Ra'iisal wasaare ku-xigeenka Soomaaliya oo Addis Ababa uga qeybgalaya shir madaxeedka Africa
Sabti, November, 17, 2018 (HOL)-Hogaamiyeyaasha wadamada Qaaradda Afrika ayaa shir muhiim ah uga furmaya magaalada Addis Ababa ee xarunta dalka Itoobiya, waxaana Soomaaliya uga qeybgalaya wafdi ka socda dowladda Soomaaliya.
Mahdi Maxamed Guuleed Ra’iisul wasaare kuxigeenka Xukuumadda Soomaaliya iyo wafdi uu hoggaaminayo oo shalay gaaray dalka Itoobiya ayaa Soomaaliya ku matalaya shirka madaxda Afrika ay ku leeyihiin halkaas.
Ajandayaasha diiradda lagu saarayo shirkani waxaa kamid ah isbedel iyo dib u habayn lagu sameeyo Ururka, si loo horumariyo howlaha horyaala, sidoo kalena waxaa laga hadlaya arrimaah amniga, siyaasadda iyo dhaqalaha Ururka Midowga Africa.
Dalka Masar ayaa la filayaa in dhawaam uu qabto hoggaanka Ururka, waxaana haatan haaya madaxweynaha Ruwanda Paul Kagame, kaasi oo gadaal ka riixaya isbedelo in la sameeyo.
Madaxweynayaasha wadamada Afrika qaarkood ayaa imaanaya, halka kuwa kalena ay soo dirsanayaan wasiiradood arrimaha dibadda.
Wadamada madaxweynayaashooda imaanaya waxaa kamid ah South Africa,
Zimbabwe, Botswana, Comoros, Togo and Ghana iyo kuwo kale,halka Nigeria
iyo Mozambique ay kamid yihiin wadamada Wasiiradooda arriamaha dibadda u
matali doona shirkaasi.
C/raxmaan Diini, Hiiraan
Online
[email protected]