3/28/2024
Today from Hiiraan Online:  _
Wararka Maanta- Axad, Mar 18, 2018
Taliyeyaasha Ciidamadda kala duwan ee Somaliland oo u dhoofay Imaaraadka Carabta

 

Axad, Maarso, 18, 2018 (HOL) - Taliyeyaasha ciidamada Somaliland ayaa qayb ka noqday weftiga uu hogaaminayo madaxweynaha Somaliland Muuse Biixi oo u dhoofay dalka Imaaraadka Carabta.

Taliyeyaasha ciidamada oo kala ah taliyaha ciidanka Militariga, taliyaha ciidanka Booliska, Taliyaha ilaalada Xeebaha iyo Taliyaha ciidanka Asluubta, waxa ku weheliya xubno wasiiro ah oo kala ah wasiirka xanaanada xoolaha iyo Kaluumaysiga, wasiirka Isgaadhsiinta iyo Gudoomiyaha Baanka dhexe, kuwaas oo la kulmi doono madaxda dalka Imaaraadka Carabta, waxaanay wada diyaarin doonaan waxyaabihii uu madaxweynuhu ka dalbaday Imaaraadka inuu u qabto Somaliland.

Weftigan cusub ee ka daba tagay weftigii hore ee madaxweynaha ayaan warbaahinta aan ka hadal, haseyeeshee madaxweyne Muuse Biixi oo jaaliyadda Imaaaraadka Carabta degan kulan la yeeshay ayaa u sheegay in weftigan iminaya ay ku jiraan taliyeyaasha ciidamada kala duwan, kuwaas oo fulin doonaa waxyaalihii ay isku soo afgarteen madaxda sare ee Imaaraadka.

Madaxweyne Biixi ayaa sheegay in waxyaalihi uu Imaaraadka kala hadlay ay wada qorsheyn doonaan hay’adihii khuseeyey, waxa kale oo uu sheegay inuu Imaaraadka kala hadlay sidii ay ug caawin lahaayeen in Sucuudigu uu dib u furi lahaa xoolaha nool ee ay joojiyeen iyo in Baasapoorka Somaliland lagu iman karo Imaaraadka.

Sidoo kale, waxa uu madaxweynuhu sheegay in shirkadda DP World kala hadleen in dekada ay libin laabaan intii hore ugu talogaleen inay ku kordhiyaan iyo in wadadda Berbera iyo Itoobiya udhexeysa loo dhisi lahaa si isku socodku u fududaado.

Si kastaba ha ahaatee, waxa uu madaxweynuhu sheegay in waxyaalo badan oo ay kala hadleen Imaaradka Carabta ay dhamaantood la qaateen, isla markaana uu dhowaan la wada fulin doonno qodobadii ay ka wada hadleen.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
3/18/2018 4:35 PM EST
Axad, Maarso, 18, 2018 (HOL)-Tababar soconaya muddo labo maalmood ah oo loogu talagalay in aqoonta suxfiyiinta Soomaaliyeed kor loogu qaado ayaa shalay ka furmay magaalada Muqdisho.

3/18/2018 10:09 AM EST
Axad, Maarso, 18, 2018 (HOL)-Guddoomiyaha Baarlamaanka Soomaaliya Prof Maxamed Cismaan Jawaari oo shir jaraa'id ku qabtay magaaalada Muqdisho ayaa sheegay in uu aqbaley mooshinka laga keenay, isaga oo dalbaday in muddo 10 cisho ah lagu codeeyo.

3/18/2018 9:50 AM EST
Axad, Maarso, 18, 2018 (HOL)–Kulankan oo ka dhacay magaalada Mandheera ee gobolka Waqooyi Bari Kenya ayaa waxaa uu u dhexeeyay wafdi uu horkacayay gudoomiyaha gobolka Gedo, oo ka koobnaa taliyaha nabadsugidda gobolkaasi, masuuliyiinta maamullada degmooyinka Doolow, Baladxaawo iyo Luuq iyo masuuliyiinta maamulka Mandheera oo uu horkacayay gudoomiyaha Mandheera.

3/18/2018 7:25 AM EST
Axad, Maarso, 18, 2018 (HOL)- Waxaa maanta magalada Muqdisho Aas loogu sameeyay Alle ha u naxariisteen Nabadoon Axmed Cabdulle Jimcaale oo maalintii shalay Rag hubeysan ay ku dileen meel aan ka fogeyn hoygiisa degmada Hodan ee magaalada Muqdisho.

3/18/2018 5:23 AM EST
Axad, Maarso, 18, 2018 (HOL)-Madaxweynaha Somaliland Muuse Biixi Cabdi oo ku sugan dalka Iskutaga Imaaraadka Carabta ayaa ku eedeeyay dowladda Qatar in ay ka soo horjeedo heshiiska dhaxmaray shirkadda DP World iyo Somaliland.

3/18/2018 2:32 AM EST
Axad, Maarso, 18, 2018 (HOL)-Ciidamo ka tirsan howlgalka midowga Africa AMISOM ayaa maalintii shalay la wareegay AMISOM ayaa waxba kama jiraan ku tilmaantay wararka sheegaya in ay ciidamadooda kala wareegeen kuwa dowladda federaalka ah Amaanka Xarunta Golaha Shacabka.

3/18/2018 2:19 AM EST
Axad, Maarso, 18, 2018 (HOL)-Wasaaradda Gaashaandhiga xukuumadda Soomaaliya ayaa ku dhawaaqday dagaal ka dhan ah Ururka Al-shabaab iyo weerar lagu qaadayo deegaannada ay uga sugan yihiin qeybaha kala duwan ee dalka.

3/18/2018 2:03 AM EST
Axad, Maarso, 18, 2018 (HOL)–Feysal Cabdullaahi Cumar oo ah 17 sano jir wax ka dhigta dugsiga sare oo ku yaala magaalada Jowhar ayaa ka cabanaya xil ay u magacaawday Wasaaradda arrimaha gudaha ee maamulka Hirshabeelle.

3/18/2018 1:44 AM EST
Axad, Maarso, 18, 2018 (HOL) – Ra’iisul wasaaraha Soomaaliya Xassan Cali Kheyre oo ay wehliyeen Saraakiil ka tirsan ciidanka Booliska ayaa xalay kormeer ku tagay Saldhigyada Booliska degmooyinka H/wadaag, Hodan iyo Dayniile, isagoo u kuur galayay sida ay u socoto howlaha sugida ciidamada.

3/18/2018 1:40 AM EST
Axad, Maarso, 18, 2018 (HOL)–Saraakiil ka tirsan ilaaladaxeebaha ee dalka Giriigga ugu yaraan 16 qof oo muhaajiriin ah oo ay ku jiraan Lix caruur ah ayaa dhintay kadib markii dooni ay saarnaayeen ay ku qarqantay badda u dhaxeeysa Turkiga iyo Greek-gga.

3/18/2018 1:32 AM EST
Axad, Maarso, 18, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa dib u dhigay safar uu maanta ugu anbabixi lahaa dalka Qatar sida ay inoo sheegeen xubno siweyn ugu dhaw dhaw xafiiska madaxweynaha.