Madaxweyne Farmaajo oo soo dhaweeyay magacaabista gollaha wasiirada
Talaado,
Maarso ,21 , 2017 (HOL) – Madaxweynaha dowladda Soomaaliya Maxamed Cabdullaahi
Farmaajo ayaa soo dhaweeyay magacaabista xubnaha gollaha wasiirada kadib munaasabad
kooban oo ka dhacday xarunta madaxtooyada Villa Soomaaliya.
Madaxweyne Farmaajo ayaa ugu horeyn soo dhoweeyay Wasiirada cusub, wuxuuna
kula dardaarmay inay xilka u gutaan si daacadnimo ah, una adeegaan umadda
Soomaaliyeed.
Madaxweynaha ayaa sheegay in golaha wasiirada cusub ee lagu dhawaaqay ay
yihiin kuwo ka turjumaya rabitaanka shacabka, isagoo xusay in xilligan oo dalka
ku jiro xaalad adag ay tahay xukuumad looga baahan yahay inay dalka iyo dadka u
adeegto.
Madaxweynaha ayaa ugu baaqay Xildhibaanada Baarlamaanka inay ansixiyaan
Xukuumadda cusub, si waajibaadkeeda qaran u gudato.
Ugu danbeyntii, ra’iisal wasaare Kheyre ayaa maanta ku dhawaaqay 26 wasiir
iyo hal ra’iisal wasaare ku-xigeen, xukuumada cusub waxaa ka mid ah 6 dumar iyo
19 xildhibaan oo ka tirsan baarlamaanka Soomaaliya.
C/raxmaan Diini, Hiiraan Online
[email protected]
