3/29/2024
Today from Hiiraan Online:  _
Wararka Maanta- Isniin, Jan 13, 2020
Al-shabaab oo Afar ruux ku toogatay goob fagaaro ah gobolka Shabeellaha Hoose


Isniin, Janaayo, 13, 2020 (HOL)- Ururka Al-shabaab ayaa goob fagaaro ah deegaanka Sablaale ee gobolka Shabeellaha Hoose waxaa ay ku toogeen Afarx ruux oo ay ku eedeeyeen in ay la shaqeynayeen dowladda Soomaaliya.

Raggan ay Al-shabaab toogeen ayaa magacyadooda lagu kala sheegay Ayuub Xassan Buraale oo ay sheegeen in maamul hoosaadka degmada Kuntuwaareey,

Xassan Cusmaan Cali Abayle oo ay Shabaab sheegeen in uu ka  tirsanaa ciidamada dowladda ee degmada Baraawe ka howlgallaan aadna  looga yaqaanay degmadaas.

Xassan Faarax Maxamad ayeey ku sheegeen in uu ka  tirsanaa ciidamada dowladda, isla markaana ay qabteen isaga oo ku sii socda sida ay hadalka u dhiggeen degmada Buula-burte ee gobolka Hiiraan.

Qofka Afaraad oo ah Xuseen Xassan Geelle ayee ku eedeeyeen in uu ka tirsanaa ciidamada dowladda Soomaaliya, islamarkaana laga soo qabtay deegaanka Dacaaraha oo u dhaw degmada Qor-yooley ee gobolka Shabeellaha Hoose.

Ma'aha markii ugu horreysay oo Al-shabaab sidan oo kale goob fagaarro ah ku toogtaan dad ay ku eedeeyeen in ay siyaabo kala duwan ula shaqeynayeen dowladda Soomaaliya iyo quwadaha shisheeye ee gacanta siiya.

C/raxmaan Diini, Hiiraan Online
[email protected]  

 

 

 

 

 













Click here
1/13/2020 12:09 PM EST
Isniin, Janaayo, 13, 2020 (HOL)-Dowladda Kenya ayaa sheegtay in xoogag lagu tuhusan yahay in ay ka tirsan yihiin Ururka Al-shabaab toogasho ku dileen saddex Macalin degmada Gaarisa ee gobolka Waqooyi Bari Kenya

1/13/2020 7:29 AM EST
Isniin, Janaayo, 13, 2020 (HOL)-Ciidamada Dowladda Soomaaliya ayaa la wareegay gacan ku heynta deegaanka Tooratooroow oo ah saldhiggii ugu weynaa Ururka Al-shabaab

1/13/2020 6:24 AM EST
Isniin, Janaayo, 13, 2020 (HOL)-Xisbiyada mucaaradka Somaliland ayaa sheegay in madxweyne Biixi diiday in uu kala diro guddida cusub ee doorashooyinka oo lagu balansanaa in la kala diro oo dib loo soo celiyo gudidii hore ee xilku ka dhamaaday.

1/13/2020 5:49 AM EST
Isniin, Janaayo, 13, 2020 (HOL)- Al-shabaab ayaa dilay 3 macallimiin dugsi hoose ah iyo dhaawaca hal arday, kadib markii ay weerar ku qaadeen tuulada Kamuthe, oo ka tirsan gobolka Gaarisa abbaara labadii habeenimo ee xalay.

1/13/2020 5:07 AM EST
Isniin, Janaayo, 13, 2020 (HOL)- Xukuumadda Federaalka ah ee Soomaaliya iyo Midowga Yurub ayaa ku kala saxiixday magaalada Muqdisho heshiis ku saabsan heerka howlgalka Midawga Yurub ee Awoodda Dhismaha Soomaaliya (EUCAP Somalia).

1/13/2020 3:27 AM EST
Isniin, Janaayo, 13, 2020 (HOL)-Madaxweynaha dowladda Soomaaliya ayaa saakay u anbabaxay dalka Cumaan isaga oo halkaa lagu waddo in uu uga qeybgalo Tacsida Qaran ee Saldanada Cummaan

1/13/2020 12:13 AM EST
Isniin, Janaayo, 13, 2020 (HOL)- Donald Trump ayaa dib u soo cusbooneysiiyay hanjabaadiisa ku aadan in uu si qasab ah shidaalka uga xadayo Syria, waana tilaabo ay khubaradu sheegeen in ay noqon karto dambi dagaal.