8/17/2019
Today from Hiiraan Online:  _
Wararka Maanta- Isniin, May 13, 2019
Madaxweynaha Puntland oo si faahfaahsan uga hadlay sababtii ka dambeysay shirkii Garoowe inuu natiijo la'aan ku dhammaado



Isniin, May, 13, 2019 (HOL) – Madaxweynaha Puntland , Siciid Cabdullaahi Deni oo caawa warbaahinta kula hadlay xarunta madaxtooyadda Puntland ee magaalada Garoowe ayaa ka warbixiyey shirkii Iskaashiga dowladda Federaalka Soomaaliya iyo dowlad-gobolleedyada oo natiijo la'aan ku dhammaaday.

Siciid Deni, ayaa labo qodob ku sheegay inay sabab u noqdeen shirkaa oo muddo toddobaad ku dhow qaatay inuu ku soo dhammaato iyadoon wax natiijo ah la gaarin, isagoo arrinta ka hadlay wuxuu yiri;

" Labo arrin oo saldhigooddu yahay ; In habkii lagu shaqeyn lahaa aan la isku afgaran oo u baahnaa waqti - golaha iskaashiga dowladda dhexe waxay ka muujisay inay u baahantahay go'aan ay ka soo gaarto habka wada-shaqeyntaas , dowladaha xubnaha ka ahna waxay u arkayeen habka kaliya ee suragalka ah ee wada-shaqeynta"

"Qodobka labaad, qodobka ku saabsan doorashooyinka iyo arrimaha ku saabsan khayraadka in dib loo soo celiyo , arrintaas dowladda runtii way ka gaabsatay oo kuma aysan qancin inay soo celiso , waxaad ogtihiin biilka hadda la gudbiyay ee ku saabsan doorashooyinka waxaa ku jira qodobbo saameyn ku yeellanaya mabaa'diidda aasaasiga ah ee dastuurka , habka ay dowladda Soomaaliya u shaqeyn doonto , saameyn ku yeelan doona habka cod bixiyeyaasha, saameyn ku yeelan doona xubnaha Baarlamaanka iyo meelaha ay ka soo geli doonaan, arrimaha oo dhan waa arrimo lagu kala duwanyahay oo u baahan in lala-faguro oo la isku qaato, runtii arrintaas dowladda uma aysan hirgelin inay ku qanacdo inay soo celiso .. inkasto ay ka garowday inay ahayd in laga wada-tashado .. Waxaayabah sii dheer oo runtii inta uu shirka socday, gaar ahaanna aniga igu riday kalsooni darrada waxaa ka mid ah in iyadoo sidaas tahay haddana la gudbiyo sharci kale  oo la yiraahdo sharciga canshuuraha oo ah meelaha ugu adag nidaamka federaaleynta , sharciyada canshuuraha waxaad ogtihiin heerarkooda kala duwan-ba qaada".

Madaxweynaha Puntland, waxaa kalo uu sheegay in lagu dheeraaday ka hadalka arrinta Galmudug iyo khilaafka dowladda federaalka, qodobkaana ma noqon mid sidii ku habbooneyd ku dhammaaday, sida uu sheegay - wuxuu marka baaq u diray dowladda federaalka iyo dowlad-gobolleedyada.

"Dowladda federaalka Soomaaliya iyo dowladdaha xubnaha ka ah DFS waa kuwo ay leeyihiin shacabka Soomaaliyeed, waa in ay ka shaqeeyaan midnimada ummda Soomaaliyeed, waa in lawada hadlo hadii xataa la kala aragti duwan yahay, waxyaabaha la isku afgaran waayo in dib loo dhigo lagana wada hadlo kuwa aan lagu muran saneen." ayuu yiri madaxweynaha Puntland.

Madaxweynaha Puntland Saciid Deni  ayaa sheegay inuu fashilmo Imtixaanki dowladda Federaalka qaadeysay uu ahaa arrin ay horay uga digeen, waxaa uu xusay in Puntland ay aheyd in Imtixaanka dalka oo dhan qaado, maaddama ay leedahay khibrad 20 sanno ah. Dhinaca kale madaxweynaha Puntland ayaa ka hadlay sababta ay Puntland Iskaashi ula yeelatay maamullada Hirshabeelle iyo Koonfur-galbeed.

“Hore waxaan Iskaashi ula lahayn Jubbaland iyo Galmudug, haatanna Hirshabeelle iyo Koonfur-galbeed, waxaan uga faa'iidaysanay in wada shaqeyn lahelo, Hirshabeelle dhaqaale ayaa naga dhexeeya, Koonfur-galbeedna sidoo kale".

Gabagabadii, wuxuu sheegay inay muhiimtahay in la wada-hadlo oo marka hore la isla meel dhigo arrimaha isku-firkirka laga yahay, wuxuu marka ballanqaaday inay sii wadi doonaan wada-hadal in wax walba lagu dhammeeyo, si buu yiri loo wanaajito mustaqbalka bulshada Soomaaliyeed.


Iman Mohamed Jama, Hiiraan Online
[email protected]








Click here
5/13/2019 5:21 PM EST
Isniin, May, 13, 2019 (HOL) - Korontada ayaa inta badan laga gooyaa degaanada uu ka kooban yahay dalka Itoobiya, iyadoo Korontadii joogtada ahayd ay toddobaadkii maalin ama maalin badhkeed ka maqnaanayso magaalooyinka degaanada uu dalku ka kooban yahay.

5/13/2019 4:34 PM EST
Isniin, May, 13, 2019 (HOL) - Xerada Barakacayaasha ee Qollaji ayaa waxaa ku nool barakacayaal aad u tiro badan kuwaas oo siyaabo kala duwan ooga soo barakacay meelihii ay hadda ka hor degganaayeen.

5/13/2019 3:14 PM EST
Isniin, May, 13, 2019 (HOL) – Ciidamada booliska ayaa qabtay Cabdi Keyse Tungub oo gobolka Sool uga wakiil ahaa TVga Bulsho fiidnimadii caawa sida ay HOL u sheegeen dhalinyaro ay wada socdeen.

5/13/2019 2:58 PM EST
Isniin, May, 13, 2019 (HOL) – Wasiirka Wasaarradda Waxbarashada Hidaha iyo Tacliinta Sare ee xukuumadda Soomaaliya Cabdullaahi Goodax Barre ayaa sheegay in hakad galiyay Imtixaankii dowladda ee Saddexdii cisho ee la soo dhaafay ka socday guud ahaanba dalka Soomaaliya, kaddib markii la helay qeyb ka mid ah qishka Maadooyinka Imtixaanka lagu galayo.

5/13/2019 12:48 PM EST
Isniin, May, 13, 2019 (HOL)- Ra’iisul Wasaaraha xukuumadda federaalka Soomaaliya, Xasan Cali Khayre ayaa maanta magacaabay guddi ka shaqeeya dhamays-tirka qorsha dayn cafita dalka oo meel gebo gebo ah maraya.

5/13/2019 9:03 AM EST
Isniin, May, 13, 2019 (HOL)-Sanad kasta oo la xuso 18 May oo ah maalintii Somaliland u astaysay in ay dib uga noqotay midowgii Soomaalida ee 1960kii ayaa magaalada Laascaanood waxaa ka dhaca rabsho u dhexeeya Booliska oo mararka qaar ay caawiyaan milaterigu iyo shacabka marka laga reebo labadii sano ee la soo dhaafay.

5/13/2019 8:33 AM EST
Isniin, May, 13, 2019 (HOL)- Weerar arbubaash ah ayaa la sheegay inay la kulmeen maraakiib mararyay xeebaha dalka Imaaraadka Carabta.

5/13/2019 8:20 AM EST
Isniin, May, 13, 2019 (HOL)- Ugu yaraan 15 ruux geeryootay tiro kalana waa ay dhaawacmeen, shil gaari oo ka dhacay magaalada Nairobi iyo gobolka Waqooyi Bari ,sida laga soo xigtay saraakiisha.

5/13/2019 8:05 AM EST
Isniin, May 13, 2019 (HOL)- Madaxweynaha Somaliland Muuse BIixi ayaa sheegay in cid kasta oo jabisay sharciga oo kala qaybisa wada jirka dadka xilka uu doono ha hayee in gacan bir ah lagu qaban doonno.

5/13/2019 7:40 AM EST
Isniin, May, 13, 2019 (HOL)- Siyaasi Maxamed Cali Yuusuf , oo maanta suxufiyiinta kula hadlay magaalada Muqdisho ayaa shaaca ka qaadday inuu ka qeybgalayo doorashada madaxweynaha Jubbaland ee dabayaaqada sannadkan ka dhacaysa magaalada Kismaayo.

5/13/2019 7:00 AM EST
Isniin, May, 13, 2019 (HOL)- Askarti ka tirsan ciidanka Uganda ee qeybta ka ah howlgalka AMISOM ee Soomaaliya ayaa saddex askari ku dilay gudaha xarunta Xalane ee magaalada Muqdisho, halkaas oo ah saldhigga ugu weyn ee ciidanka AMISOM.

5/13/2019 4:19 AM EST
Isniin, May, 13, 2019 (HOL)- Madaxweynaha dowlad gobolleedka Hirshabeelle Maxamed Cabdi Waare ayaa meesha ka saaray in uu fashil ku soo dhamaaday shirkii madaxda dowladda federaalka iyo dowlad gobolleedyada ay ku lahaayeen magaalada Garoowe.

5/13/2019 2:23 AM EST
Isniin, May, 13, 2019 (HOL) - Warar goor dhaw na soo gaaray ayaa sheegay in ay go’day Buundada deegaanka Ceel Gaal oo ka tirsan degmada Beledweyne, taasoo muhiim u aheyd isku socodka dadka iyo gaadiidka isaga kala goosha gobollada Koonfureed iyo Waqooyiga Soomaaliya.

5/13/2019 2:02 AM EST
Isniin, May, 13, 2019 (HOL) – Deegaan ku yaalla duleedka degmada Caynaba oo ay degganyihiin qoysas danyar ah ayaa waxaa saameyn xooggan ku yeeshay roobabkii deegaanka ka da'ayay,iyadoo ay biyo qaadeen dhismayaal cooshaddo ahaa oo ay degganyihiin.

5/13/2019 1:37 AM EST
Isniin, May, 13, 2019 (HOL) – Duulimaadyadii tooska ahaa ee isku xirayay Soomaaliya iyo Kenya oo lagu qasbay inay sii maraan garoonka diyaaradaha ee Wajeer si baaritaanno dheeraad ah loo mariya ayaa si dhaqso ah waxaa qaylo dhaan uga muujiyay rakaabkii u horreyay ee sii maray Wajeer.

5/13/2019 1:23 AM EST
Isniin, May, 13, 2019 (HOL) – Wasiirrada maaliyadda ee dowlad-gobolleedyada dalka ayaa qaadacay xeerka canshuuraha ee Sabtidii ay wasaaradda maaliyadda federaalka u gudbisay golaha shacabka.

5/13/2019 1:11 AM EST
Isniin, May, 13, 2019 (HOL) – Duuliye u dhashay dalka Myanmar ayaa qaaday tallaabo geesinimo leh,markii ay cilad soo wajahdey diyaarad rakaab oo uu waday, wuxuu sameeyay in diyaaradda uu ku dejiyay garoon diyaaradeed iyadoo ay u bixi waayeen lugaha hore ee diyaarada.

5/13/2019 1:01 AM EST
Isniin, May, 13, 2019 (HOL) –Ra’iisul Wasaaraha xukuumadda fedreaalka Soomaaliya, Xasan Cali Khayre ayaa xalay kormeer amni ku tegay taliska Qaybta Guud ee booliiska gobalka Banaadir iyo Isgoysada ay ku sugaynyihiin ciidamada sugaya amniga caasimadda, ayaa booqday xarunta hagista iyo ka jawaabidda numberka 991 ee Booliisku dhawaan howl geliyeen si shacabku ay ugu soo gudbiyaan xogaha ay helaan.