Wiil yar oo Maydkiisu illa shan cisho yaallo cisbitaalka Hargeysa
Jimco, Maarso, 15, 2019 (HOL)- Wiil yar oo Arday
ah ayaa maydkiisa shan cishaba yaalla cisbitaalka guud ee Hargeysa.
Wiilkan oo da’diisa lagu sheegay sagaal jir,isla
markaana dhigan jirey dugsiga Ilays ee Hargeysa ayaa maalintii salaasadii
gaadhi ku jiidhay magaaladda, nasiib daro illaa sabtidda waxa uu sii ooli
doonna cisbitaalka.
Wiilkan ayaan ehel iyo qaraabo lahayn oo uu
qaranku ehel u yahay, maadama oo uu yahay caruurta yaraanta lagu helo ee
nasiibka u helin waalidkood inay arkaan, haseyeeshee, noloshiisa wiilkan iyo
waxbarashiisaba waxa damaanad qaaday hay’ada SOS.
Hay’adaha dawladda oo aan la xidhiidhay waxay ii
sheegeen in uu wali baadhitaankiisu socdo, inkastoo agaasimaha
cisbitaalka oo aan is ku dayey inaan arrintan wax ka waydiiyo ka jawaabi waayey
telefoonkiisa gacanta.
Sidoo kale, waxay doodi ka taagan tahay cidda la
siinayo magta marxuumka, maadaama oo uu hadda xidhan yahay dirawalkii
waday gaadhiga jiidhay.
Barkhad-ladiif M. Cumar, Hiiraan Online
[email protected]
Hargeysa, Somaliland.
