Khamiis, September, 19, 2019 (HOL)-Ciidamada Booliiska ee ka howlgala magaalada Baladweyne ee xarunta gobolka Hiiraan ayaa fashiliyay qarax miino oo lagu aasay inta u dhaxeysa magaalada iyo garoonka diyaaradaha Ugaas Khaliif.
Dadka deegaanka ayaa Ciidamada Booliiska ku wargaliyay qaraxan lagu aasay wadada dhinaceeda, waxaana durba goobta qaraxa lagu aasay gaaray ciidamo booliis ah kuwaa oo miinada qarxiyay.
Ciidamada Booliiska oo howlgal ka sameeyay goobta qaraxa la dhigay ayaa la sheegay in gacanta ku dhigeen ruux lagu tuhmayo in uu ka dambeeyay qaraxaasi miino ee wadada dhinaceeda la dhigay.
Maamulka gobolka Hiiraan iyo taliska booliiska ayaan ka hadln wali qaraxan la fashiliyay ee la doonayay in lagu beegsado gaadiidka ciidanka iyo mas'uuliyiinta ee mara wadada isku xirta garoonka diyaaradaha iyo magaalada Baladweyne.
C/raxmaan Diini, Hiiraan Online[email protected]