3/28/2024
Today from Hiiraan Online:  _
Wararka Maanta- Talaado, Sept 17, 2019
Wasaaradda Shaqada iyo Arrimaha Bulshada oo daahfurtay Siyaasadda Daryeelka Bulshada


Talaado, September, 17, 2019 (HOL)- Wasaaradda Shaqada iyo Arrimaha Bulshada Xukuumadda Federaalka ah ee Soomaaliya ayaa maanta daah-furtay Siyaasadda Daryeelka Arrimaha Bulshada. Marti deeq biyayaal iyo dowladdo kala duwan ka socotay ayaa qayb ka ahaa shirkaan. Ra'iisul Wasaare ku-xigeenka Soomaaliya,Mahdi Maxamed Guulleed Khadar ayaa daah-furay shirka.

La-taliyaha sare ee siyaasadda Daryeelka Bulshada ee Wasaaradda Shaqada iyo Arrimaha Bulshada,Fardowsa Cabdullaahi ayaa qeexday macnaha siyaasaddaan iyo waxa ay ku soo kor-dhinayso dadaallada dowladda Soomaaliya ugu jirto dib-usoo celinta adeegyada dowliga ah.

"Siyaasadda Daryeelka Bulshada waxay ka taageeraysa bulshada inay helaan adeegyo bulsho oo ay ugu horreeyaan shaqo abuur, caafimaad la siiyo dadka nugul, waxbarashadooda la ka-faallo qaado.. siyaasadda Daryeelka bulshada waxaa kalo ay diiradda saaraysa sidii loo dhisi lahaa nidaamka dowladda." La-taliyaha sare ee Siyaasadda Daryeelka Bulshada, Fardowso Cabdullaahi ayaa sida sheegtay.

Wasiirka shaqada iyo Arrimaha Bulshada xukuumadda Federaalka Soomaaliya,Sadiiq Xirsi Warfaa ayaa arrintan ku tilmaamay guul weyn oo usoo hooyatay ummadda Soomaaliyeed iyadoo uu carrabaabay in arrintani sahlayso in dadka danyarta ah ay helaan daryeel caafimaad, mid waxbarasho iyo mid bulshadeedba.

Wakiillada Beesha caalamka iyo bangiga adduunka ee ka qaybgalay daarfurka Daryeelka Bulshada ayaa ballanqaaday inay gacan weyn ka geysan doonaan taba-galinta siyaasada sidii loo gaarsiin lahaa dalka.

Gabagabada, Ra'iisul wasaare ku-xigeenka ,Mahdi Guuleed ayaa si cad u sheegay in siyaasadaani ay qayb muhiim ah ka tahay daryeelidda bulshada Soomaaliyeed oo baahi weyn u qabay siyaasad iyo mabaadii'i lagu hago daryeeliddooda.

Mudane Guuleed, ayaa wasiirka wasaaradda,shaqaalaha iyo howl-wadeennada wasaaradda shaqada iyo arrimaha Bulshada uga mahad celiyay dedaalka ay geliyeen diyaarinta siyaasadda qaran ee daryeelka Bulshada.

Golaha wasiirrada ayaa bil ka hor meel mariyay siyaasadda Qaran ee Daryeelka Bulshada ee maanta la daah-furay waxa ayna qayb ka tahay siyaasaddo kale oo xukuumaddu meel marisay oo loogu adeegayo ummadda Soomaaliyeed.

Iman Mohamed Jama,Hiiraan Online
[email protected]











Click here
9/17/2019 9:44 PM EST
Madaxweynaha Mareykanka Donald Trump ayaa waraaqaha aqoonsiga ka guddoomay safiirka cusub ee Soomaaliya u fadhin doona dalka Mareykanka Ambassador Cali Shariif Axmed, kaddib xaflad si heer sare ah loo soo agaasimay oo shalay ka dhacday Aqalka Cad ee Washington, DC.

9/17/2019 1:52 PM EST
Talaado, September, 17, 2019 (HOL)-Ra’iisul Wasaaraha xukuumadda federaalka Soomaaliya Xasan Cali Khayre ayaa xafiiskiisa ku qaabilay safiirka Ruushka u fadhiya Muqdisho, Mikhail Golovanov oo ay ka wada hadleen xoojinta xariirka labada dowladood.

9/17/2019 12:32 PM EST
Talaado, September, 17, 2019 (HOL)-Taliyaha Sirdoonka dalka Angola Gen. José Luís Caetano Higino de Sousa ayaa maanta booqasho lama filaan ah ku yimid magaalada Muqdisho ee Caasimadda Soomaaliya.

9/17/2019 11:59 AM EST
Talaado, September, 17, 2019 (HOL)-Kulan wadajir ah oo ay isugu yimaadeen saddexda Hay’adood ee u xilsaaran Arrimaha Dib-ueegista Dastuurka oo kala ah Wasaaradda Arrimaha Dastuurka, Guddiga la Socodka Dib -uEegista iyo Hirgelinta Dastuurka ee BFS iyo Guddiga Madaxabannaan ee dib -u-Eegista iyo Hirgelinta Dastuurka 15 – 17 Sebtember 2019, ayaa lagu qiimayay howlihii la soo qabtay iyo caqabadihii lala kulmay sanadka 2019.

9/17/2019 9:07 AM EST
Jaaliyadda Soomaaliyeed ee Minnesota dagan ayaa kulan ku taageeray hishiiskii nabadeed ee magaaladda Hobyo dhawaan lagu soo gabgabeeyey, iyo madaxdii halkaa lagu doortay.

9/17/2019 7:48 AM EST
Talaado, September, 17, 2019 (HOL)-War murtiyeed ka kooban saddex bog ayaa laga soo saaray shirka dib u heshiisiinta Galmudug oo maalmihii la soo dhaafay ka socday magaalada Dhuusamareeb ee gobolka Galgaduud.

9/17/2019 4:36 AM EST
Talaado, September, 17, 2019 (HOL)-Wasiirka Wasaaradda waxbarashada Hiddaha iyo Tacliinta Sare ee xukuumadda Soomaaliya Mudane Cabdullaahi Goodax Barre ayaa magaalada Muscat ee dalka Oman kullan kula qaatay shirkado badan oo hal-abuur dhanka teknoolajiyada ku taqasusay oo loogu tala galay in lagu hago nidaamka waxbarashada dalka.

9/17/2019 4:11 AM EST
Talaado, September, 17, 2019 (HOL)-Madaxweynaha dowlad gobolleedka Puntland Saciid Cabdullaahi Deni oo wareysi siinayay laanta Afka Soomaaliga ee BBC ayaa uga digay madaxda sare ee dalka in ay sameystaan muddo korarsi marka uu dhamaado waqtiga loo idmaday in ay dalka hoggaamiyaan.

9/17/2019 2:21 AM EST
Talaado, September, 17, 2019 (HOL)-Ciidamada Dowladda Soomaaliya ayaa saacadihii la soo dhaafay waxaa ay howlgallo kala duwan ka fuliyeen wadada u dhaxeysa Magaalooyinka Jowhar & Balcad, halkaas oo ay ka dhaceen weeraro kala duwan.

9/17/2019 1:05 AM EST
Talaado, September, 17, 2019 (HOL)-Warar dheeraad ah ayaa ka soo baxaya dagaal culus oo ciidamada dowladda iyo Al-shabaab ku dhaxmaray waddada xiriirisa degmooyinka Jalalaqsi iyo Buula-burte ee gobolka Hiiraan.

9/17/2019 12:47 AM EST
Talaado, September, 17, 2019 (HOL)-Madaxweynaha Dowladda Federalka Soomaaliya Maxamed Cabdullaahi Farmaajo oo soo xiray Shirka Dib-u-heshiisiinta Galmudug ayaa ku dhawaaqay in loo gudbay wajigii labaad ee qorshaha dhammaystirka dhismaha maamul mideysan oo hana qaada, kana tarjuma hiigsiga iyo himilada bulshada Deegaannada Galmudug.