3/29/2024
Today from Hiiraan Online:  _
Wararka Maanta- Isniin, Sept 24, 2018
Musharax Maxamed Shaale oo xaflad soo dhoweyn ah loogu sameeyay London


Isniin, September, 24, 2018 (HOL)– Xaflad si weyn loo soo agaasimay laguna taageerayey siyaasiga Gen Maxamed Axmed Jaamac Shaale oo ah musharax Madaxweyne doorashada Puntland ee 2019, ayaa xalay lagu qabtay London ee caasimada UK,

Xafladan oo lagu qabtay xaafadd ka mid ah London ayna ka soo qaybgaleen dadweyne aad u tiro badan oo isugu jira Aqoonyahano, Saraakiil.Waxgarad, Culimo, Haween iyo dhaman qaybaha kala duwan ee bulshada reer Puntland ee ku dhaqan dalka UK.

Dadka ka soo qaybgalay ayaa qar ka mid ah ka yimaadeen gobolada dalka, xafladan oo ahayd xaflad tii ugu weyneyd ee loo dhigo nin musharax ah , hoolka shirkuna buuxsamay oo dadkii qaar ayaa albaabka laka celiyay qaarna ay taagtaagnaayeen.

Musharax Shaale ayaa si weyn uga mahadceliyay soo dhaweynta milgaha iyo sharafta leh ee Jaaliyadda Somaaliyeed gaar ahaa jaaliyada Puntland u sameeyeen,isagoona sheegay in aanu hilmaami doonin.

Dadkii kasoo qeybgalay munaasabada ayaa sheegay markii ay qiimeeyeen khudbada uu jeediyay Gen.Maxamed Axmed Jaamac Shaale ay tahay mid aan horey loo jeedin marka loo eego aqoonta uu u leeyahay hogaaminta iyo hufnaanta maadaama uu Shaale ka mid ahaa saraakiisha somaliyeed xilal kala duwana kasoo qabtay dowladii kacaanka.

Musharax Shaale ayaa si weyn sanadkan ugu soo diyaar garoobey tartanka Madaxweynaha, waxaana qaar kamid ah shacabku sheegayaan in Shaale u muuqdo qof aan u soo xoolo doonan dalkan burbursan ee uu yahay Hantiile u soo kacay badbaadinta dalkiisa kadib markii uu tiisi daryeelay.

Musharaxa Ayaa Balan Qaaday in uu wax ka qabanayo hadii la doorto Xaalada amino Xumo Xalada Sicir Barar, xaalada caafimaad, waxbarashada,iyo mushaharla aanta Shaqalaha Dawlada iyo Askarta, ugu Danbayntii Xafladaas Ayaa Kusoo Gabagabowday Jawi Aad u wanaagsan.

C/raxmaan Diini, Hiiraan Online
[email protected]













Click here
9/24/2018 3:19 PM EST
Isniin, September, 24, 2018 (HOL)–Ciidamada dowladda Soomaaliya oo gacan militari ka helaya kuwa howlgalka AMISOM ayaa dilay 35 ka tirsan dagaalamayaasha Al-shabaab kaddib dagaal xoogan oo xalay ku dhaxmaray degmada Qoryooley ee gobolka Shabeellaha Hoose.

9/24/2018 3:00 PM EST
Isniin, September, 24, 2018 (HOL)– Xulka Kubadda Cagta degmada Waaberi ayaa ku guuleystay cayaarihii degmooyinka Gobolka Banaadir kadib markii ay 1-0 ku garaaceen dhigooda degmada Shibis.

9/24/2018 2:50 PM EST
Isniin, September, 24, 2018 (HOL)– Madaxweynaha Somaliland Muuse Biixi Cabdi ayaa wareegto ku soo wareejiyey Shaybaadhka Shiidaalka Haamaha Berbera oo markii hore ganacsato gaar ah maamuli jireen.

9/24/2018 10:44 AM EST
Isniin, September, 24, 2018 (HOL)– Guddoomiyaha maamulka gobolka Banaadir Cabdiraxmaan Cumar Cismaan Yasiiroow oo markii ugu horeysay ka hadlay dhacadadii lagu dilay kaddib-na dabka lagu qabsiiyay marxuum Axmed Mukhtaar {Axmed Dowlo] ayaa sheegay in ay jiraan xildhibaanno iyo mas’uuliyiin u olaleynaya sii deynta kooxdii geysatay falka dilka ah.

9/24/2018 9:21 AM EST
Isniin, September, 24, 2018 (HOL)– Madaxweynaha Puntland, Cabdiweli Maxamed Cali Gaas ayaa wareegto goor dhow ka soo baxday xafiiskiisa wuxuu xilka ka qaaday taliyaha qaybta booliska gobolka Nugaal, G/sare Faarax Galangooli.

9/24/2018 9:06 AM EST
Isniin, September, 24, 2018 (HOL)– Wasiirka galinkii dambe ee Axaddii shalay loo magacaabay wasaaradda deegaanka iyo isbedelka cimilada Puntland, Saleebaan Xaaji Cabdalle Sardheeye ayaa maanta xilka si rasmi ah loogu dhaariyay, kaddib markii uu xilka iska casilay Cali Cabdullaahi Warsame.

9/24/2018 8:54 AM EST
Isniin, September,24,2018 (HOL)–Dabley hubeysay ayaa toogasho ku dilay askari ka tirsan ciidanka madaxtooyada Puntland, labo qof oo kalana dhawaacay, Isniinta maanta ah, sida ay saraakiisha u xaqiijiyeen Hiiraan Online.

9/24/2018 8:36 AM EST
Isniin, September, 24, 2018 (HOL)–Madaxweynaha Puntland, Cabdiweli Maxamed Cali Gaas ayaa xilka ka qaaday guddoomiyaha gobolka Nugaal, sida ku cad wareegto goor dhow ka soo baxday xafiiska madaxweynaha Puntland oo guddoomiye cusub loogu magacaabay gobolka Nugaal.

9/24/2018 6:01 AM EST
Isniin, September, 24, 2018 (HOL)– Wasiirka Batroolka iyo Macdanta Xukuumadda Soomaaliya C/rashiid Maxamed Axmed ayaa ayaa Qoraal uu ku saxixnaa waxaa shaqadii xoghayaha wasaaradda looga joojiyaya Jamaal Qaasim Mursal.

9/24/2018 1:50 AM EST
Isniin, September, 24, 2018 (HOL)–Waxaa mar kale dib u dhac ku yimid shir uu ku baaqay madaxweynaha dowladda Soomaaliya Maxamed Cabdullaahi Farmaajo uu ku baaqay, kaa oo qorshuhu ahaa in maanta oo ay taariikhdu ku beegan tahay 24ka bishan in uu magaalada Muqdisho uga furmo madaxda dowlad gobolleedka Galmudug.

9/24/2018 1:15 AM EST
Isniin, September, 24, 2018 (HOL)–Wararka ka imanaya degmada Qoryooley ee gobolka Shabeellaha Hoose ayaa sheegaya in xalay degmada weerar culus ku qaadeen xoogag ka tirsan Al-shabaab.

9/24/2018 1:03 AM EST
Isniin, September, 24, 2018 (HOL)-Markab samatobixinta ka shaqaynayay oo ka hawlgalayay badda Mediterranean-ka ayaa diiwaan galintii lagala laabtay, arrintaas oo carqaladaynaysa hawlihii samato bixinta ee uu mustaqbalka fulin lahaa.

9/24/2018 12:51 AM EST
Isniin, September, 24, 2018 (HOL) - Waxaa si rasmi ah albaabada loogu laabay xabsigii ugu weynaa gobolka Ismaamulka Soomaalida ee Jeel Ogaadeeniya oo muddo dheer ay ku xirnaayeen maxaabiis loo heystay arrimo siyaasadeed haba ugu badnaadeen dadka iyagu taageera Ururrada mucaaradka Itoobiya sida ONLF.