Sabti, September, 21, 2019 (HOL)-Raisul Wasaaraha Xukuumada Federaalka Somaliya Xassan Cali Kheyre ayaa xafiiskiisa kula kulmay Madaxweynayasha Dowlad Goboleedyada Hirshabeelle iyo Koonfur Galbeed, sidoo kale waxaa kulanka ka qeybgalay guddoomiyaha Baarlamaanka Koonfur Galbeed Cabduqadir Shariif Shekhuna Maye.
Kulankan ayaa ka dhacay Xafiiska Ra’iisal Wasaaraha ayaa ahaa mid is xog-wareysi iyo soo dhaweyn Madaxweynayaasha Maamul gobolleedyada Koonfur Galbeed iyo Hirshabeelle oo maalmahaan ku sugnaa magaalada Muqdisho.
Labadda Madaxweyne ayaa maalmihii ugu dambeeyay kulamo kala duwan ka waday Magaalada Muqdisho, waxaana ay la kulmaayeen Madaxda dowladda dhexe ee Soomaaliya maamul goboleedyada iyo Beesha Caalamka.