3/28/2024
Today from Hiiraan Online:  _
Wararka Maanta- Khamiis, Jun 22, 2017
Wasiirka arimaha gudaha DF Soomaaliya oo gaaray Gaalkacyo

 

Khamiis, June, 22, 2017 (HOL) – Wasiirka wasaarrada arrimaha gudaha iyo dib-u-heshiisiinta dowladda federaalka Soomaaliya Cabdi Faarax Juxa ayaa gaaray magaalada Gaalkacyo ee xarunta gobolka Mudug.

Wasiirka ayaa kulamo la leh waxgaradka Gaalkacyo iyo mas’uuliyiinta labada dhinac, isagoo kala hadlaya sidii loo xoojin lahaa heshiiska nabadeed ee maalintii Talaadadii ay wada gaareen labada maamul ee Puntland iyo Galmudug

Wasiir Juxa ayaa xalay ka qeyb galay kulan afur ah oo ay u sameeyeen waxgaradka magaalada ayaa sheegay in dowladda Federaalka ay muhiim u tahay in xal nabadeed oo wadajir ah laga gaaro colaada Gaalkacyo.

“Gaalkacyo oo muddo dheer magaalo colaadeed aheyd, waxaa ay noqon kartaa meesha Soomaaliya nabada looga soo dabaali karo, waxaa qabaa in la raadiyo Gaalkacyo cusub, iyo Mudug cusub oo nabad lagu wada noolaado”ayuu yiri wasiirka arrimaha gudaha.

Waxaa uu sheegay in reer Gaalkacyo looga baahan yahay in ay ka shaqeeyaan nabadgelyada iyo wadajirka, si loo soo afjaro colaadihii afartanka sano ee ka jirtay magaalada, si ay magaalada Gaalkacyo tusaale ugu noqoto dalka oo dhan.

Socdaalka wasiirka Arrimaha Gudaha uu ku tagay Gaalkacyo ayaa ah kii u horeeyay ee uu ku tago. iyadoo maalin ka hor lagu soo gaba gabeeyay wada hadal u socday Wasiiro ka tirsan Galmudug iyo Puntland, kaasoo heshiis nabadeed lagu gaaray.

C/raxmaan Diini, Hiiraan Online
[email protected]













Click here
6/22/2017 2:42 PM EST
Khamiis, June, 22, 2017 (HOL) –Wasiirka dhalinyarada iyo cayaaraha dowlad goboleedka Jubaland Sheekh Max'ed Max'uud Awlibaax ayaa goordhow Isbitalka Digfeer ee haatan loo yaqaan Isbitalka Recep Tayyeb Erdogan ee magaalada Muqdisho ugu geeriyooday dhaawac kasoo gaaray qaraxii ka dhacay magaalada Muqdisho.

6/22/2017 10:45 AM EST
Khamiis, June, 22, 2017 (HOL) –Qarax Ismiidaamin ah oo maanta lala eegay Saldhigga degmada Waaberi ee magaalada Muqdisho islamarkaana ay ku dhinteen......

6/22/2017 8:02 AM EST
Khamiis, June, 22, 2017 (HOL) – Warar hordhac ayaa ka soo baxaya qarax xoogan oo loo adeegsaday gaari walxaha qarxa laga soo buuxiyay oo goor dhaw lagu weeraray saldhiga degmada Waaberi ee gobolka Banaadir.

6/22/2017 7:51 AM EST
Khamiis, June, 22, 2017 (HOL) – Dowladda Kenya ayaa sheegtay in ay gudaha dalkeeda u tallaabeen dagaalyahano hubaysan oo ka tirsan Ururka Al-shabaab.

6/22/2017 12:49 AM EST
Khamiis, June, 22, 2017 (HOL)– Madaxweynaha Jamhuuriyadda Federaalka ah ee Soomaaliya Mundane Maxamed Cabdullahi Farmaajo, ayaa shalay gaaray magaalladda Kampala ee caasimada dalka Uganda.

6/22/2017 12:44 AM EST
Khamiis, June, 22, 2017 (HOL)– Ra’iisul Wasaaraha XFS Mudane Xasan Cali Kheyre ayaa shalay ka qeyb galey kulan Todobaad la ah oo ay iskugu yimaadaan gudoomiyayaasha degmooyinka gobolka Banaadir kaasoo looga hadlayey xaalada magaalada Muqdisho. Waxaana kulankan shir gudoominayey gudoomiyaha gobolka Banaadir Thaabit Cabdi Maxamed.

6/22/2017 12:39 AM EST
Khamiis, June, 22, 2017 (HOL)– Koox hubeysan ayaa xalay degmadda Qoryooley ee Gobolka Shabeellaha Hoose ku dilay nin Oday ah oo lagu magacaabi jiray Sheekh Ibraahim Kaba-cadde.

6/22/2017 12:30 AM EST
Khamiis, June, 22, 2017 (HOL)– 5,000 “Shan kun” oo qof ayaa Arbacadii shalay ka qeyb-gashay aaskii Nabra Hassanen oo aheyd gabar 17-jir ah oo dhawaan lagu dilay gobolka Virginia ee dalka Maraykanka.

6/22/2017 12:20 AM EST
Khamiis, June, 22, 2017 (HOL)–Ugu yaraan 100 qof ayaa lagu dilay dagaallo diimeedyo ka dhacay magaalladda Bria oo ku taalla bariga dalka Afrikada Dhexe.