3/28/2024
Today from Hiiraan Online:  _
Wararka Maanta- Khamiis, Oct 12, 2017
Munaasabad lagu maamuusayay maalinta Calanka Soomaaliyeed oo lagu qabtay Muqdisho

 


Khamiis, October, 12, 2017 (HOL) – Guddoomiyaha baarlamaanka Soomaaliya Maxamed Cismaan Jawaari, ra’iisal wasaaraha xukuumada Soomaaliya Xassan Cali Kheyre xubno ka tirsan gollahayaasha dowladda iyo ms’uuliyiin kale ayaa ka qeybgalay munaasabad lagu maamusayay maalinta calanka oo xalay lagu qabtay garoonka kubadda cagta ee Aadan Xaaji Yabaroow Wiish.

Munaasabadda oo ay wadajir u soo qabanqaabiyeen wasaradda dhalinyaradda iyo xayaaraha xukumadda Fedaraalka Soomaaliya iyo maamulka gobalka Banaadir ayaa lagu soo bandhigay halgankii iyo taariikhdii calanka Soomaaliya.

Wasiirka wasaaradda dhallinyarada iyo cayaaraha Khadiijo Maxamed Diiriye oo hadal ka jeedisay munaasabadda ayaa soo bandhigtey magacyada 9 xubnood oo noqon doona golaha KMG ah oo dhalinyaradda Soomaaliyeed oo uu ka mid yahay wiil naafo ah.

Ra’iisul wasaaraha xukuumadda Soomaaliya Xassan Cali Kheyre oo ka hadlay munaasabadda ayaa bogaadiyay kaalinta dhallinyarada Soomaaliyeed, isagoo u duceeyay dhallinyaradii halgalnka u soo martay xorriyadda Soomaaliya

Guuddoomiyaha Golaha Shacabka Soomaaliya Maxamed Sh Cismaan oo Khudbad ka jeediyay munaasibadda ayaa hambalyo u diray umadda Soomaaliyeed, isagoo si gaar ah dardaaran iyo bogaadin u diray dhallinyarada Soomaaliyeed.

Guddoomiye Jawaari ayaa sheegay in caawa ay tahay habeen aad ugu qiimo badan shucuubta Soomaaliyeed meel walba oo ay joogaan.

Gabagabadii Xafladda ayaa ra'iisal wasaaraha Soomaaliya iyo Guuddomiyaha Golaha Shacabka waxa ay wadajir shahaado Sharaf u guddoonsiiyay Qaar kamid ah Dhallinyarada Soomaaliyeed ee muujiyay dadaalka iyo howl karnimida.

Caawa oo kale, Sanadka walba waxaa dalka laga xusaa maalinta Calanka, waa maalin ka tarjumeysa Qarannimo, Midnimo iyo gumeysi naceyb, 63-sano ayaa ka soo wareegatay markii la sameeyay Calanka Soomaaliyeed, Calankeeda kaas oo leh Sooyaal qiimo badan oo dal iyo dibadba Qowmiyahada Soomaalidu ku faanto.

Xiddigta cad ee shanta gees leh waxaa ay ka tarjumeysaa Shanta qeybood ee dhulka Soomaalidu degto ka kooban yahay.

Midabka buluugga khafiifka ah waxaa uu ka tarjumayaa cirka iyo badda dhulka Somaalida oo mar walba midabkoodu buluug yahay.

Calankan Buluugga ah ee xidigta ka tarjumeysa Soomaliweyn dhexda uga xardhantahay waxaa la sameeyay 12 October, 1954.

Maalintaas wixii ka dambeeyay Soomaalida waxaa ka tarjumayey calankaas, oo ah Astaan ka hadleysa Soomaaliweyn iyo Midnimo Qaran.

C/raxmaan Diini, Hiiraan Online 
[email protected]













Click here
10/12/2017 10:49 AM EST
Khamiis, October, 12, 2017 (HOL) – Wasiirka Gaashaandhigga Soomaaliya C/rashiid C/llaahi Maxamed ayaa goor dhaw iska casilay xilkii uu ka hayay xukuumadda Soomaaliya.

10/12/2017 10:33 AM EST
Khamiis, October, 12, 2017 (HOL) – Warar goor dhaw na soo gaaray ayaa sheegaya in uu is casilay taliyaha ciidamada xoogga dalka Jen. Maxamed Axmed Jimcaale (Cirfiid), iyadoo Golaha Wasiirada Soomaaliya ay magacaabeen Taliye cusub oo bedela.

10/12/2017 9:17 AM EST
Khamiis, October, 12, 2017 (HOL) – Wasiirka Boostada, Isgaarsiinta iyo Teknooloojiyada ayaa ka qeybgalaya shir-weynaha Ururka Isgaarsiinta Caalamiga ah (ITU) oo 9-kii Sebteembar ka furmay caasimadda dalka Argentina ee Buenos Aires, kaddib markii wasaaraddu ku guuleysatay inay dib u soo ceshato xubinnimada buuxda ee ururkaas oo maqneyd tan iyo 1983-dii, kolkaas oo ay joogsatay bixinta qaaraanka sanadlaha ah.

10/12/2017 2:42 AM EST
Khamiis, October, 12, 2017 (HOL) – Ciidamada ammaanka gaar ahaan kuwa xasilinta ayaa xalay Howlgal gaar ah waxaa ay ka sameeyeen xaafaddaha ku teedsan wadada u dhaxeysa Muqdisho iyo Afgooye.

10/12/2017 2:36 AM EST
Khamiis, October, 12, 2017 (HOL) – Ra;iisal wasaaraha dalka Spain Mariano Rajoy ayaa u qabtay muddo shan maamood gudahooda in uu hogaamiyaha Catalonia ku kala caddeeyo in uu ku dhawaaqay madaxbanaani iyo in kale.

10/12/2017 2:30 AM EST
Khamiis, October, 12, 2017 (HOL) – Guddiga Doorashada ee dalka Kenya ayaa waxay shaaca ka qaadeen in doorashada loo balansan yahay in ay dalka ka dhacdo 26 bishan ay sii socon doonto,iyada oo ay jirto in Raila Odinga uu tartanka isaga baxay.

10/12/2017 2:20 AM EST
Khamiis, October, 12, 2017 (HOL) – War ka soo baxay xafiiska madaxweynaha dowladda Soomaaliya Maxamed Cabdullaahi Farmaajo oo wadda shaqeyn iyo midnimo, waxaana warsxaafadeedka madaxweynuhu u muuqday mid lagu soo beegay kaddib shirka Kismaayo ugu soo dhamaaday madaxda dowlad gobolleedyada dalka.

10/12/2017 2:10 AM EST
Khamiis, October, 12, 2017 (HOL) – Ra’iisal wasaaradaha xukuumada Soomaaliya oo xalay khudbad ka jeedinayay munaasabad lagu maamuusiyay maalinta calanka ayaa si kulul uga hadlay marxalada siyaasadeed ee dalka.