Ciidamada dowladda oo isaga baxay deegaanka Barriire ee gobolka Shabeellaha Hoose
Sabti, October, 14, 2017 (HOL) – Ciidamada dowladda Soomaaliya ayaa lagu
waramayaa in subaxnimadii hore ee saakay isaga baxeen deegaanka Barriire re ee
Gobolka Shabeellaha Hoose.
Ka bixintaanka ciidamada dowladda ee deegaanka Barriire ayaa aheyd mid lama
filaan ku noqotay dadka deegaanka.
Ciidamada militariga ayaa u jiheystay dhinaca degmadaAfgooye iyo xerada
Laanta Buuro, waxaana wararku sheegayaan in deegaanka ay la wareegeen xoogagga
Al-shabaab.
Al-shabaab ayaa todobaadyadii ugu danbeeyayba weeraro is daba joog ah ku
hayay saldhigyada ciidamada dowladda ee Barriire iyo guud ahaan gobolka
Shabeellaha Hoose.
Bariire ayaa ah deegaan istiraatiiji ah oo qiyaastii degmada Afgooye u jira
illaa 60KM, waxaana la sheegaa inay aheyd goobaha Al-Shabaab weerarada ka soo
qaadi jireen.
Maalin ka hor ayeey aheyd markii ay iska casileen xilalkii ay ka hayeen
dowladda wasiirkii gaashaandhiga iyo taliyihii ciidamada xoogga dalka oo aan
ilaa iyo hadda la ogeyn sababta is casilaadooda.
C/raxmaan Diini, Hiiraan Online
[email protected]
