3/29/2024
Today from Hiiraan Online:  _
Wararka Maanta- Khamiis, Jan 17, 2019
Dadka sharci la’aanta kaxeya gaadiidka oo laga mamnuucay gobolka Sool


Khamiis, Janaayo, 17, 2019 (HOL) – Munaasabad lagu soo bandhigayey liisamada wadida gaadiidka ayaa lagu qabtay wasaaradda Gaadiidka iyo Jidadaka xarunteeda Laascaanood xarunta gobolka Sool.

Munaasabadan oo ay ka soo qayb galeen masuuliyiinta heer gobol, degmo, masuuliyiin ka socdey wasaaradda Gaadiidka iyo waxgarad ayaa si aad ah loogaga hadlay dhibaatada shilalaka gaadiidka oo inta badan la saarayey aqoondaro dhinaca wadayaasha ah.

Isuduwaha wasaaradda Gaadiidka Candikhadar Cali oo ugu horayn ka warbixiyey munaasibadan ayaa si aad ah ugu dheeraaday baahida loo qabo hubinta wadaha Gaadiidka si laysugu dayo in la yareeyo shilalaka Gaadiidka oo aad waqtigan u badan.

"Waxaa muhiim ah wadaha gaadiidku in uu maro imtixaan ka sokow wadidida, Buugaan waxaa ku yaala 400 oo su'aalood waxaa qofkasta la weydiinayaa afartan ka mid ah haduu ka jawaabo 62.2% waxa uu u gudbayaa imtixaanka wadida gaadiidka oo ay qaad ayaan shaqaale loo soo tabaray" sidaana waxaa idhi Agaasimaha waaxda Liisamada iyo Bugaagta Ayaan Cabdicasiis.

C/casiis Xuseen Xasan maayirka magaalada Laascaanood ayaa si weyn u soo dhoweeyey hawshan wasaaradu ka bilawday gobolka oo uu sheegay in ay xal u tahay dhibaatooyin xoogleh oo masuuliyad xumo sababteeda leedahay.

"Waxaa muhiim ah in xal loo helo dhibaatada shilalaka Gaadiidka oo bulshada dhib ku haysa. Mana jirayso wadde aan liisan haysan inuu gaadhi kexeeyo taasna ciidamada amar ayay ku qabaan laamaha qaabilsan" ayuu yidhi Gudoomiyaha Gobolka Sool Cabdiqani Jiidhe oo intaas raaciyey in xal loo helo gaadiidka bajaajta oo aad dhibkoodu haatan u badan yahay.

Si kastaba ha ahaatee talaabadan ayaa la filayaa in ay wax weyn ka tarayso shilalaka Gaadiidka oo badanaa ay wataan dhalinyaro aad u yar siiba Bajaajta.

Seynab Cabdi Warsame

[email protected]

Laascaanood G. Sool

 













Click here
1/17/2019 12:35 PM EST
Khamiis, Janaayo, 17, 2019 (HOL) – Madaxweynaha dowladda Soomaaliya Maxamed Cabdullaahi Farmaajo oo kulamo wadatashi ah kula qaatay magaalada Baydhabo Odayaasha iyo duubabka dhaqanka Koonfur Galbeed ayaa ku ammaanay kaalinta ay ka gaysanayaan taabbo gelinta hawlaha nabadeynta iyo dib u heshiisiinta bulshada degaannadaasi.

1/17/2019 11:48 AM EST
Khamiis, Janaayo, 17, 2019 (HOL) –Faah faahinno dheeraad ah ayaa ka soo baxay dab weyn oo goor dhaw qabsadya kaalin shidaal oo ku taala Isgoyska Banaadir meel aan sidaa uga fogeyn xarunta Wasaarradda arrimha dibedda Soomaaliya.

1/17/2019 11:37 AM EST
Khamiis, Janaayo, 17, 2019 (HOL) -Hanti dhawraha qaranka ee Somaliland ayaa baadhitaan maaliyadeed ka bilaabay dawlada hoose ee Hargeysa, waxaanay xidheen xafiisyadii maaliyada si ay u baadheen.

1/17/2019 7:20 AM EST
Khamiis, Janaayo, 17, 2019 (HOL)-Dowladda Itoobiya ayaa Arbacadii Shalay ahayd sheegtay in ay dagaal kula jirto kooxo Hubeysan oo ay ku tilmaantay cadaw lid ku ah ammaanka, kuwaas oo qalalaasa ka wada Galbeedka Gobolka Oromiya.

1/17/2019 6:20 AM EST
Khamiis, Janaayo, 17, 2019 (HOL)-Wafddi uu hoggaaminayo wasiirka amniga Xukuumadda Soomaaliya mudane Maxamed Abuukar Isloow Ducaale oo ku sugan magaalada Ankara ee caasimadda dalka Turkiga ayaa la kulmay wasiirka arrimaha gudaha dalkaasi Suleyman Soylu iyagoo ka wada hadlay arrimo badan oo ku saabsan xiriirka labada dhinaca.

1/17/2019 3:39 AM EST
Khamiis, Janaayo, 17, 2019 (HOL)-Dable Xoogga Dalka Maxamed Cabdiraxmaan Ibraahim ayaa loo heystaa dilka Marxuum Ex, Alifle Boliis Salaad Xasan Maxamed dilkaas oo ka dhacay Ex, Kontorool Afgooye 06-bishii 10-aad ee sanadii tagtay.

1/17/2019 3:21 AM EST
Khamiis, Janaayo, 17, 2019 (HOL)-Dowladda Qatar ayaa ku wareejisay dowladda Soomaaliya tiradii ugu badneyd gaadiidka dagaalka oo ay isticmaalaan ciidamada militariga.

1/17/2019 3:11 AM EST
Khamiis, Janaayo, 17, 2019 (HOL)-Dowladda Soomaaliya ayaa sheegtay in ay xoojineyso wada shaqeynta kala dhaxeysa maamul gobolleedyada dalka oo bilihii ugu danbeeyayba uu ka dhaxeeyay khilaaf siyaasadeed.

1/17/2019 12:44 AM EST
Khamiis Janaayo, 17, 2019 (HOL)-Mulkiilaha Afro Deli Cabdiraxmaan Ciise Kaahin ayaa shalay oo ahayd Arbaco sheegay in ay siin doonaan Qado bilaash ah shaqaalaha u shaqeeya dawladda federaalka oo hakad ku yimi shaqadoodii & mushahaaraadkoodii dawladda dhexe ayna shaqaalahani helaynin wax lacag ah mudadaan.

1/17/2019 12:36 AM EST
Khamiis, Janaayo, 17, 2019 (HOL)-War qoraal ah oo ka soo baxay Ururka Al-shabaab oo looga hadlay weerarkii galabnimadii Tallaadada ay ka geysteen magaalada Nairobi ayaa lagu sheegay in uu ahaa mid jawaab looga dhigay waxa ay ku tilmaantay "hadalka aan xikmadda ku dhisnayn" ee Madaxweynaha Maraykanka Donald Trump uu magaalada Al-Quds ugu aqoonsaday inay tahay caasimadda Israel.