3/29/2024
Today from Hiiraan Online:  _
Wararka Maanta- Arbaco, Mar 14, 2018
Xildhibaanno iska soo horjeeda oo kulamo ku leh magaalada Muqdisho

 

Arbaco, Maarso, 14, 2018 (HOL) – Waxaa sii xoogeysanaya khilaafka ka dhashay mooshin xildhibaanno ka tirsan baarlamaanka Soomaaliya ka gudbiyeen guddoomiyaha Golaha Shacabka Prof Maxamed Cismaan Jawaari.

Saacadihii ugu danbeeyay magaalada Muqdisho waxaa ka soconayay kulamo iska soo horjeeda oo ay leeyihiin xildhibaanno ka tirsan baarlamaanka, kuwaa oo qaarkood taageersan mooshinka, halka kuwa kalana ay ka soo horjeedaan, kuna eedeynayaan xafiiska ra’iisal wasaaraha in laga soo abaabulay mooshinka laga gudbiyay guddoomiyaha Golaha Shacabka.

Ma’aha markii ugu horeysay oo xildhibaanno ka tirsan baarlamaanka Soomaaliya sidan oo kale mooshin ka keenaan guddoomiye Jawaari, hasse ahaatee abaabul xoogan oo xalay dhacay ayaa keenay in subaxnimadii hore ee saakay ku waabariistaan xildhibaannada arintan, waxaana lagu waramayaa in xilldhibaannadan saxiixay ka badan yihiin 100 mudane.

Warar xog ogaal ah oo soo baxaya ayaa sheegaya in dhinaca kale xildhibaannada taageersan Prof Jawaari wadaan abaabulka mooshin ka dhan ah ra’iisal wasaaraha Soomaaliya Xassan Cali Kheyre, laakiin lama oga sida uu sharci ku noqon karo mooshinkan danbe, madaama sharcigu dhigayo in aan mooshin yeela golaha baarlamaanka aan laga dul keeni Karin mid kale.

Dad badan ayaa is weydiinaya waxaa soo dadajiyay go’aanka xildhibaannada ee kalsooni kala noqoshada guddoomiyaha baarlamaanka, iyadoo dad badani u fasirayaan in aysan ka marneyn arrimo siyaasadeed oo ay ku lug leeyihiin dhinacyo kale oo ka baxsan baarlamaanka.

Saacadaha soo socda ayaa laga war –sugayaan go’aanka uu arintan ka qaato guddoomiyaha baarlamaanka Soomaaliya Prof Jawaari uu kulamo kala duwan la yeeshay xildhibaannada isaga taageersan.

Mooshinka ayaa imanaya Afar cisho uun kaddib markii uu madaxweynaha dowladda Soomaaliya Maxamed Cabdullaahi Farmaajo si rasmi ah u furay Kalfadhigga Saddexaad ee Gollaha Shacabka.

In xilka laga qaado guddoomiyaha baarlamaanka ayaa u baahan saddex-meelood laba, aqalka hoose ee baarlamaanka oo ka kooban 275 xubin.

C/raxmaan Diini, Hiiraan Online
[email protected]













Click here
3/14/2018 12:30 PM EST
Arbaco, Maarso, 14, 2018 (HOL) –Guddoomiyaha baarlamaanka Soomaaliya Prof Maxamed Cismaan Jawaari oo ka hadlay mooshin ay ka soo gudbiyeen xildhibaannada baarlamaanka Soomaaliya, ayaa ku baaqay in la ilaaliyo midnimada baarlamaanka, isaga oo dhinaca kalana sheegay in Mooshinkii laga keenay uu buray.

3/14/2018 12:11 PM EST
Arbaco, Maarso, 14, 2018 (HOL) –Xoghayaha guud ee Golaha Shacabka Cabdikariin Xaaji Buux ayaa sheegay in mooshinkii laga keenay guddoomiyaha baarlamaanka Soomaaliya Prof Maxamed Cismaan Jawaari uu ku buray dhinaca sharciga, madaama xildhibaannadu buuxin waayeen tiradii loo baahna.

3/14/2018 9:52 AM EST
Arbaco, Maarso, 14, 2018 (HOL) –Xildhibaannada Aqalka sare ayaa lagu waramayaa in ugu danbeyntii ay kula tageen kulan muddo dheer qaatey oo looga dooddayay go’aanka Aqalka sare uu ka qaadanayo Xeerkii maalin ka hor xildhibaannada Golaha shacabka isku raaceen ee ka dhanka ahaa shirkadda DP World.

3/14/2018 9:30 AM EST
Arbaco, Maarso, 14, 2018 (HOL)–Bishii August ee sanadkii hore ee 2017, ayeey aheyd markii weerar bambaano loo geystay Masjid ku yaalla gobolka Minnisota oo lagu magacaabo Daarul Faaruuq.

3/14/2018 4:49 AM EST
Arbaco, Maarso, 14, 2018 (HOL) - Iyadoo uu soconayo olole xoog leh oo ka dhan ah guddoomiyaha baarlamaanka Soomaaliya Prof Maxamed Cismaan Jawaari oo ay mooshin ka gudbiyeen tiro ka badan 100 xildhibaan, ayaa dhinaca kale saacadaha soo socda la filayaa in kulan deg deg ah ku yeeshaan xarunta Villa Hargeysa guddiyada joogtada ah ee baarlamaanka.,

3/14/2018 4:30 AM EST
Arbaco, Maarso, 14, 2018 (HOL)-Magaalada Muqdisho waxaa goor dhaw oo maanta soo gaaray qeybtii saddexaad maxaabiis laga keenay dalka, kuwaa oo soo deyntooda dadaal dheeraad ah u ku bixisay dowladda Soomaaliya.

3/14/2018 2:09 AM EST
Arbaco, Maarso, 14, 2018 (HOL)-Danjiraha midowga Africa ee Soomaaliya Francisco Madeira ayaa maamul goboleedyada Soomaaliya ugu Baaqay in ay kordhiyaan Dagaalka ka dhan ka ah Al-shabaab.

3/14/2018 1:53 AM EST
Arbaco, Maarso, 14, 2018 (HOL)-Wasiirka Wasaaradda Waxbarashada Soomaaliya Cabdiraxmaan Daahir Cismaan ayaa ka qeybgalay munaasabad ay heshiis kula saxiixanayeen maamulka gobolka Banaadir, sidoo kale waxaa munaasabada ka qeybgalay guddoomiyaha gobolka Banadir C/raxmaan Cumar Cusmaan Yarisoow.

3/14/2018 1:29 AM EST
Arbaco, Maarso, 14, 2018 (HOL)-Faah faahin dheeraad ah ayaa ka soo baxaya dagaal u dhaxeeyay ciidamada dowladda iyo Al-shabaab ku dhaxmaray deegaanno hoostaga gobolka Bakool, gaar ahaan deegaanka Dudumaale oo 30-KM u jira degmada Xudur.

3/14/2018 1:11 AM EST
Arbaco, Maarso, 14, 2018 (HOL)-Xildhibaanno ka tirsan Golaha Shacabka ayaa mooshin ka dhan ah guddoomiyaha baarlamaanka Soomaaliya Prof Maxamed Cismaan Jawaari u gudbiyay guddoomiye ku-xigeenka koowaad ee baarlamaanka.

3/14/2018 12:59 AM EST
Arbaco, Maarso, 14, 2018 (HOL)-Mudanayaasha golaha Aqalka sare ee Soomaliya ayaa lagu wadaa in fadhigooda ay maanta uga doodaan xeerkii maalin ka hor soo meelmariyeen Xildhibaanada Golaha Shacabka ee ku aadanaa in dalka laga mamnuucay Shirkadda DP World.