3/28/2024
Today from Hiiraan Online:  _
Wararka Maanta- Axad, Nov 17, 2019
Golaha Wasiirada Somaliland oo maanta ansixiyey oddoroska miisaaniyad sanadeedka 2020-ka

 

Axad, November 17,  2019  (HOL )– Golaha Wasiirada Somaliland ayaa maanta ansixiyey  miisaaniyadii qaranka 2020-ka oo cadadkeedu dhan yahay 2,751,304,880,098 SLSH (Laba Tiriliyan, Toddoba boqol kow iyo konton Bilyan, Saddex Boqol iyo Afar milyan, Siddeed boqol iyo siddeetan kun iyo siddeed iyo sagaashan shilin Somaliland), waxana ay 18% (Boqolkiiba siddeed iyo toban) ka badan tahay miisaaniyad-sannadeedkii 2019ka.Kal-fadhigii golaha wasiirrada Somaliland ee maanta oo uu shir-guddoominayey madaxweynaha Somaliland, Muuse Biixi Cabdi, ayaa si rasmi ah loogu ansixiyey oddoroska miisaaniyad-sannadeedka 2020-ka.

Miisaaniiniyad-sannadeedka 2020-ka oo ay golaha horkeentay wasaaradda horumarinta Maaliyadda Somalilnad,ayaa cadadkeedu dhan yahay 2,751,304,880,098 (Laba Tiriliyan, Toddoba boqol kow iyo konton Bilyan, Saddex Boqol iyo Afar milyan, Siddeed boqol iyo siddeetan kun iyo siddeed iyo sagaashan shilin), waxana ay 18% (Boqolkiiba siddeed iyo toban) ka badan tahay miisaaniyad-sannadeedkii 2019ka.

Oddoroska Miisaaniyadda cusub, ayaa diiradda saari doonta nabadgelyada, Ictiraaf-raadinta, horumarinta caafimaadka, Biyaha, waxbarashada, doorashooyinka, daryeelka deegaanka iyo duur-joogta, wax soo saarka Beeraha iyo Kalluunka, Macdanta iyo Tamarta iyo kaabayaasha dhaqaalaha.

Meelaha la oddorasayo inay miisaaniyadda cusubi ka iman doonto, ayaa waxa kamid ah cashuuraadka kala duwan ee ay muwaadiniinta reer Somaliland bixiyaan oo iyadu halbawle iyo saldhig u ah Aas-aaska dawlad-nimada, waxana ay waafaqsan tahay qorshaha labaad ee horumarka Somaliland (SNDPII), islamarkaana waxa ay ka turjumaysaa Barnaamuj-siyaasadeedkii xisbiga KULMIYE iyo ballamihii uu ku galay doorashooyinkii dalka ka qabsoomay 2017-kii.

 

Diood iyo falanqayn ka dib waxa uu madaxweyne Biixi uu cod geliyey Ansixinta oddoroska miisaaniyad-sannadeedka 2020-ka, waxana cod aqlabiyad ah ku ansixiyey dhammaanba xubnihii golaha wasiirrada ee kalfadhiga ku sugnaa, iyada oo aanay jirin cid ka aamustay iyo cid diidday midna.

Miisaaniyaddan ay maanta oddoroskeeda ansixiyeen golaha wasiirradu, ayaa ah tii 29-aad ee uu yeesho qaranka Somaliland, taas oo sannadba sannadka ka dambeeya sii kordhaysay, waxana ay u gudbaysaa golaha wakiillada Somaliland oo ka gudan doona waajibaadkooda Dastuuriga ah.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
11/17/2019 11:05 AM EST
Axad, November, 17, 2019 (HOL)-Wararka Goor dhaw na soo gaaray ayaa sheegaya in xooggag ka tirsan Ururka Al-shabaab weerar ku qaadeen gaari ay la socdeen ciidamada dowladda oo marayay deegaanka Calamada ee dulleedka magaalada Muqdisho.

11/17/2019 10:29 AM EST
Axad, November, 17, 2019 (HOL)-Wararka ka imanaya gobolka Sanaag ayaa sheegaya in markii ugu horeysay lagu arkay deegaan ka tirsan gobolka Sanaag Xoogag la rumeysan yahay in ay ka tirsan yihiin Ururka Al-shabaab.

11/17/2019 8:18 AM EST
Axad, November, 17, 2019 (HOL)-Gudoomiyaha xisbiga mucaaradka ah ee WADDANI C/raxmaan Maxamed C/llaahi Cirro ayaa taageerayaashiisa ugu baaqay in maalinta Barri iskugu yimaadaan xafiiskiisa ku yaala magaalada Hargeysa si fariimo loogu sheego.

11/17/2019 6:53 AM EST
Axad, November, 17, 2019 (HOL)-Ugu yaraan hal qof ayaa ku dhintay 5 kalena dhaawac ayaa kasoo gaaray kadib markii gaari nuuca Soomaalidu u taqaano Laylo oo aan cidina wadin uu dardaray dad ku sugnaa bartamaha suuqa magaalada Garowe.

11/17/2019 6:50 AM EST
Axad, November, 17, 2019 (HOL)-Taliyaha ciidanka Daraawiishta Puntland ee gobolka Sanaag, sareeyo guuto, Cabdulaahi Cumar Canshuur ayaa warbaahinta maxaliga ah u sheegay in ciidamo katirsan Alshabaab oo maanta lagu arkay tuulada Gacan- Maroodi oo katirsan gobolka Sanaag ay yihiin ciidamo ay soo dirtay Soomaliland.

11/17/2019 5:32 AM EST
Axad, November, 17, 2019 (HOL)-Madaxweyne ku-xigeenka dowlad gobolleedka Jubbalanda Maxamuud Sayid Aadan oo ku sugan gobolka Gedo ayaa degmada CeelWaaq kulan kula qaatay saraakiil ciidan oo ay ka mid ahaayeen kuwa AMISOM.

11/17/2019 2:47 AM EST
Axad, November, 17, 2019 (HOL)-Dowlladda Kuwait ayaa ugu baaqday beesha caalamka ilaalinta madax-bannaanida iyo midnimada Soomaaliya, kaddib kulankii Sabtidii Golaha Amaanku uu ka yeeshay xaalada Soomaaliya

11/17/2019 2:26 AM EST
Axad, November, 17, 2019 (HOL)-Madaxweynihii hore dalka Maerykanka Barack Obama ayaa digniin u diray musharaxiinta madaxweynaha ee xisbiga Dimuqraadiga, waxa uuna uga digay siyaasadaha aan xaqiiqda ku saleysnayn.

11/17/2019 12:09 AM EST
Axad, November, 17, 2019 (HOL)- Wasiirka Wasaaradda Arrimaha Gudaha dowlad gobolleedka Puntland oo warbaahinta la hadlay Maxamed Cabdiraxmaan Dhabancad ayaa sheegay in gabi ahaanba la soo afjaray xiisadii sababatay gacan ka hadalka ee magaalada Boosaaso.

11/17/2019 12:08 AM EST
Axad, November, 17, 2019 (HOL)- Wararka imanaya deegaanka lagu magacaabo Balihowd ayaa sheegaya in rag hubeysan weerar ku qaadeen dhalinyaro ku sugnaa hal goob iyaga oo rasaas ku furay, waxaana la sheegay in rasaastaaa uu ku dhintay qof ka tirsanaa dadkii goobta ku sugnaa.

11/17/2019 12:05 AM EST
Axad, November, 17, 2019 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa Xarunta Madaxtooyada kula kulmay xubno matalayey isxilqaameyaasha howlaha Gurmadka Fatahaadaha ee qaar ka mid ah gobollada dalka iyo Jaaliyadda Soomaaliyeed ee Kenya.

11/17/2019 12:01 AM EST
Axad, November, 17, 2019 (HOL)- Magaalada Muqdisho waxaa ku badan weerarrada ay geystaan dhalinyaro ka tirsan Ururka Al-shabaab kuwaa oo bartilmaameedsada xubnaha ka tirsan dowladda iyo xarumaha ay ku sugan yihiin ciidamada.