3/28/2024
Today from Hiiraan Online:  _
Wararka Maanta- Khamiis, Mar 23, 2017
Degmada Xuddun : dad ay abaartu saameysay oo deeq la gaarsiiyay


Khamiis, Maarso, 23, 2017 (HOL) - Degmada Xuddun oo ah halka ugu daran ee abaaruhu saameeyeen ayaa la sheegay in ku dhowaad lix kun oo qoys, kuwaas oo degaan ka yeeshay 35 xarumood oo ku yaala daafaha degmada degmada.

"5,200 oo qoys ayaan todobaadkii hore diiwaan geliney, hadana waxaa la filayaa in ay ka badan yihiin 6000 oo qoys" sidaa waxaa HOL u sheegay Maxamed Jaamac Mahad oo ka mid ah gudiga abaaraha degmada Xuddun, waxaanu intaa raaciyey in xaalku aad u adag yahay.

Jaaliyadda Soomaalida ee ku dhaqan wadanka Norway ayaa qadar lacag ah soo gaadhsiiyey dadka abaaruu soo barakiciyeen ku dhaqan Degmadda Xuddun oo ka tirsan Gobolka Sool.

Ceel Biyoodka Gamiinley oo dhanka bari ka xiga Degmadda Xuddun ayaa waxa Dhowaan soo Gaadhay ugu yaraan 40 qoys oo xoolihii ay dhaqanayeen ay raaceen abaaraha ba,an ee Deegaanka ka jira.

qoysaskan oo u badan Dumar iyo Caruur ayaanay jirin wax Kaalmo ah oo ka soo gaadha hay,adaha Caalamiga ah ee Samafalka iyo Maamulada Ka jra Dhulka soomaalida Midnabaa.

Cali Daroor Ismaacii oo ka mid ah Jaaliyadda Soomliyeed ee ku dhaqan Waddanka Norway oo loo wakiishay in uu Deeqdaasi gaadhsiiyo bulshada Xoola raacatada ah ee abaaruhu saameeyeen ayaa u sheegay warbaahinta in loogu talagalay lacagtaasi kooban ugu yaraan 40 qoys oo ku soo barakacay Duleedka Degmadda Xuddun,

waxana uu intaasi Raaciyey in Jaaliyadda Degmadda Xuddun ee ku dhaqan qurbha looga baahanyahay inay mideeyaan Gurmadka loogu jiro samata bixinta dadka abaaraha ku caydhoobay

Seynab Cabdi Warsame













Click here
3/23/2017 2:22 PM EST
Khamiis, Maarso, 23, 2017 (HOL) – Qofka lagu tuhusan yahay in uu geystay weerarkii shalay ka dhacay Buuntada Westminster ayaa la sheegay in uu ahaa qof Biritish ah sidaa waxaa sheegtay ra’iisal wasaaraha dalka Theresa May

3/23/2017 12:55 PM EST
Khamiis, Maarso,23, 2017 (HOL) –Maxkamadda Ciidamada Qalabka Sida ee Soomaaliya, ayaa maanta xukun dil toogasha ah ku riday labo askari oo ka tirsan Ciidanka Dowladda Federaalka oo lagu eedeeyay in ay weerar ku qaadeen saldhigga Booliska Degamada Howladaag ee Gobolka Banaadir.

3/23/2017 12:48 PM EST
Khamiis, Maarso, 23, 2017 (HOL) – Saraakiisha booliiska Uganda ayaa sheegay in ay baadigoob ku hayaan ciidamada sida gaarka ah u tababaran kuwaasoo lagu eedeeyay in ay toogasho ku dileen gabar saddex sano jir ah.

3/23/2017 12:28 PM EST
Khamiis, Maarso, 23, 2017 (HOL) – Maxkamada sare ee ciidamada dowlad gobolleedka Puntland ayaa mar kale maanta dhalinyaro ku eedeysan in ay ka tirsan yihiin Al-shabaab shan ka mid ah ku riday xukun dil ah, labo kalana lagu xukumay xabsi daa’in.

3/23/2017 12:18 PM EST
Khamiis, Maarso, 23, 2017 (HOL) – Hay’adda ICRC ayaa sheegtay in saddex ilaa afar bilood oo kaliya la heysto si looga hortago ama looga badbaadiyo macaluul dhacda nolasha malaayiin ruux oo ku dhaqan saddex dal oo Africa ah iyo Yemen.

3/23/2017 10:43 AM EST
Khamiis, Maarso ,23, 2017 (HOL)- Koox hubaysan oo aan wali haybtoodda la garan ayaa xalay rasaaseeyey guriga wasiirka Boostadda iyo Isgaadhsiinta Somaliland Maxamuud Sheekh Cabdilaahi wakhti habeenimo ah oo wasiirkuna gurigiisa uu hurday.

3/23/2017 9:40 AM EST
Khamiis, Maarso, 23, 2017 (HOL) – Madaxweynayaasha Somalia iyo Kenya, Maxamed Cabdullhi Farmaajo iyo Uhurro Kenya ayaa maanta kullan ku yeeshay magaalada Nairobi, iyagoo kullankooda kadib kala saxiixda heshiis dhowr qodob ka kooban.

3/23/2017 7:30 AM EST
Khamiis, Maarso,23, 2017 (HOL) –Ugu yaraan Afar dagaalyahano oo laba ka mid ah la sheegay in ay ahaayeen Oroma ka bar-bar dagaalamayay Al Shabaab ayaa lagu dilay dagaal xalay ka dhacay magaalo xeebeedka Baraawe ee Gobolka Shabeellaha Hoose, sida Hiiraan Online uu u sheegay, Guddoomiyaha magaaladda Baraawe Cumar Madoobe.

3/23/2017 7:02 AM EST
Khamiis, Maarso, 23, 2017 (HOL) –Madaxweynaha dowladda Soomaaliya Maxamed Cabdullaahi Farmaajo ayaa si diiran loogu soo dhaweeyay xarunta madaxtooyada dalka Kenya, halkaasoo uu kulan albaabada u xiran yihiin kula qaatay dhiggiisa Uhuru Kenyatta.

3/23/2017 4:58 AM EST
Khamiis, Maarso, 23, 2017 (HOL) – Qaramada Midoobay ayaa sheegtay in lacag dhan $ 864 Million oo loogu talagalay in wax looga qabto abaarta daran ee ku dhufatay Soomaaliya ilaa iyo hada la helay 31% oo kaliya.

3/23/2017 4:08 AM EST
Khamiis, Maarso, 23, 2017 (HOL) – Dowladda Mareykanka oo ka mid ah dowladdaha taageera Soomaaliya ayaa soo dhaweysay magacaabista xubnaha cusub ee gollaha wasiirada dhawaan uu ku dhawaaqay ra’iisal wasaare Xassan Cali Kheyre.

3/23/2017 3:39 AM EST
Khamiis, Maarso,23, 2017 (HOL) –Al shabaab ayaa weerar culus xalay ku qaaday magaaladda Baraawe ee Gobolka Shabeellaha Hoose.

3/23/2017 3:25 AM EST
Khamiis, Maarso, 23, 2017 (HOL) – Xoogag ka tirsan xarrakada Al-shabaab ayaa xalay weerar ku qaaday magaalo xeebeedka Baraawe oo ka tirsan Gobolka Shabeellaha hoose.

3/23/2017 12:30 AM EST
Khamiis, Maarso,23, 2017 (HOL) – Magaalada Nairobi ee dalka Kenya ayaa waxaa maanta ka furmaya shir ay yeelanayaan masuuliyiinta ugu sareysa Soomaaliya iyo Kenya sida horey loo sii shaaciyay.

3/23/2017 12:13 AM EST
Khamiis, Maarso, 23, 2017 (HOL) – Saraakiisha booliiska Britain ayaa sheegay in qofkii weerarka ka geystay Arbacadii shalay dhismaha baarlamaanka UK uu xiriir la lahaa kooxaha islaamiyiinta.