3/28/2024
Today from Hiiraan Online:  _
Wararka Maanta- Talaado, Nov 19, 2019
Guddida dhexdhexaad ah oo isku xil qaantay isku soo dhoweynta xisbiga WADDANI iyo Madaxweyne Biixi

 


Talaado, November 19, 2019 (HOL )– Ergooyin kala duwan oo ay horkacayaan madaxweyne ku xigeenadii hore ee Somaliland soo maray ayaa kulamo la yeeshay xisbiyada mucaaradka si loo soo afjaro khilaafka xukuumada iyo xisbiyada mucaaradka soo kala dhexgallay.

Ergooyinkan ayaa kulankii ugu horeeyey la yeeshay hogaanka labada xisbi ee WADDANI iyo UCID, waxaanay isla qaateen in la joojiyo isku soo baxyadii xisbiga WADADNI ku baaqay taas oo ay aqballeen.

Gudoomiyaha xisbiga UCID Faysal Cali Waraabe ayaa sheegay in ergooyinkiii ka socday madaxweyne ku xigeenadii hore, Akadamiga Nabadda iyo ururada bulshaddu la kulmeen labadda xisbi, isla markaana usoo jeediyeen in la joojiyo isku soo baxyada,islamarkaana guddidan is xil qaantay la kulmi doonaan wasiirka Arrimaha Gudaha Maxamed Kaahin iyo Madaxweyne Biixi.

Sidoo kale, waxa uu gudoomiyaha UCID Faysal Cali Waraabe sheegay inay khalad ahayd in la xidho masuuliyiinta xisbiga WADDANI iyo in laga joojiyo kulankii uu xafiiskiisa kula kulmayey taageerayaashiisa.

“gudidi dhexdhexaadka ahayd ee iskugu jirtay madaxweyne ku xigeenadii hore, Akadamiga Nabadda iyo ururada bulshadda way la kulmeen labada xisbi, waxaana la isku afgartay in isku soo baxa la joojiyo, waxaana lala kulmi doonnaa madaxweyna insha alla”ayuu yidhi Faysal Cali Waraabe.

“Qadiyadan komishanka ka taagan arrin khuseeya labada mucaarad oo kaliaya maah ee wa arin qaran oo u baahan in qaranka oo dhami difaaco dastuurka, shaydaan baa inaga soo kala dhexgallay Waan u tagnay wasiirka arrimaha gudaha, waxaanu u tagnay xisbiga WADANI inay joojiyaan isku soo baxyadii iyo in dawladu sii dayso masuuliyiintii laga xidhxidhay xisbigu way naga ogolaadeen ergadii, madaxwenaha jin iyo jaanba waynu iskugu tagi doonaa oo waxanu adeegsan doonaa burhaantaanu kicinaynaa insha alla wuu naga aqbali doonnaa.”ayuu raaciyey hadalkiisa.

Dhinaca kale, isku soo baxyo ayaa ka kala dhacay Burco iyo Ceerigaabo, taas oo lagu taageerayo hadalkii gudoomiyaha xisbiga WADDANI iyo in xubnaha muranka abuurey laga saaro guddida doorashooyinka,, waxaanay u dhaceen si salmi ah.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
11/19/2019 10:37 AM EST
Talaado, November, 19, 2019 (HOL)-Dowladda Soomaaliya ayaa waxba kama jiraan ku tilmaamtay warka ku saabsan in dowladda Talyaaniga dib ula noqtay lacag dhan $ 6 Milyan oo dollar oo loogu talagalay in biyo xareen loogu sameeyo magaalada Beledweyne.

11/19/2019 8:58 AM EST
Talaado, November, 19, 2019 (HOL)-Dowladda Norway ayaa si ku-meelgaar ah u joojisay kaalmadii dhaqaale ee ay siin jirtay masaajidka ugu weyn dalkaas ee Towfiiq kadib markii Soomaalidii gacanta ku haysay ku heshiin waayeen.

11/19/2019 7:57 AM EST
Talaado, November, 19, 2019 (HOL)-Hay’ada sirdoonka Jubbaland ayaa baahisay sawirka sarkaal sare oo ka tirsan kooxda Al-Shabaab.

11/19/2019 6:00 AM EST
Barlamaanka dowlad goboleedka Puntland ayaa maanta la horeegayay odoroska miisaaniyadda Puntland ee lagu dhaqmidoono 2020, taasoo xalay ay meel mariyeen golaha wasiiradda. Miisaaniyaddan oo ay ka muuqatay koror xad dhaaf ah, ayaa loo qeybiyay xildhibaanada barlamaanka, si ay usoo aqriyaan, kadibna uga doodaan meel marinteeda. Wasiirka maaliyadda Puntland, Xasan Shirre Abgaal ayaa barlamaanka ka horjeediyay warbixin ku saabsan miisaaniyad sanadeedka iyo isbedel kororka ah ee ku yimid miisaaniyadda. Wasiirka maaliyadda ayaa sheegay in mushaarka loo kordhiyay golaha wasiirada, golaha Wakiilada, Hantidhowrka iyo Garsoorka. Waxaa kaloo sheegay in miisaaniyadda loo kordhiyay adeega arrimaha amniga. Miisaaniyadda kuma cadda in mushaarka loo kordhiyay ciidamada Puntland oo aad uga cabanayay mushaarka oo yar iyo iyagoo mararka qaarkood heli waayaba. Dhinaca kale, barlamaanka Puntland ayaa maanta meel mariyay wax ka bedelka Xeerka Maalgashiga Dowlada Puntland iyo wax ka bedelka Xeerka cashuuraha Puntlnad.

11/19/2019 4:12 AM EST
Talaado, November, 19, 2019 (HOL)- Ururka Al-shabaab ayaa markii ugu horeysay sheegay in ay si rasmi ah ula wareegeen deegaan ka tirsan Somaliland, gaar ahaan gobolka Sanaag oo dhawaan la sheegay in lagu arkay xooggagooda.

11/19/2019 12:42 AM EST
Talaado, November, 19, 2019 (HOL)- Guddoomiyaha Gobolka Mudug ee Dowladda Gobolleedka Puntland Axmed Muuse Nuur ayaa warbaahinta u sheegay in labo dhalinyaro ah ka danbeeyeen dilkii xalay Gaalkacyo loogu geystay Taliyihii Sirdoonka iyo Nabad-sugida gobolka Mudug Col Xaanshi Aadan Cilmi.

11/19/2019 12:08 AM EST
Talaado, November, 19, 2019 (HOL)- Wararka naga soo gaaraya degmada Afgooye ee gobolka Shabeellaha hoose ayaa sheegaya in Askari ka tirsan ciidamada dowladda uu toogasho ku dilay isku-duwihii maaliyada degmada Afgooye ee maamulka Koonfur Galbeed.

11/19/2019 12:01 AM EST
Talaado, November, 19, 2019 (HOL)-Waxaa xalay magaalada Muqdisho kulan ku yeeshay xubno ka kala socda Dowladda Federaalka iyo Madasha Xisbiyada Qaran kaa oo loogu gogol xaarayay kulan maalinta berri ah lagu wado in magaalada Muqdisho uu ku dhaxmaro madaxweyne Farmaajo iyo madaxweynayaashii hore ee Soomaaliya.