3/29/2024
Today from Hiiraan Online:  _
Wararka Maanta- Sabti, Sept 22, 2018
Prof Yaxye Sheekh Caamir oo ka badbaaday qarax la doonayay lagu dilo

 

Sabti, September, 22, 2018 (HOL) –Warar dheeraad ah iyo faah faahin ayaa ka soo baxaya qarax lagu soo xiray gaari oo galabta ka dhacay Isgoyska dabka ee magaalada Muqdisho.

Gaariga qaraxa lagu soo xiray ayaa la sheegay in uu lahaa Prof Yaxye Sheekh Caamir Ibraahim oo laakiin aan la socon xiligaa gaariga, hasse ahatee waxaa la sheegay in uu ka nafwaayay nin ay walaalo ahaayeen oo lagu magacaabi jiray Cumar Caamir.

Prof Yaxye ayaa yiri’’Waxaa qaraxa lagu xirey baabuurkeygii weliba kursigii aan fadhiyay marka uu gaarigu qarxayna waa uu ii soo socday waxaana waday walaalkey oo halkii uu igu dejiyay iigu imanayay.”

Lama oga sababta loo bartilmaameedsaday gaariga Prof Yaxye oo ah aqoonyahan bartay cilmiga dhaqaalaha, islamarkaana ah macalin ka shaqeeyay qaar ka mid ah Jaamacadaha Muqdisho.

Muqdisho ayaa u muuqata mid wajaheysa amaan darro waxaana maalmihi ugu danbeeyay dhacayay falal dilal iyo qaraxyo isugu jira.

C/raxmaan Diini, Hiiraan Online
[email protected]













Click here
9/22/2018 4:46 PM EST
Sabti, September, 22, 2018 (HOL)–Madaxweynaha dowlad gobolleedka Hirshabeelle Maxmed Cabdi Waare ayaa xilka guddoomiyaha maamulka gobolka Hiiraan u magacaabay Yuusuf Axmed Hagar [ Yuusuf Daba-geed]

9/22/2018 10:28 AM EST
Sabti, September, 22, 2018 (HOL) –Qaraxan oo ahaa mid lagu soo xiray gaari ayaa daqiiqado ka hor ka dhacay Isgoyska dabka ee magaalada Muqdisho sida ay goob-joogayaal u sheegeen Hiiraan Online,

9/22/2018 9:56 AM EST
Sabti, September, 22, 2018 (HOL) -Ra’iisul Wasaaraha Soomaaliya Xasan Cali Kheyre ayaa xafiiskiisa ku qaabilay safiirka Jabuuti u fadhiya Soomaaliya Amb. Aadan Xasan Aadan oo dalka dib ugu soo laabtay, tan iyo horaantii bishii August oo uu dalka ka maqnaa.

9/22/2018 8:29 AM EST
Sabti, September, 22, 2018 (HOL)- Taliska Booliiska Soomaaliyeed ayaa sheegay in tiro dad ah oo la tuhusan yahay loo qab qabtay dilka wiil yar oo shan sano jir ahaa, kaa oo meydkiisa laga helay magaalada Muqdisho.

9/22/2018 7:57 AM EST
Sabti, September, 22, 2018 (HOL)- Somaliland waxa muran ka dhex abuuray xeerka kufsiga oo golaha Wakiiladu ansixiyeen, madaxweynuhuna dhaqangaliyey, taas oo keentay in qaybaha kala duwan ee bulshadda si weyn uga qayliyaan.

9/22/2018 6:49 AM EST
Sabti, September, 22, 2018 (HOL)-Maxkamada ciidamada qalabka sida ay dil toogasho ku riday Mahad Xusseen Siidoow oo ka tirsanaa ciidamada Booliiska Soomaaliyeed oo horaantii bishan toogasho ku dilay gudaha magaalada Beledweyne marxuum Yaasiin Cali Saney oo ahaa darawal Mooto Bajaaj.

9/22/2018 4:41 AM EST
Sabti, September, 22, 2018 (HOL)–Inta badan shaqaalaha Dawlad Deegaanka Soomaalida ayaan wax mushahaar ah ma qaadanin labadii bilood ee la soo dhaafay, sida ay BBC-da u xaqjiyeen mas'uul sare oo ka tirsan wasaaradda maaliyadda iyo shaqaale aan mushaar qaadaninba.

9/22/2018 1:24 AM EST
Sabti, September, 22, 2018 (HOL) – Ra'iisul wasaare kuxigeenka Soomaaliya, Mahdi Maxamed Guuleed (Khadar) wuxuu markii ugu horreeysay sheegay dowladda Federaalka inay qorsheysay kulan fool ka fool ah oo ay yeeshaan madaxweyne Farmaajo iyo madaxweynaha Soomaaliland Muuse Biixi.

9/22/2018 12:25 AM EST
Sabti, September, 22, 2018 (HOL) – Wasiirka arrimaha dibadda iyo Iskaashiga Caalamiga ee Soomaaliya,Axmed Ciise Cawad ayaa u ambabaxay magaalada New York,isaga oo hoggaaminaya wafdiga Soomaaliya ee ka qeybgalaya fadhiga guud ee Jimciyadda Qurumaha ka dhexeysa.

9/22/2018 12:17 AM EST
Sabti, September, 22, 2018 (HOL)–Dowladda Soomaaliya oo war ka soo saartay dhacdadii ay dadka badan ku dhinteen ee dalka Tanzania, ayaa ka tacsiyeeysay dhimashada Doontii degtay.