3/29/2024
Today from Hiiraan Online:  _
Wararka Maanta- Talaado, Mar 19, 2019
kulan looga hadlayay dardargalinta is dhaxgalka Bulshada iyo Laamaha Amniga oo ka dhacay Muqdisho


Talaado, Maarso, 19, 2019 (HOL)- Kulan oo ahaa mid looga hadlayay dardar gelinta isdhexgalka Bulshada iyo Hay’adaha Amniga, ayaa waxaa soo qabanqaabiyay maamulka gobolka Banaadir oo uu guddoomiyaha ka yahay Cabdiraxmaan Cumar cismaan Yariisow.

Waxaa kulanka ka qeybgalay Ra’iisul Wasaaraha Soomaaliya, Guddoomiyaha Gobolka Banaadir kuxigeenadiisa, taliyeyaasha Ciidamada, qaar ka mid ah dhalinyarada Gobolka Banaadir iyo Ururada Haweenka Gobolka Banaadir.

Ra’iisul Wasaaraha Xukuumadda Soomaaliya Xasan Cali Kheyre oo hadal ka jeediyey munaasada ayaa sheegay in daradar gelinta sugida amniga ay marka koowaad muhiim tahay in lala Shaqeeyo Ciidamada Amniga,waxaana uu sheegay in Ciidanka kaligood aysan waxba qaban karin.

Waxaa uu sheegay in sidoo kale in sugida amniga dalka ay ka qeyb qaadan karto in dowladda federaalka ay gaarto isku filnaansho dhinmaca dhaqaalaha taasina ay bilaaw u tahay la-agaalanka musuq maasuqa,waxaana uu raja ka muujiyey in Soomaaliya laga cafiyo deynta lagu leeyahay.

Guddoomiyaha Gobolka Banaadir iyo taliyaha ciidanka xoogga dalka o0o kulanka goobjoog ka ahaa ayaa iyanja dhankooda waxa ay sharaxaad ka bixiyeen qaabka ugu wanagsan ee lagu sugi karo amniga dalka Soomaaliya.

Kulanka la xiriira dardar gelinta isdhexgalka Bulshada iyo Hay’adaha Amniga xilliga uu xalay ka socday Maagalada Muqdisho waxaa dagaal culus uu ka socday degmada Balcad ee Gobolka Shabeellaha dhexe oo 37km u jirta Magalada Muqdisho.

C/raxmaan Diini, Hiiraan Online
[email protected]

 













Click here
3/19/2019 1:16 PM EST
Talaado, Maarso, 19, 2019 (HOL)-Qarax nooca gaadiidka lagu rakibo ah ayaa goor dhaw ka dhacay ilinka hore ee xarunta CID magaalada Muqdisho , waxaana warar soo baxaya sheegayaa in gaariga qarxay uu watay sarkaal ka tirsan dowladda Soomaaliya.

3/19/2019 11:00 AM EST
Talaado, Maarso, 19, 2019 (HOL)- Wasaaradda Kalluumeysiga iyo Khayraadka Badda Soomaaliya ayaa maanta doomo iyo qalab ku wareejisay kalluumeeysato todobaadkan tababar uga socday magaaladda Caasimadda ee Muqdisho .

3/19/2019 10:51 AM EST
Talaado, Maarso, 19, 2019 (HOL)- Madaxweynaha Puntland , Siciid Cabdullaahi Deni ayaa xafiiskiisa ku qaabilay ehelada Caasha Ilyaas Aadan Qarjab oo dhowaan kufsi iyo dilka loogu geystey magaalada Gaalkacyo.

3/19/2019 10:29 AM EST
Talaado, Maarso, 19, 2019 (HOL)- Guddiga dib u eegista la socodka iyo hirgalinta Dastuurka kumeelgaarka ah ee Soomaaliya ayaa maanta ku wareejiyay shan cusub oo ka tirsan Dastuurka Guddiga madaxa bannaan ee la socodka iyo hirgalinta Dastuurka iyo Wasaarada Dastuurka Soomaaliya.

3/19/2019 10:19 AM EST
Talaado, Maarso, 19, 2019 (HOL)- Guddoomiyaha gobolka Banaadir ahna duqa caasimadda Muqdisho,Cabdiraxmaan Cumar Cismaan (Eng Yariisow) ayaa guddoomiye cusub u magacaabay degmada Xamar weyne,sida ay ku warrantay warbaahinta maxalliga ah.

3/19/2019 10:03 AM EST
Talaado, Maarso, 19, 2019 (HOL)- Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa, xilli uu khudbad u jeedinayay dadkii dhawaan la siiyay dhalashada Mareykanka.

3/19/2019 9:58 AM EST
Talaado, Maarso, 19, 2019 (HOL)- Guddoomiyaha Baarlamaanka Puntland,Cabdixakiin Maxamed Axmed ayaa maanta dib ugu soo laabtay magaalada xarunta ah ee Garoowe,kaddib muddo labo toddobaad ah oo uu booqasho ku joogay magaalada Jabuuti iyo caasimadda Muqdisho.

3/19/2019 9:46 AM EST
Talaado, Maarso, 19, 2019 (HOL)- Wasaaradda arrimaha gudaha dib u heshiisiinta iyo arrimaha Federaalka ee xukuumadda Soomaaliya ayaa baaq deg deg ah goor dhow ka soo saartay dagaallo ka dhacay deeganno ka kala tirsan gobollada Shabeellaha dhexe iyo Galgaduud.

3/19/2019 7:21 AM EST
Talaado, Maarso, 19, 2019 (HOL)- Ra'iisul wasaaraha dalka Itoobiya, Abiy Axmed ayaa booqasho rasmi ah ku gaaray magaalada Doha ee xarunta dalka Qadar,kaddib casuumad uu ka helay Amiirka dalkaas.

3/19/2019 6:12 AM EST
Talaado, Maarso, 19, 2019 (HOL)-Dalka Uganda waxaa la joojiyay qaybinta mishaari la siinayay qaxootiga iyo dadka ay nafaqo-darrada hayso ee ku nool dalka Uganda, iyadoo cabsi laga qabo inay ku dhimatay haweeney da` ah.

3/19/2019 5:49 AM EST
Talaado, Maarso, 19, 2019 (HOL)- Xaalada degmada Balcad ayaa degan kaddib dagaal culus oo xalay ku dhaxmaray gudaha degmada xoogagga Al-shabaab iyo ciidamada dowladda Soomaaliya oo kaashanaya kuwa howlgalka AMISOM.

3/19/2019 5:36 AM EST
Talaado, Maarso, 19, 2019 (HOL)- Jaamacadda Banaadir ayaa markii ugu horeysay daah furtay Sheybaarkii ugu weyn ee noociisa ee laga daah furo dalka , kaddib munaasabad ka dhacday xarunta Jaamacadda.

3/19/2019 5:00 AM EST
Talaado, Maarso, 19, 2019 (HOL)-Taliska ciidamada militariga dowladda Soomaaliya ayaa sheegay in qeybo ka mid dalka uu ka soconayo dagaal u dhaxeeya ciidamada dowladda iyo Al-shabaab.

3/19/2019 1:27 AM EST
Talaado, Maarso, 19, 2019 (HOL)- Ra’iisal wasaraha xukuumadda Soomaaliya oo xalay khudbad ka jeedinayay kulan looga hadlayay dardargalinta is dhaxgalka bulshada iyo laamaha Amniga ayaa soo hadal qaaday cabashada maalmihii ugu danbeeyay ay jeedinayaan qaar ka mid ah ciidamada dowladda.

3/19/2019 12:24 AM EST
Talaado, Maarso, 19, 2019 (HOL)- Warar dheeraad ah ayaa ka soo baxaya dagaal culus oo xalay ka dhacay gudaha degmada Balcad ee gobolka Shabeellaha dhexe oo sida la sheegay waqti kooban qeybo degmada ka mid ah la wareegeen dagaalyahannada Al-shabaab.