3/29/2024
Today from Hiiraan Online:  _
Wararka Maanta- Axad, Mar 18, 2018
17 sano jir ku nool degmada Jowhar oo ka cabanaya xil loo magacaabay

 

Axad, Maarso, 18, 2018 (HOL) – Feysal Cabdullaahi Cumar oo ah 17 sano jir wax ka dhigta dugsiga sare oo ku yaala magaalada Jowhar ayaa ka cabanaya xil ay u magacaawday Wasaaradda arrimaha gudaha ee maamulka Hirshabeelle.

Wiilkan oo xiriir la soo saameeyay Idaacada Kulmiye ee fadhiggeedu yahay magaalada Muqdisho ayaa sheegay in loo magacaabey guddoomiye ku-xigeenka arrimaha bulshada ee degmada Gamboole, isaga oo magacaabistaa ku tilmaamay mid uu aad ula yaabay oo lagu deg degey.

‘’Waxaa dhigtaa fasalka Afaraad ee dugsiga, aad ayaan ula yaabay markii aan arkey Warqadan leygu magacaabey, Anniga xilkaa ma qaban karo, waayo wada og-tahay xaalada dalka, caqabad weyn ayeey arintaan nolasheyda ku noqon kartaa iyo aan bulshada dhax-galo, sidaa daraadeed Wasaaradda arrimaha gudaha Hirshabeelle waxaan ku wargaliyay in aan xilkaa qaban karin’’ ayuu yiri Feysan Cabdullaahi Cumar.

Wuxuu sheegay in markii hore qoyska uu ka soo jeedo gaar ahaan Aabihii lagu wargaliyay in Wiilkiisa uu ka qeybgalayo Siminaar, laakiin inta aan siminaarka la gaarin ay ka soo hor martay Warqadan leygu magacaabey ayuu yiri Feysal Cabdullaahi Cumar.

''Wadatashi kaddib waxaa go'aansaday in aan xilkaa iska casilo, warqada is casilaadeydana waan u gudbiyay Wasaaradda'' ayuu yiri Feysal.

Ilaa iyo hadda ma jiro wax war ah oo ka soo baxay dhinaca Wasaaaradda arrimaha gudaha Hirshabeelle oo la xiriira cabashada Wiilkan 17 sano jirka ah ee ka cabanaya xilka loo magacaabay isaga oo aan lagu soo wargalin.

C/raxmaan Diini, Hiiraan Online
[email protected]













Click here
3/18/2018 4:35 PM EST
Axad, Maarso, 18, 2018 (HOL)-Tababar soconaya muddo labo maalmood ah oo loogu talagalay in aqoonta suxfiyiinta Soomaaliyeed kor loogu qaado ayaa shalay ka furmay magaalada Muqdisho.

3/18/2018 10:09 AM EST
Axad, Maarso, 18, 2018 (HOL)-Guddoomiyaha Baarlamaanka Soomaaliya Prof Maxamed Cismaan Jawaari oo shir jaraa'id ku qabtay magaaalada Muqdisho ayaa sheegay in uu aqbaley mooshinka laga keenay, isaga oo dalbaday in muddo 10 cisho ah lagu codeeyo.

3/18/2018 9:50 AM EST
Axad, Maarso, 18, 2018 (HOL)–Kulankan oo ka dhacay magaalada Mandheera ee gobolka Waqooyi Bari Kenya ayaa waxaa uu u dhexeeyay wafdi uu horkacayay gudoomiyaha gobolka Gedo, oo ka koobnaa taliyaha nabadsugidda gobolkaasi, masuuliyiinta maamullada degmooyinka Doolow, Baladxaawo iyo Luuq iyo masuuliyiinta maamulka Mandheera oo uu horkacayay gudoomiyaha Mandheera.

3/18/2018 7:25 AM EST
Axad, Maarso, 18, 2018 (HOL)- Waxaa maanta magalada Muqdisho Aas loogu sameeyay Alle ha u naxariisteen Nabadoon Axmed Cabdulle Jimcaale oo maalintii shalay Rag hubeysan ay ku dileen meel aan ka fogeyn hoygiisa degmada Hodan ee magaalada Muqdisho.

3/18/2018 5:23 AM EST
Axad, Maarso, 18, 2018 (HOL)-Madaxweynaha Somaliland Muuse Biixi Cabdi oo ku sugan dalka Iskutaga Imaaraadka Carabta ayaa ku eedeeyay dowladda Qatar in ay ka soo horjeedo heshiiska dhaxmaray shirkadda DP World iyo Somaliland.

3/18/2018 2:47 AM EST
Axad, Maarso, 18, 2018 (HOL)-Taliyeyaasha ciidamada Somaliland ayaa qayb ka noqday weftiga uu hogaaminayo madaxweynaha Somaliland Muuse Biixi oo u dhoofay dalka Imaaraadka Carabta.

3/18/2018 2:32 AM EST
Axad, Maarso, 18, 2018 (HOL)-Ciidamo ka tirsan howlgalka midowga Africa AMISOM ayaa maalintii shalay la wareegay AMISOM ayaa waxba kama jiraan ku tilmaantay wararka sheegaya in ay ciidamadooda kala wareegeen kuwa dowladda federaalka ah Amaanka Xarunta Golaha Shacabka.

3/18/2018 2:19 AM EST
Axad, Maarso, 18, 2018 (HOL)-Wasaaradda Gaashaandhiga xukuumadda Soomaaliya ayaa ku dhawaaqday dagaal ka dhan ah Ururka Al-shabaab iyo weerar lagu qaadayo deegaannada ay uga sugan yihiin qeybaha kala duwan ee dalka.

3/18/2018 1:44 AM EST
Axad, Maarso, 18, 2018 (HOL) – Ra’iisul wasaaraha Soomaaliya Xassan Cali Kheyre oo ay wehliyeen Saraakiil ka tirsan ciidanka Booliska ayaa xalay kormeer ku tagay Saldhigyada Booliska degmooyinka H/wadaag, Hodan iyo Dayniile, isagoo u kuur galayay sida ay u socoto howlaha sugida ciidamada.

3/18/2018 1:40 AM EST
Axad, Maarso, 18, 2018 (HOL)–Saraakiil ka tirsan ilaaladaxeebaha ee dalka Giriigga ugu yaraan 16 qof oo muhaajiriin ah oo ay ku jiraan Lix caruur ah ayaa dhintay kadib markii dooni ay saarnaayeen ay ku qarqantay badda u dhaxeeysa Turkiga iyo Greek-gga.

3/18/2018 1:32 AM EST
Axad, Maarso, 18, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa dib u dhigay safar uu maanta ugu anbabixi lahaa dalka Qatar sida ay inoo sheegeen xubno siweyn ugu dhaw dhaw xafiiska madaxweynaha.