8/10/2020
Today from Hiiraan Online:  _
Wararka Maanta- Khamiis, July 30, 2020
Taliska booliska qeybta bari ee Gobolka Banaadir oo xaaladda ammaanka Kaaraan ka deyriyay


 

Khamiis, Luulyo 30, 2020 (HOL) - Taliyaha Booliska qeybta bari ee Gobolka Banaadir G/le dhexe Khaliif Cabdulle Maalin ayaa waxa uu sheegay in xaalad amni xumo ay kusoo korortay degmada Kaaraan , taas oo iminka dhibaato xooggan ku haaysa shacabka deegaanka .

Falalkaan amni xummo ayaa waxa uu qeexay iney ka dembeeyaan maleeshiyaad hubeysan oo qaarkood ku labisan dharka ciidamada dowladda oo kala dhiman iyo rag wata dhar caadi ah .

“Ammaan darrida jirta hadda waxay keentay in jawaan madaxa la isku geliyo, kadibna bac la isku dhalaaliyo” ayuu yiri mar uu arrintaasi ka hadlayay.

Isagoo sii hadlaya C/le dhexe Khaliif Cabdulle ayaa waxa uu intaa ku daray in kooxahaan ay geysteen dilal iyo dhaawac intaba, sidoo kalena ay hayaan kiisas badan.

Shacabka degmada Kaaraan ee Gobolka Banaadir ayaa waxa uu ka codsaday iney la shaqeeyaan ciidamada si looga taqaluso kooxaha dhibaatadan geysanaya.

Abdiaziz Ahmed Barrow, Hiiraan Online
[email protected]









Click here
7/30/2020 5:25 PM EST
Khamiis, Luulyo 30, 2020 (HOL) - Wasaaradda gaadiidka iyo duulista hawada Soomaaliya ayaa ku dhawaaqday in 3-da, bisha August la furayo dhammaan duullimaadyadii caalamiga ahaa ee Soomaaliya , oo horay loo xayiray 19-kii, Maarso, ee sanadkan 2020-ka.

7/30/2020 11:54 AM EST
Khamiis, Luulyo 30, 2020 (HOL) - Golaha wasiirrada ee dowladda Soomaaliya ayaa maanta Maareeyaha hay'adda batroolka ee dalka u magacaabay Ibraahim Cali Xuseen.

7/30/2020 11:08 AM EST
Khamiis, Luulyo 30, 2020 (HOL) - Guddiga gurmadka Fatahaadaha Baledweyne ayaa bilaabay wajiga koowaad ee dadaalada looga hortagayo fatahaad ku dhufata xaafadaha Magaalada Baledweyne ee xarunta gobolka Hiiraan.

7/30/2020 8:56 AM EST
Khamiis, Luulyo 30, 2020 (HOL) - Madaxweynaha Soomaaliya Maxamed Cabdullaahi Farmaajo ayaa waxa la taliyahiisa dhinaca doorashooyinka u magacaabay Cabdi Cali Raage oo ah milkiilaha Idaacadda Sooyaal oo ku taalla magaalada Kismaayo, sidoo kalena ah siyaasi saameyn togan ku dhex lahaa maamulka Jubbaland , horayna mar usoo noqday mid kamid ah la taliyayaasha madaxweyne Axmed Maxamed Islaam.

7/30/2020 8:27 AM EST
Khamiis, Luulyo 30, 2020 (HOL) - Madaxweynaha Jamhuuriyadda Soomaaliya Maxamed Cabdullaahi Farmaajo ayaa waxa uu maanta kulan la qaatay xubno kamid ah xildhibaannada Baarlamanka dalka iyo sidoo kale Guddoomiyaha Golaha wakiillada Hirshabeelle Cismaan Barre Maxamed .

7/30/2020 8:20 AM EST
Khamiis, Luulyo 30, 2020 (HOL) - Madaxweynahii hore ee Soomaaliya Xasan Shiikh Maxamuud ayaa waxa uu faah-faahin ka bixiyay kulan isaga iyo madaxweynihii ka horreeyay Shariif Shiikh Axmed ay la yeesheen Guddoonka Golaha Shacabka ee Baarlamanka Jamhuuriyadda Faderaalka ah ee Soomaaliya 28-ka, bishan July, kaas oo ka dhacay magaalada Muqdisho.

7/30/2020 4:24 AM EST
Khamiis, Luulyo 30, 2020 (HOL) - Taliska Mareykanka ee Mareykanka ayaa fuliyey duqeyn cirka ah oo lagu bartilmaameedsanayay kooxda al-Shabaab agagaarka degmada Jilib, Jubbada dhexe.

7/30/2020 2:09 AM EST
Khamiis, Luulyo 30, 2020 (HOL) - Repeni Poll International, oo ah shirkad caan ku ah qiimaynta dadka sumcadda waanagsan ku leh adduunka, ayaa waxay sii deysay liiska boqolka qof ee qaaradda Afrika ugu caansan uguna sumcadda wanaagsan sanadkan 2020.