3/29/2024
Today from Hiiraan Online:  _
Wararka Maanta- Jimco, Sept 20, 2019
Dowladda Soomaliya iyo Beesha caalamka oo kordhinaya dagaalka ka dhanka ah Al-shabaab

 

Jimco, September, 20, 2019 (HOL)-Dowladda Soomaaliya ayaa sheegtay in uu soconayo qorsho ku aadan sidii loo kordhin lahaa dagaalka ka dhanka ah ururka Al-Shabaab, islamarkaana wadatashiyo lagala yeelanayo Dowlad Goboleedyada dalka ka jira.

Warkan ayaa ka soo baxay kulan uu  magaalada Muqdisho ku dhaxmaray Ra'iisal wasaare Xassan Cali Kheyre, madax ka tirsan  maamul goboleedyada iyo xubno ka socda Beesha Caalamka gaar ahaan kuwa  daneeya Arrimaha Soomaaliya.

Wasiirka Wasaaradda Gaashaandhigga Xukuumadda Soomaaliya Xassan Cali Maxamed ayaa sheegay in kulanka looga hadlay sidii xubnaha  Beesha Caalamka ay taageero weyn u siin lahaayeen Ciidamada Qalabka sida  ee Soomaaliya.

Sidoo kale waxaa uu sheegay in madax uu ka mid yahay Ra’iisal Wasaare Kheyre iyo Wakiilada Beesha Caalamka ay isla garteen in la kordhiyo  dagaalka ka dhanka ah Al-Shabaab, islamarkaana howlgallo laga sameeyo deegaannada ay ku sugan yihiin.

Inkastoo dowladda federaalka dagaal xoogan kula jirto Al-shabaab haddana marka aad dhinaca kale eegto xoogagga Al-shabaab ayaa kordhiyay weerarrada ay ku qaadayaan saldhigyada ciidamada dowladda iyo kuwa howlgalka midowga Africa AMISOM, gaar ahaan deegaannada Labada Shabeelle oo toddobaadkii tagay ay ku dileen ilaa 12 askari oo ka tirsan AMISOM. 

 C/raxmaan Diini, Hiiraan Online
[email protected]   

 

 

 

 
 

 













Click here
9/20/2019 1:04 PM EST
Jimco, September, 20, 2019 (HOL)- Wasiir ku-xigeenkii Wasaaradda Xannaanada Xoolaha dowladda federaalka Soomaaliya Cabdikariin Khaliif Cabdi Dhalac ayaa bartiisa Facebook ku soo qoray in uu iska casilay xilkii uu ka hayay xukuumadda.

9/20/2019 10:01 AM EST
Jimco, September, 20, 2019 (HOL)- Faah faahinno dheeraad ah ayaa ka soo baxaya toogashada Askari ka tirsanaa ciidamada Booliiska Soomaaliyed oo la sheegay in uu xiligaa waday gaari Mooto Bajaaj ah.

9/20/2019 9:15 AM EST
Jimco, September, 20, 2019 (HOL)-Waaxda Imtixaanaadka ee dalka Itoobiya ayaa maanta shaacisay dhibcaha ay ku gudbayaan Ardaydii dhawaan gashay Imtixaankii fasalka 10aad.

9/20/2019 6:40 AM EST
Jimco, September, 20, 2019 (HOL)-Iran ayaa madaxweynaha Mareykanka uga digtay in la geliyo dagaal ka qarxa Bariga Dhexe, waxayna sheegtay in weerar kasta oo lagu soo qaado ay ka bixin doonto jawaab ciqaab adag leh.

9/20/2019 5:01 AM EST
Jimco, September, 20, 2019 (HOL)-Warar dheeraad ah ayaa ka soo baxaya dagaal xoogag ka tirsan Ururka Al-Shabaab iyo dad xoolaley ah ku dhex-maray deegaano duleedka ka ah degmada Xudur ee Xarunta Gobolka Bakool.

9/20/2019 2:46 AM EST
Jimco, September, 20, 2019 (HOL)-Ra’iisal Wasaaraha Soomaaliya Xassan Cali Khayre ayaa kormeer ku sameeyey Isbitaalka Xoogga halkaas oo daryeel caafimaad loogu sameeyay Ciidamada Dowladda ee ku soo dhaawacmay dagaalada ka socda qaybo ka mid ah gobolada dalka.

9/20/2019 1:45 AM EST
Jimco, September, 20, 2019 (HOL)-Ururka Al-shabaab ayaa markii ugu horeysay waxaa uu war ka soo saaray muranka Badda ee ku dhaxeeya dowladdaha Soomaaliya iyo Kenya iyo natiijada laga yaabo in ay ka soo baxdo maxkamada Cadaallada ee ICJ ee qaadeysa dacwadda Badda ee labada dal.