Fanaanada Nimco Yaasiin oo Minnesota uga qaybgalaysa Barnaamijka Midnimo
Talaado, Maarso, 21, 2017 (HOL)-Fanaanada Nimco Yaasiin ayaa soo gaartay gobolka Minnesota
iyadoo ka qaybqaadanaysa barnaamijka MIDNIMO oo ah bandhig faneed lagu soo
bandhigo gobolkaan oo looga gol leeyahay isdhexgalka bulshadda.
Nimco Yaasiin oo ka tirsaneed hobaladii qaranka ee Waabari
ayaa waxaa ku soo dhaweeyay garoonka diyaaradaha ee Minneapolis/St Paul
badi fanaaniinta gobolka Minnesota .
Faadumo Cali madaxa barnaamijka MIDNIMO ayaa HOL u
sheegtay in ujeedada barnaamijkaan yahay
sidii aan u tusi laheen dadka Minnesota heesaha muusikada iyo dhaqanka
Soomaalida waana is dhexgal,waayo waxaa tumaya muusiga dad Maraykan ah waxaana heesaya fanaan
Soomaali ah, waxaan tagnaa iskuuladda iyo xarumaha dhaqanka lagu soo bandhigo oon
geeynaa fanka Soomaaliyeed ugana sheekaynaa dhaqanka iyo taariikhda Soomaalida.
Abdul Ibrahim oo ka shaqeeya Xarunta Cedar Cultural Center /
MIDNIMO ayaa sheegay in ay hore u
keeneen Minnesota fanaaniin badan sida buu yiri” AAR MAANTA ,DurDur Band,Maryan Mursal,
Cabdiqaadir Jubba, iyo Waayaha Cusub, sanadkaana waan sii wadaynaa .
Cabdul waxuu sheegay in bandhigyada ay kula qabanayaan Minneapolis, North Mankato, iyo St Cloud oo
ay rabaan dadka dagan magaalooyinkaana
ay arkaan dhaqanka iyo fanka Soomaalida.
Nimco Yaasiin oo bandhig faneedka uu ku weheliyo fanaanka
Cabdicasiis Iskaaji ayaa iyaduna u mahadcelisay soo dhaweenta loogu sameeyay Minnesota , waxayna si gaara
ugu mahadcelisay fanaaniinta Minnesota iyo Cedar Cultural Center oo suuro
galisay imaanshaheeda Minnesota.
Ugu danbayntii tan iyo markii madaxwayne Trump xukunka qabsaday iyo hadaladiisii adkaa ee uu uga hadli jiray soogalootiga & arimahii socdaalka ayaa la arkaayay dad badan oo Maraykana oo garab taagan dadka laga tirada badan yahay tana waxay fursad u tahay isku soo dhaween dhex marta dadka Minnesota iyo dadkii ku soo yimi 25 sano ee ugu danabaysay Soomaaliduna ugu horayso.
Siyad Said Salah
Hiiraan Online
[email protected]
Minneapolis Minnesota