Puntland oo madaxda dowladda ugu baaqday in ay soo dhisaan xukuumad wax ku ool ah
Isniin, Maarso, 20, 2017 (HOL) – Madaxweye ku-xixgeenka maamul gobolleedka
Puntland C/xakiin Xaaji Camey oo warbaahinta la hadlay ayaa sheegay in madaxda
dowladda federaalka looga fadhiyo in ay soo dhisaan sida uu hadalka u dhigay
dowlad wax ku ool ah.
Madaxweyne ku-xigeenka ayaa sheegay in mas’uuliyiinta ugu sareysa dowladda u
muuqdaan kuwa iyaga isku mashquulsan, taasoo ayuu yiri haddii ay sii socto lumi
karta hankii ay u hayeen bulshada Soomaaliyeed.
“Dowladda Federaalka, waa cusub tahay, laakiin waxay u egtahay in ay iyaga
isku mashquulsan yihiin, intey mashquulka iyo waqtiga ay dacayayaan iska
daayaan dowlad wax ku ool ah umada Soomaaliyeed haloo dhiso ayuu yiri madaxweye
ku-xigeenka.
Hadalka madaxweyne ku-xigeenka ayaa imanaya xili hadal heynta ugu badan
Soomaaliya tahay dhismaha xubnaha gollaha wasiirada oo la filayo in todobaadkan
gudihiisa lagu dhawaaqo.
Ugu danbeyntii, madaxweyne kuxigeenka Puntland ayaa ugu baaqay madaxda
dowladda in ay tixgeliyaan dadkii is bedel doonka ahaa, isla markaana dowlad
dhab ah la dhiso.
C/raxmaan Diini, Hiiraan Online
[email protected]
