud Abuubakar.

Cabdiraxmaan Diini, Hiiraan Online
[email protected]    













Click here
11/20/2020 12:55 PM EST
Jimco, November, 20, 2020 (HOL)- Ciidamo katirsan Puntland ayaa caawa maqribkii lala beegsaday qarax miino iyagoo marayay waqooyiga magaalada Gaalkacyo, sida ay HOL, u sheegeen dad goob joogayaal ah.

11/20/2020 12:34 PM EST
Jicmo, November, 20, 2020 (HOL) - Maalinta Axad ah toddobaadka danbe oo ay taarkhiidu ku beegan tahay 21 bishan November, ayaa lagu wadaa in magaalada Muqdisho uu shir uga furmo midowga musharixiinta xilka madaxweynaha Soomaaliya.

11/20/2020 6:54 AM EST
Jimco, November, 20, 2020 (HOL)- Saacadihii ugu danbeeyay Garoonka diyaaradaha magaalada Muqdisho waxaa ka soo taggay qaar ka mid ah musharixiinta xilka madaxweynaha Soomaaliya doorashada 2020-21, dhinaca kalana ah siyaasiyiin siweyn uga biyo diidan hannaanka ay dowladdu u maamuleyso doorashada.

11/20/2020 4:35 AM EST
Jimco, November, 20, 2020 (HOL)- Madaxa hay'adda Caafimaadka Aduunka WHO Dr Tedros Adhanom Ghebreyesus ayaa waxba kama jiraan ku tilmaamay eedeyn uga timid dhinaca dowladda Itoobiya oo ka dhan ah dagaallada ka socda gobolka Tigrayga.

11/20/2020 3:09 AM EST
Jimco,November,20,2020 (HOL)- Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax oo socdaal shaqo ku jooga degmada Galdogob ee gobolka Mudug ayaa kulan la qaatay Odayaasha dhaqanka iyo Wax-garadka.