3/29/2024
Today from Hiiraan Online:  _
Wararka Maanta- Jimco, Oct 13, 2017
Xukumadda federaalka oo sheegtay in ay xoojineyso xiriirka kala dhaxeeya maamul gobolleedyada

 

Jimco, October, 13, 2017 (HOL) – Xukuumadda Soomaaliya ayaa soo dhaweysay baaqii Madaxweyne Farmaajo ee midnimada iyo wadashaqeynta hay’adaha dawliga ah ee heer Federaal iyo heer dawlad Goboleed.

Xukuumadda ayaa sheegtay in ay ka go’antahay xoojinta xiriirka iyo wadashaqeynta dawlad goboleedyada, islamarkaana qosheynayaan in ay sii socdaan shirarka gollaha wasiirada xukuumadda Soomaaliya ay ku yeelanayaan xarumaha dowlad gobolleedyada.

13kii July 2017 ayeey aheyd markii gollaha wasiirada xukuumada Soomaaliya kulankoodii caadiga ahaa ku yeesheen magaaalada Kismaayo, hasse ahaatee maamulka Koonfur galbeed uu dib u dhigay kulan qorshuhu ahaa in gollaha wasiirada Soomaaliya isugu tagan magaalada Baydhabo.

Wasiirka wasaarada warfaafintan Soomaaliya Cabdiraxmaan Cumar Cismaan Yariisoow ayaa sheegay in baaqii ka soo yeeray Madaxweyne Farmaajo ee ahaa in laga wada shaqeeyo midnimada iyo wadajirka ayuu sheegay in Golaha Wasiirada ay soo dhoweeyeen.

Madaxda maamul goboleedyada ayaa shir ay ku yeesheen magaalada Kismaayo ka soo saaray war murtiyeed ka kooban dhowr qodob, iyaga oo muujiyay tabashada ay ka qabaan Xukuumadda.

C/raxmaan Diini, Hiiraan Online
[email protected]













Click here
10/13/2017 11:34 AM EST
Jimco, October, 13, 2017 (HOL) – Dibadbax looga soo horjeedo shirkii dhawaan madaxda dowlad gobolleedyada Soomaaliya Kismaayo ayaa maanta ka dhacay magaalada Garbahaarey ee gobolka Gedo.

10/13/2017 8:57 AM EST
Jimco, October, 13, 2017 (HOL) – Wasiirka Wasaarada Gadiidka iyo Duulista hawada xukuumada Soomaaliya Maxamed C/laahi Salaad Oomaar ayaa sheegay in dhimayaasha hay’addaha UNka ku leeyihiin agagaarka garoonka diyaaradaha caqabad ku yihiin howlaha ka socda garoonka.

10/13/2017 3:44 AM EST
Jimco, October, 13, 2017 (HOL)- Madaxweynaha maamul gobolleedka Koonfur Galbeed Shariif Xasan Sheekh Aadan ayaa sheegay in ay wadaan qorshe ay iska kaashanayan dowladda dhexe, Koonfur Galbeed, AMISOM oo ku saabsan sidii Al-shabaab looga saari lahaa guud ahaan dalka gaar ahaan deegaannada uu ka arimiyo maamulka Koonfur Galbeed.

10/13/2017 3:34 AM EST
Jimco, October, 13, 2017 (HOL)- Ciidamada Amaanka Turkiga ayaa khamiistii shalay gacanta ku dhigay 226-Qof oo doonayay in si sharci-daro ah uga tahriibaan dalkaasi ka dib howlgal ay ciidamada ka sameeyeen gobollo dhowr ah,sida ay saraakiisha Ciidanka sheegeen.

10/13/2017 3:27 AM EST
Jimco, October, 13, 2017 (HOL)- Mareykanka ayaa weydiistay Dowlada Turkiga inay soo bandhigo haddii ay heyso caddeymo muujinaya eedaha ay usoo jeediyeen shaqaalo ka tirsan qunsuliyada Mareykanka ee Turkey iyo dhowr muwaadin oo Mareykan ah oo lagu xiray dalka Turkiga.

10/13/2017 3:20 AM EST
Jimco, October, 13, 2017 (HOL)- Munaasabad lagu xusayey maalinta arragga Adduunka (World Sight day) oo ku beegneyd shalay oo taariihkdu aheyd 12-ka bisha Oktoobar ee sanadka 2017 ayaa lagu qabtay Xarunta Jaamacada Banaadir ee Magaalada Muqdisho.

10/13/2017 3:03 AM EST
Jimco, October, 13, 2017 (HOL)- Ciidamo ka wada tirsan dowladda federaalka Soomaaliya ayaa xalay is rasaaseyn waxaa ay ku dhexmartay degmada Dharekeynley ee gobolka Banaadir.