3/29/2024
Today from Hiiraan Online:  _
Wararka Maanta- Jimco, Nov 16, 2018
Itoobiya oo xabsiga dhigtay Col Gabre oo ahaa sarkaal siweyn looga yaqaanay Soomaaliya

 

Jimco, November, 16, 2018 (HOL) – Dowladda Itoobiya ayaa xabsiga dhigtay Colonel Gebregziabher Alemseged laakiin Soomaalidu u taqaanno Col Gabre isaga oo loo heysto danbiyo kala duwan

Gabre ayaa ku eedeysay danbiyo kala duwan oo ay ka mid yihiin xad gudub xuquuqda aadanaha ee gobolka ay Soomalidu degto ee dalka Ethiopia iyo in uu ku lug lahaa banaanbaxyadii rabshadaha watay ee dadka badan ku dhinteen ee ka dhacay magaalada Jigjiga.

Gabre oo hore u ahaa taliyihii ciidamada Itoobiya ee dalka Soomaaliya kadibna noqday lataliyaha dhinaca siyaasada ee urur goboleedka IGAD balse laga ceyriyay bishi June ee sanadkan.

Dowladda Itoobiya ayaa maalmihii ugu danbeeyayba ku howlaneyd dab-galka iyo xariga saraakiil hore oo ka tirsanaa laamaha kala duwan ee Amniga kuwaa oo ku eedeysan fal danbiyeey-do kala gadisan, musuqmaasuq iyo waliba hurinta dagaallo dad badan ku dhinteen.

Col Gabre ayaa siweyn looga yaqaanaa gudaha dalka Soomaaliya isaga oo waqtiggiisa ugu badan ku qaatay magaalada Muqdisho siyaabo kala duwanna ula soo shaqeeyay dowladdihii dalka isaga danbeeyay.

C/raxmaan Diini, Hiiraan Online
[email protected]













Click here
11/16/2018 8:35 AM EST
Jimco, November, 16, 2018 (HOL)–Waddamada Soomaaliya, Liibiya iyo Afqaanistaan ayaa noqday meelaha ugu halista badan caalamka, sida lagu sheegay daraasad cusub oo khariidad loogu sameynayay dadka dunida u socdaala.

11/16/2018 6:58 AM EST
Jimco, November, 16, 2018 (HOL) – Wasiirka Arrimaha Dibadda iyo Iskaashiga Caalamiga ee Soomaaliya, Danjire Axmed Ciise Cawad ayaa la kulmay Wasiirka Arrimaha Dibadda Kenya Marwo Danjirad Monica Juma, kulan doceed dhinac socda Shirka gaarka ah ee 20aad ee Golaha Fulinta ee Midowga Afrika oo ka furmay Addis Ababa.

11/16/2018 4:37 AM EST
Jimco, November, 16, 2018 (HOL) – Taliyaha ciidamada Booliiska Soomaaliyeed Bashiir Cabdi Maxamed oo la hadlay Warbaahinta Dowladda ayaa sheegay la xiray Shan Askari oo kaamid ah Ciidanka Booliska Soomaaliya kuwaas oo magacyo kala duwan oo aysan laheyn Mushaar ku qaadanayey.

11/16/2018 4:16 AM EST
Jimco, November, 16, 2018 (HOL) – Wasiirro arrimo dibaddeedka ku jiray Urur gobolleedka IGAD ayaa lagu wadaa in maanta uu shir uga furmo magaalada Addis Ababa ee dalka Itoobiya, iyadoo kulanka looga wada hadli doono heshiiska dowladda iyo Mucaaradka Koonfur Sudan iyo xaalada Soomaaliya.

11/16/2018 12:31 AM EST
Jimco, November, 16, 2018 (HOL) – Yoshitaka Sakurada oo ah Wasiirka Amniga kombiyuutarrada dalka Japan ayaa ka yaabsaday dalkiisa iyo guud ahaanba caalamka kaddib markii uu qirtay in uusan waliggii-ba isticmaalin Kombiyuutar .

11/16/2018 12:20 AM EST
Jimco, November, 16, 2018 (HOL) –Iyadoo dhawaan la filayo in ay dhacdo doorashada madaxweynaha maamulka Koonfur Galbeed dhinaca kalana uu meesha ka baxay madaxweynihii maamulka Shariif Xassan Sheekh Aadan , ayaa la faray golaha Wasiirrada maamulka in ay ilaaliyaan hantida umadda.