3/28/2024
Today from Hiiraan Online:  _
Wararka Maanta- Axad, Mar 19, 2017
Warbixin : Dad abaarta ka soo barakacay oo ku qul qulaya magaalooyinka waaweyn ee dalka

 Axad, Maarso, 19, 2017 (HOL) – Waxaa marba marka ka danbeeya si adkaaneysa xaalada abaarta ka jirta qeybo badan oo ka mid ah dalka Soomaaliya, taasoo keentay in kumannaan dad ah oo ay dhaafeen xoolihii ay dhaqanayeen isaga soo hayaamaan deegaannada miyiga ah oo abaartu  saameyn gaar ah ku yeelatay.

Kumannaan qoysas barakacayaal ah oo horay ugu sugnaa magaalada Muqdisho ayaa waxaa ku soo biiray barakacayaal kale oo hore leh kuwaa oo isaga soo cararay nolal xumada ka jirta deegaannadii ay ku noolaayeen.

Sidoo kale magaalada Baydhabo waxaa gaaray barakacayaal ka taggay degaanno ku yaala gobolada Bay iyo Shabeelaha hoose, kuwaasoo muddo 15 maalmood ah waddada ku soo jiray si ay u gaaraan meel ay ka heli karaan gargaar cuno ah.

Magaalada Beledweyne ayaa ka mid ah deegaannada ay soo miciin bideen dad ka soo hayaamay qeybo ka mid ah gobollada dhexe, sidoo kale degmooyinka, Kismaayo, Dhuusa-mareeb, Caabud-waaq iyo Gaalkacyo ayaa laga soo sheegayaa in ay gaareen qoysas abaarta ka soo barakacay.

Dadkan oo u badan haween, carruur iyo dadwaayeel ah ayaan ilaa iyo hadda helin gurmad micno leh oo wax looga qabanayo nolasha adag oo ay wajahayaan marka laga reebo is xilqaan ay sameynayaan dadka ku dhaqan deegaannada ay maciinbideen.

Inkastoo gudaha iyo dibada laga wado gurmad iyo dadaal la doonayo in dadkan lagu caawiyo ayaa haddana dhinaca kale marka la eego wali waxaa jira daruufo adag oo dhinaca nolasha ah oo ay wajahayaan.

Waayo araga muddada dheer u soo joogay abaarihii isaga danbeeyay dalka ayaa sheegay in tani uga duwan tahay  in meelaha qaar laga soo warinayo dad nolasha is dhaafiyay  [is dilay] kaddib markii ay nolasha ka quusteen.

Sidoo kale waxaa jira cudurro abaarta la xirira oo ay dadka u dhimanayaan sida shuban biyoodka iyo macaluusha ka dhalatay nafaqa-darrada, taasoo keentay in dowladda federaalka ku dhawaqdo ‘’ Masiibo Qaran’’

Waxaa abuurmay guddiyo kala duwan oo ka shaqeynaya gurmadka abaaraha kuwaa oo qaarkood dowladda federaalka arintan u saartay iyo kuwa iskood isku xilqaamay oo isugu jiray culima’udiin iyo dad bulshada magac ku dhax leh oo dhamaatood u taagan ilaa xad siddii qoysaska dhibaateysan loo gaarsiin lahaa gargaar micno leh oo nolashooda wax ka taraya.

Guddiga gurmadka Qaran ee abaaraha ayaa bilaabay meelaha qaar in maamul gobolleedyada ku wareejiyaan dhaqaale loogu talagalay in lagu caawiyo dadka abaartu saameysay.

Ugu danbeyntii, dadka sida weyn u odorasa cilmilada ayaa qaba in bilaha soo socda la filan karo roobab lagu diirsado, waxaana todobaadyadii ugu danbeeyay ka jiray qeybo ka mid ah dalka isku soo baxyo Alle looga barayayo in dadka uu dhibaatada ka dulqaado.

C/raxmaan Diini, Hiiraan Online
[email protected]













Click here
3/19/2017 3:31 PM EST
Axad, Maarso, 19, 2017 (HOL) –Ra’iisal wasaaraha Soomaaliya ayaa markii ugu horeysay ka hadlay doorashada madaxweynaha maamulka Galmudug, kadib kulamo is daba joog ah uu la yeeshay hogaanka maamulka, xildhibaannada labada aqal iyo qeybo ka mid ah bulshada ka soo jeeda deegaannada Galmudug.

3/19/2017 2:54 PM EST
Axad, Maarso, 19, 2017 (HOL) – Dowladda Turkiga ayaa markii ugu horeysay ka dhawaajisay cadadka lacagta ay ku caawisay tan sanadkii 2011, xiligaa oo abaar ba’an ay ku dhufatay Soomaaliya.

3/19/2017 2:20 PM EST
Axad, Maarso, 19, 2017 (HOL) – Madaxweynaha Soomaaliya Maxamed Cabdullaahi Farmaajo ayaa la filayaa in maalinta Khamiista ah todobadkan booqashadiisii ugu horeysay tan iyo markii xafiiska loo doortay uu ku tago magaalada Nairobi ee dalka Kenya.

3/19/2017 12:05 PM EST
Axad, Maarso, 19, 2017 (HOL) – Madaxweynaha dowladda Kenya Uhuru Kenyatta oo booqasho lama filaan ah maalintii shalay ku tagay xerada militari ee ugu weyn ciidamada Kenya ee qeybta ka howlgalka midowga Africa ee ku taala degmada Dhoobley ee gobolka Jubbada hoose, ayaa amaanay ciidamada howlgalka ciidamada Kenya.


3/19/2017 7:18 AM EST
Axad, Maarso, 19, 2017 (HOL) -Maamulka Puntland ayaa ku soo bandhigay magaalada Bosaaso Markab ay dhawaantan kooxo Burcad badeed ah ku qabsadeen xeebaha gobolka Bari , xilli amniga shaqaalaha saaran Markabka uu ahaa mid si weyn loo adkeeyay.

3/19/2017 6:46 AM EST
Axad, Maarso, 19, 2017 (HOL) -Guddoomiyihii Maxkamadda Magaaladda kismaayo ee Gobolka Jubada Hoose Sheekh Xasan Macalin Aadan, ayaa ku dhawaaqay in uu is casilay, kadib markii cabasho uu ka muujiyay mushaar la'aan iyo amni daro, sida hadalka uu u dhigay.

3/19/2017 6:36 AM EST
Axad, Maarso, 19, 2017 (HOL) - Madaxweynaha maamulka Khaatumo Cali Khaliif Galaydh ayaa saaka ka duulay garoonka diyaarada magaalada Laascaanood Xarunta Gobolka Sool.

3/19/2017 6:17 AM EST
Axad, Maarso, 19, 2017 (HOL) -Ciidamo ka wada tirsan dowladda Soomaaliya, ayaa maanta is-rasaaseen ku dhex-martay xaafadda Tarbuunka ee degmadda Hodan ee magaaladda Muqdishu.

3/19/2017 5:57 AM EST
Axad, Maarso, 19, 2017 (HOL) -Xildhibaan Cabduqaadir Faarax Bootaan, oo mudooyinkii dambe xanuunsanayay ayaa maanta ku geeryooday isbitaal ku yaalla magaaladda Nairobi ee dalka Kenya.

3/19/2017 5:47 AM EST
Axad, Maarso, 19, 2017 (HOL) - Madaxweyne ku-xigeenka maamulka Jubbaland Max’uud Sayid Aadan oo wareysi siinayay Idaacada Risaale oo ka mid ah idaacadaha magaalada Muqdisho ayaa sheegay madaxweynaha Kenya uusan booqan degmada Dhoobley.

3/19/2017 3:56 AM EST
Axad, Maarso, 19, 2017 (HOL) - Ra’iisal wasaaraha xukuumada Soomaaliya Xassan Cali Kheyre oo ayaa qoraal ka soo baxay xafiiskiisa ku cambareeyay weerarkii dhawaan lagu dilay qaxooti Soomaali ah oo marayay xeebaha Yemen.

3/19/2017 3:32 AM EST
Axad, Maarso, 19, 2017 (HOL) - Wararka naga soo gaaraya degmada Cadaado ee gobolka Mudug ayaa sheegaya in ciidamada nabad-sugida maamulka gobolleedka Galmudug gacanta ku dhigeen gaari laga soo buuxiyay walxaha qarxa.

3/19/2017 1:15 AM EST
Axad, Maarso, 19, 2017 (HOL) -Dowladda Kenya ayaa saartay Bandhow xeryaha Qaxootiga Dhadhaab ee dalka Kenya.

3/19/2017 1:10 AM EST
Axad, Maarso, 19, 2017 (HOL) – Guddoomiye ku-xigeenka labaad ee baarlamaanka Soomaaliya Mahad Cabdalla Cawad oo maalintii shalay shir guddoominayay kulan magaalada Muqdisho ay ku yeesheen mudanayaasha baarlamaanka Soomaaliya ayaa ka dalbaday madaxweynaha iyo ra’iisal wasaaraha in ay deg deg u soo dhisaan xubnaha gollaha wasiirada.

3/19/2017 12:55 AM EST
Axad, Maarso, 19, 2017 (HOL) -Koox hubeysan, ayaa xalay bam gacmeed ku weeraray guri uu Xaafada Cunaaye ka dagan yahay, Nabadoon Isxaaq Maxamed, oo ka mid ahaa Ergadii Xildhibaanada Baarlamaanka ku doortay Magaalada Baydhabo.


3/19/2017 12:34 AM EST
Axad, Maarso, 19, 2017 (HOL) -Dagaal u dhexeeya Al Shabaab iyo ciidanka maamulka Koonfur-galbeed, ayaa shalay galinkii dambe ka dhacay Degmada Qansax-dheere ee gobolka Baay.