Ciidamo ka wada tirsan dowladda oo isku-rasaaseeyay magaaladda Muqdishu
Axad, Maarso, 19, 2017 (HOL) -Ciidamo ka wada tirsan dowladda Soomaaliya, ayaa maanta is-rasaaseen ku dhex-martay xaafadda Tarbuunka ee degmadda Hodan ee magaaladda Muqdishu.
Is-rasaaseenta ayaa bilaabatay, kadib markii ay is-qoonsadeen ciidamadda dowladda.
Saddex ruux, ayaa la sheegay in dhaawac uu kasoo gaaray iska-hor-imaadka.
Maamulka degmadda ayaa sheegay in ciidanka ay kala tageen, xaaladana caadi ayeey kusoo noqotay.
Maalmihii dambe, kala shakiga ciidamadda dowladda ayaa kusoo badanayay magaaladda.
Dowladda Soomaaliya, ayaa wada qorshe cusub , oo ay ku dooneyso in ciidanka Militray-ga dowladda looga saarayo magaaladda Muqdishu, si ciidamadda Police-ka iyo Nabadsugida ay ula wareegaan ammaanka magaaladda Muqdishu.
