3/28/2024
Today from Hiiraan Online:  _
Wararka Maanta- Khamiis, Sept 20, 2018
Xisbiga Daldhis oo Xarun ka furtay magaalada Beledweyne


Khamiis, September. 20, 2018 (HOL)- Munaasabad ay ka qeybgaleen maamulka degmada Beledweyne iyo qeybaha kala duwan ee bulshada ayaa lagu daah –Furay xarun uu yeelanayo Xisbiga Daldhis.

Guddoomiyaha ku-meel-gaar ah ee Xisbiga Cabdiraxmaan Xusseen Cadow oo ka hadlay munaasabada ayaa sheegay in xisbigan lagu wado dhawaan in uu ka mid noqdo asxaabta dalka ee diiwaan-gashay, isaga oo intaa ku daray in Soomaaliya hadda u socto in laga guurayo nidaamka ku saleysan Qabiilka, laguna tartamo doono asxaab iyo aragti siyaasadeed.

‘’Dunida hormartay ee casriga ah waxa kaliya aan uga daba-tagi karno ayaa ah in aynu ku midoowno aragti siyaasadeed annaga oo meel iska dhigeyna Qabiilka ama waxa loogu yeero 4.5 ka oo muddo dheer soo daashaday dalka iyo dadka Soomaaliyeed intaba’’ ayuu yiri Cabdiraxmaan Xusseen Cadoow.

Guddoomiyaha ayaa sheegay in xisbigu u furan yahay dhamaan bulshada Soomaalida oo looga baahan yahay ayuu yiri in ay ku soo biiriyaa wixii tallo iyo tusaalle ah oo ay u arkaan in lagu hormarin karo siyaasada xisbiga ee ku wajahan mustaqbalka Soomaaliya.

Dhamaan dadkii ka qeybgalay ayaa boggaadiyay furitaanka xarunta cusub ee Daldhis iyaga oo sheegay in uu noqonaya xisbiggii ugu horeeyay ee xarun ka furto gobolka Hiiraan, gaar ahaan magaalada Beledweyne.

Soomaaliya ayaa u soctaa sanadka 2020-2021 in dadku soo doortaan madaxda hoggaamin doonta dowladda tan xigta, waxaa jira xisbiyo mar hore la diiwaa-galiyay oo loo aqoosaday in ay yihiin asxaab rasmi ah oo Qaran. 

C/raxmaan Diini, Hiiraan Online
[email protected]













Click here
9/20/2018 3:57 PM EST
Khamiis, September. 20, 2018 (HOL) –Waa dhacdo naxdin leh oo dhinaca kale ku tuseysa heerka uu gaarsisan yahay arinka ku saabsan heyb sooca iyo in qofka lagu faquuqo Qabiilka uu ka soo jeedo Soomaalida dhaxdeeda.

9/20/2018 1:03 PM EST
Khamiis, September. 20, 2018 (HOL) - Golaha Wasiirrada Soomaaliya ayaa kulankoodii maanta ay ku yeesheen Muqdisho waxaa ay ku oggolaadeen in dawladda Soomaaliya ay qayb ka noqoto axdiga qaramada midoobay ee xuquuqda dadka naafada ah kaas oo golaha ay u soo gudbisay wasaaradda haweenka iyo horumarinta xuquuqul Insaanka.

9/20/2018 11:26 AM EST
Khamiis, September. 20, 2018 (HOL)-Shirkii golaha wasiiradda Somaliland ayaa laga soo saaray qodobo ku saabsan safarka uu madaxweynaha Maamulka Puntland ku yimid magaaladda Badhan iyo xeerar cusub oo golaha wasiiradu ansixiyeen.

9/20/2018 9:31 AM EST
Khamiis, September. 20, 2018 (HOL)- Saacadihii ugu danbeeyay baraha bulshada ay kuwada xiriiraan waxaa siweyn u qabsaday muuqaalo ku saabsan weerar iyo bur burin ba’an oo ay dadka ku hayaan Tarmuuska Shaaha lagu shubto, kaddib markii ay soo baxeen warar sheegaya in uu ku dhax jiro kaniin la sheegay in laga qaadayo cudurka Kansarka.

9/20/2018 3:31 AM EST
Khamiis, September. 20, 2018 (HOL)-Ururka Al-shabaab ayaa warbaahinta u soo bandhiggay sawirro iyo muuqaalo ka tarjumaya khasaaraha rayidka ka soo gaaray duqeyn diyaarado habeen hore ka geysteen degmada Saakoow ee gobolka Jubbada dhexe.

9/20/2018 3:22 AM EST
Khamiis , September, 20, 2018 (HOL) –Golaha wasiirrada Puntland ayaa markii ugu horreeysay ku shiraya magaalada Badhan ee xarunta gobolka Sanaag.

9/20/2018 3:14 AM EST
Khamiis, September. 20, 2018 (HOL)-Guddiga loo saaray diyaarinta doorashada guddoomiyaha baarlamaanka dowlad gobolleedka Galmudug ayaa shaaciyay waqtiga la qabanayo doorashada guddoomiyaha.

9/20/2018 1:15 AM EST
Khamiis, September. 20, 2018 (HOL) - Wasiir ka tirsan dowladda Soomaaliya ayaa sheegay in aysan jirin sabab Soomaaliya ka hor istaagi karta in ay ciidamo ku biiriso howlgalka nabad ilaalinta Koonfurta Sudan, kaddib markii uu dhawaan Urur gobolleedka IGAD ka codsaday dowladda Soomaaliya ay ka mid tahay in ay ciidamo u diraan dalka South Sudan.

9/20/2018 12:57 AM EST
Mareykanka ayaa sheegaya in uu diyaar u yahay in si deg deg ah uu dib ugu billaabo wada xaajoodyada uu la lahaa dalka Kuuriyada Waqooyi.

9/20/2018 12:29 AM EST
Khamiis , September, 20, 2018 (HOL) –Ciidan ka wada tirsan dowlad-gobolleedka Galmudug ayaa ku dagaallamay duleedka magaalada Cadaado, habeenkii Arbacada, sida ay xaqiijiyeen saraakiisha.