Ururka Daacish oo u digay Shabaabka ka dagaalama Soomaaliya
Sabti, November, 17, 2018 (HOL) – Ururka Al-shabaab ayaa markii ugu horeysay looga digay
in marnaba wax is hortaag ah ku sameyn xoogagga ku abtirsada Daacish ee
howlgalada ka wada gudaha dalka Soomaaliya.
Wargeyska Todobaadlaha ah ee ku hadla afka
Daacishta ka dagaalanta Syria oo lagu magacaabo Al-Naba ayaa waxaa lagu soo
daabacay in hogaamiyayaasha sar sare ee Daacish ay Shabaabka ka dagaalama
Soomaaliya kaga digayaan in wax is hor istaag ah aysan ku sameyn howlagalada ay
Soomaaliya ka wadaan Daacish.
Afayaeen u hadley Daacish oo ay soo xigteen
wargeyskaasi ayaa waxa uu sheegay in ay fahansanyihiiin in Shabaabka ka
dagaalama Soomaaliya aysan ku faraxsaneyn dhaq dhaqaaqyada ay Daacish ka wadaan
Soomaaliya balse ay qaadi doonaan tilaabo waliba oo ay isaga difaacayaan dagaal
ay ku soo qaadaan.
Waxaa kale oo uu sheegay in Shabaab ay weeeraro ay ku qaarijiyeen Saraakiil
sar sare oo Sooomaaliya wakiil ugu ahaa Hogaamiyaha Daacish Abu Bakar Al
Baqdaadi ay ksuoo qaadeen balse sida uu sheegay iminka la joogo xiligii ay
Daacish ka aargudsan laheyd.
Maalmihii ugu danbeeyay qeybo ka mid ah dalka Soomaaliya waxaa ka dhacay
iska horimaadyo dhaxmaray gudaha xoogagga Al-shabaab oo qaarkood lagu eedeeyay
in ay xiriir dhaw la leeyihiin Ururka Daacish oo hadda u muuqda mid
dhaqdhaqaaqiisu ku soo xoogeysanayo gudaha dalka Soomaaliya.
Ururka Daacish ayaa sidoo kale marar badan oo hore sheegtay in ay iyagu ka
danbeeyaan dilal ka dhacay magaalada Muqdisho iyo qeybo kale oo dalka ka mid
ah.
Wax ay u muuqataa in Urur diimeedyada dagaalama ee geeska Afrika ay iyagu is
qoomayaan taasi ayaana Dowladda dhexe ee Soomaalia u ah fursad balaaran oo ay
ku kala dhantaali karto mar hadii iyagu dhexdooda uu dagaallo ka bilaawday.
C/raxmaan Diini, Hiiraan
Online
[email protected]
