Abiy Ahmed oo madaxweyne KMG u magacaabay gobolka Tigrayga
Jimco, November, 13, 2020
(HOL)- Ra’iisal wasaaraha dalka Itoobiya
Abiy Axmed ayaa madaxweyne KMG ah u magacaabay gobolka ay dhibaatada ka
bilaabatay ee Tigraay.
Abiy ayaa u magacaabay Dr.
Mulu Nega in uu noqdo madaxweynaha KMG
ee gobolka Tigrayga kaddib markii xasanaanadii laga qaaday saraakiishii sar
sare TPLF.
Golaha Wakiilada Itoobiya ayaa
dhawaan sheegay in ay kala direen
taliskii gobolka, waxaana xigtay in 39 sarkaal oo ka tirsanaa maamulka Tigraay
xasaanadda laga qaado.
Saraakiisha xilka qaadista
lagu sameeyay waxaa ugu weyn madaxweynahii maamulkaas ee Debretsion
Gebremichael, sidoo kale saraakiisha kale ee la xusi karo waxaa ka mid ah Abay
Tsehaye, Amb Addisalem Balema, Getachew Reda, Atsebeha Aregawi iyo
Gebregziabher Araya.
Xaaladda Itoobiya ka jirta aad
ayaa looga deyrinayaa iyadoo QM ay aad uga walaacsan tahay xaaladda dadka ku
nool gobolkaas ee ka qaxaya dagaallada halkaas ka socda maadaama aysan jirin
waddo lagu gaarsiin karo gargaar.
Cabdiraxmaan Diini, Hiiraan Online
[email protected]
