3/28/2024
Today from Hiiraan Online:  _
Wararka Maanta- Jimco, Jun 23, 2017
Madaxwene Farmaajo oo u sheegay Jaaliyadda Soomaaliyeed ee wadanka Uganda in ay ka qeyb galaan dib-u-dhiska dalkooda

 

Jimco, June, 23, 2017 (HOL) –Madaxweynaha Jamhuuriyadda Federaalka ee Soomaaliya Mudane Maxamed Cabdullaahi Maxamed Farmaajo ayaa shalay magaalladda Kampala ee caasimada dalka Uganda kula kulmay Jaaliyadda Soomaaliyeed ee dalkaasi ku nool.

Ujeedka kulanka waxaa uu ahaa sidii Jaaliyadda Soomaaliyeed ay u la wadaagi lahaayeen, fursadaha ay haystaan iyo caqabadaha ay tabanayaan.

“Madaxweynaha waxaan u sheegnay in aan dooneyno in dalka nabad uu noqdo si aan ugu wada noqono, waxa keliya ee caqabada ah ee Soomaalidda heysta waxaa ay tahay amni darrada ka jirta dalka, sidoo kale Madaaxweynaha waxaan u sheegnay in dhallinyarada shaqo loo abuuro, si ay uga baaqsadaan in ay tahriib aadaan”, sidaasi waxaa Hiiraan Online u sheegay Mustaf Maxamed Cali oo ka qeyb-galay kulankii Farmaajo iyo Jaaliyadda Soomaaliyeed ee wadanka Uganda.

Madaxweynaha ayaa Jaaliyadda uga warbixiyay xaaladaha guud ee uu dalku ku suganyahay, waxaana uu kula dardaarmay Jaaliyadda in ay ka qeyb galaan dib-u-dhiska dalkooda.

Madaxweyne Maxamed Cabdullaahi Farmaajo ayaa tilmaamay in dowladdu ay ku shaqeyneyso rabitaanka shacabka, isla markaana Jaaliyadda looga baahanyahay inay door muuqdo ku yeeshaan dib u dhiska dalka.

Hiiraan Online,
Hassan Istiila
[email protected]
Mogadishu,Somali













Click here
6/23/2017 3:52 PM EST
Jimco, June, 23, 2017 (HOL) – Dowladda Mareykanka ayaa shaacisay in Liiska Argagixisada laga saaray Sheekh Mukhtaar Roobow Cali Abuu Mansuur oo ka mid ahaa saraakiisha ugu sareysa Al-shabaab.

6/23/2017 2:30 PM EST
Jimco, June, 23, 2017 (HOL) –Wareegto ka soo baxday xafiiska Madaxweynaha Dowlad-Gobolleedka Hirshabeelle Mudane Cali Cabdullaahi Cosoble, ayaa lagu dhameystiray xubnaha Maamulka Gobolka Shabeellaha dhexe ee heer Gobol, iyadoo Madaxweynaha uu horey u magacaabay Guddoomiyaha Maamulka Gobolka Mudane Axmed Meyre Makaraan, waxaana hadda gabi ahaanba la dhameystiray maamulka.

6/23/2017 12:55 PM EST
Jimco, June, 23, 2017 (HOL) – Inta la xaqiijinayo ilaa saddex ruux ayaa ku dhimatay weerar Al-shabaab maanta ay ku qadeen suuqa xoolaha deegaanka Biyo Cadde ee gobolka Shabeellaha dhexe.

6/23/2017 12:39 PM EST
Jimco, June, 23, 2017 (HOL) – Madaxweynaha dowladda Soomaaliya Maxamed C/llaahi Farmaajo oo kamid ah madaxda ka qeyb galaysa Shirka Isgarab-taagga Uganda ee Qaxootiga, ayaa ku baaqay in qaxootiga Soomaaliyeed la siiyo fursado ay uga shaqeysan karaan dalalka ay martida u yihiin si ay noloshooda u hormariyaan.

6/23/2017 12:28 PM EST
Jimco, June, 23, 2017 (HOL) - Safiirka Mareykanka ee Soomaaliya Stephen Schwartz ayaa sheegay in Mareykanka uu mar kale howl-gal Diblomaasiyeed oo rasmi ah ku yeelan doono Soomaaliya, marka ay Muqdisho ka furtaan xafiisyo dhammaadka sanadkan.

6/23/2017 7:41 AM EST
Jimco, June, 23, 2017 (HOL) – Xoogag ka tirsan Al-shabaab ayaa weerar ay ku qaaday Banki ku yaalla magaalada Mandera ee Waqooyi-Bari Kenya, iyaga oo halkaa ku dilay Labo ruux oo rayid ah iyo qof kale oo lagu sheegay in uu ka tirsanaa ciidamada amniga.

6/23/2017 7:33 AM EST
Jimco, June, 23, 2017 (HOL)– Wadamada Khaliifka ee xiriirka u jaray dowladda Qatar ayaa soo saaray Liis ay ku qoran yihiin dalabyo laga doonayo in ay fuliso xukuumada Doha si xayiraada saaran looga qaado.

6/23/2017 1:56 AM EST
Jimco, June, 23, 2017 (HOL) – Ciidamada Xasilinta Caasimadda Muqdisho ayaa maanta howlgallo baaritaanna ah ka wada qaar kamid ah degmooyinka Gobolka Banaadir.

6/23/2017 1:32 AM EST
Jimco, June, 23, 2017 (HOL) – Ugu yaraan 29 qof ayaa ku dhintay Qarax ka dhacay Gobolka Helmand ee dalka Afgaanistaan, sida Police-ka ay sheegeen.

6/23/2017 1:20 AM EST
Jimco, June, 23, 2017 (HOL) – Guddoomiyihii Sportiga degmadda Wadajir Maxamed Catoosh Macalimoow, ayaa gelinkii dambe ee shalay u geeryooday dhaawac dhawaan kasoo gaaray qarax Al Shabaab ay ku weerareen xaruunta degmadda Wadajir ee magaalladda Muqdishu.

6/23/2017 12:44 AM EST
Jimco, June, 23, 2017 (HOL) –Guddiga Joogtada ah ee Golaha Shacabka Jamhuuriyadda Federaalka Soomaaliya ayaa kulan ay Muqdisho ku yeesheen waxa ay ku go’aamiyeen xiliga uu furmayo Kalfadhiga 2aad ee Golaha Shacabka.

6/23/2017 12:39 AM EST
Jimco, June, 23, 2017 (HOL) –Golaha Wasiirada ee Xukuumada Federaalka Soomaaliya ayaa shalay yeeshay kulankoodii caadiga ahaa oo uu shir-guddoominayey Ra’iisal Wasaaraha Xukuumada Mudane Xasan Cali Khayre. Arrimaha diirada lagu saaray shirkan waxaa ka mid ahaa ansixinta Shuruucda Isgaarsiinta iyo La-Dagaalanka Argagaxisada iyo arrimo kale.