3/29/2024
Today from Hiiraan Online:  _
Wararka Maanta- Jimco, Sept 20, 2019
Pompeo oo soo dabcay xilli Iran ay ka digtay "dagaal buuxa"

 

Jimco, September, 20, 2019 (HOL)-Iran ayaa madaxweynaha Mareykanka uga digtay in la geliyo dagaal ka qarxa Bariga Dhexe, waxayna sheegtay in weerar kasta oo lagu soo qaado ay ka bixin doonto jawaab ciqaab adag leh.

Xoghayaha arrimaha dibedda Mareykanka, Mike Pompeo ayaa sheegay in Trump, oo horey u amray cunqabateeno dheeri ah oo la saaro Iran, uu doonayo in xal nabadeed loo helo xasaradda.

Waxa uu hadlayey kadib wada-hadallo uu hogaamiyayaasha Sacuudiga iyo Imaaraadka kala yeeshay weerarkii lagu qaaday xarumaha salidda Sacuudiga, kaasi oo Washington iyo Riyadh ay ku eedeeyeen Tehran.

Iran waa ay beenisay inay wax lug ah ku lahayd weerarka, oo Pompeo uu ku qeexay dagaal lagu qaaday boqortooyada.

Pompeo ayaa u muuqda inuu hadalkiisa dabciyey kadib wada-hadalladii uu la yeeshay dhaxal-sugaha Abu Dhabi, oo ah ninka ay ka go’ado talada Imaaraadka Carabta, oo ah isbaheysiga Carbeed ee ugu weyn ee Sacuudiga.

“Waxaan halkan u joognaa inaan dhiso xulufo looga gol leeyahay inay ku guuleysato xal nabadeed. Taasi waa howsheeda, taasi waa waxa madaxweyne Trump uu doonayo inaan ka shaqeeyo, oo aan ku guuleysto, waxaan rajeynayaa in Jamhuuriyadda Islaamiga ah ee Iran ay sidaas u aragto” ayuu yiri Pompeo.

Pompeo ayaa xulufada uu dhisayo ku qeexay “ficil diblomaasiyadeed”, halka wasiirka arrimaha dibedda Iran Mohammed Javad Zarif uu CNN u sheegay in Iran aysan gam’i doonin, haddii ay noqoto inay iska difaacdo weerarka Mareykanka ama Sacuudiga, oo uu sheegay inuu hoggaamin doono “dagaal buuxa”

C/raxmaan Diini, Hiiraan Online
[email protected]     

 
 
 

 













Click here
9/20/2019 1:04 PM EST
Jimco, September, 20, 2019 (HOL)- Wasiir ku-xigeenkii Wasaaradda Xannaanada Xoolaha dowladda federaalka Soomaaliya Cabdikariin Khaliif Cabdi Dhalac ayaa bartiisa Facebook ku soo qoray in uu iska casilay xilkii uu ka hayay xukuumadda.

9/20/2019 10:01 AM EST
Jimco, September, 20, 2019 (HOL)- Faah faahinno dheeraad ah ayaa ka soo baxaya toogashada Askari ka tirsanaa ciidamada Booliiska Soomaaliyed oo la sheegay in uu xiligaa waday gaari Mooto Bajaaj ah.

9/20/2019 9:15 AM EST
Jimco, September, 20, 2019 (HOL)-Waaxda Imtixaanaadka ee dalka Itoobiya ayaa maanta shaacisay dhibcaha ay ku gudbayaan Ardaydii dhawaan gashay Imtixaankii fasalka 10aad.

9/20/2019 5:01 AM EST
Jimco, September, 20, 2019 (HOL)-Warar dheeraad ah ayaa ka soo baxaya dagaal xoogag ka tirsan Ururka Al-Shabaab iyo dad xoolaley ah ku dhex-maray deegaano duleedka ka ah degmada Xudur ee Xarunta Gobolka Bakool.

9/20/2019 2:46 AM EST
Jimco, September, 20, 2019 (HOL)-Ra’iisal Wasaaraha Soomaaliya Xassan Cali Khayre ayaa kormeer ku sameeyey Isbitaalka Xoogga halkaas oo daryeel caafimaad loogu sameeyay Ciidamada Dowladda ee ku soo dhaawacmay dagaalada ka socda qaybo ka mid ah gobolada dalka.

9/20/2019 1:57 AM EST
Jimco, September, 20, 2019 (HOL)-Dowladda Soomaaliya ayaa sheegtay in uu soconayo qorsho ku aadan sidii loo kordhin lahaa dagaalka ka dhanka ah ururka Al-Shabaab,isla markaana wadatashiyo lagala yeelanayo Dowlad Goboleedyada dalka ka jira.

9/20/2019 1:45 AM EST
Jimco, September, 20, 2019 (HOL)-Ururka Al-shabaab ayaa markii ugu horeysay waxaa uu war ka soo saaray muranka Badda ee ku dhaxeeya dowladdaha Soomaaliya iyo Kenya iyo natiijada laga yaabo in ay ka soo baxdo maxkamada Cadaallada ee ICJ ee qaadeysa dacwadda Badda ee labada dal.